ماريد احمل ؟؟

**لحن التناهيد** · 2010-02-09, 00:14

[QUOTE=zh0or;19425246]حبيبتي....لا تقولين ما ابا احمل مب زين......متى ما الله راد انج تحملين ترا بتحملين....بموانع ولا طبيعي....واذا عندج ظرووف...مثلا توج مربي....هذا شي 2....بس بعد ما تقدرين تسوين شي...هذي مشيئه ربج...غيرج يتمنى ظفر ياهل...

شكلج بس قريتي العنوان الله المستعان من هالردو

اقري الموضوععدل قبل ماتردين

هالردود الي تنرفز وتقولولي ليش اعصب ؟؟

**hind25** · 2010-02-09, 00:22

الغلا فى حبوب تاخدينها اسمها مانع حمل للطوارىء يعنى اذا واحده نست تاخد حبه واستوى جماع تاخدها انا عندى منها بس لازم ما يكون عدى فترة عالجماع مدرى 48 ساعه اظنى

**ام عمر1** · 2010-02-09, 01:01

ماعندي فكره،،ربي ييسر امورج

**ام حمده 77** · 2010-02-09, 01:03

الله يعنك يالغالية وان شاء الله ما تكوني حامل

مريت بتجربتك كنت اخذ الدواء وغلطنا في ليلة واستوى الحمل

**لحن التناهيد** · 2010-02-09, 13:59

المشاركة الأصلية كتبت بواسطة hind25

الغلا فى حبوب تاخدينها اسمها مانع حمل للطوارىء يعنى اذا واحده نست تاخد حبه واستوى جماع تاخدها انا عندى منها بس لازم ما يكون عدى فترة عالجماع مدرى 48 ساعه اظنى

اوه لو خبرتيني قبل رحت للصيدلية ماطاعت تصرفلي اي مانع اوين لازم وصفه دكتور

**~ كلي دلع ~** · 2010-02-09, 14:12

أنا بقولج في كذا حرمة أعرفهن ركبن لولب لكن صار حمل يعني اللي الله كاتبنه لج بيصير

أنا بقولج كنت شراتج بالعكس أنا كنت متفقة ويا ريلي انه الحين ما أحمل إلا بعد سنة واتخيلي حملت وانا في البداية كنت شراتج مابي أحمل لكن الحين أقول الحمدلله إنه الله كتبلي إني أحمل والحمدلله على كل شي

**Anwaar** · 2010-02-09, 14:33

البنات ما قصروا من ناحية الاناناس والاشيا الممنوعه خلال الحمل.. بس بعد اخاف لا سمح الله يحدث الحمل ويتأثر الجنين اكثر واكثر.. بس للمرات القادمه ما انصحج تستخدمين حبوب منع الحمل لانها بتخرب لج شغل الروآكوتان.. ولا انصح بأي تدخل هرموني مثل اللولب او اللزقات EVRA PATCHES
http://www.orthoevra.com/index.html

وعندج شي مثل الخاتم يحطونه داخل بس بعد يحتوي عالهرمون فما انصح فيه
http://www.nuvaring.com/Consumer/index.asp

اللي لازم تستخدمينه شي يمنع الحمل وفي نفس الوقت ما يلخبط هرموناتج.. عيل حق شو متعذبه مع الروآكوتان؟؟

استخدموا الواقي الذكري.. او استخدمي VCF وهالاثنين تقدرين تركبينهم بروحج ما يحتاي للدكتورة
http://www.vcf-contraceptive.com/whatisvcf.html

او استخدمي Diaphragm with Spermicide (مضمون بنسبة 95%)
http://www.birth-control-comparison.info/diaphram.htm
http://en.wikipedia.org/wiki/Diaphragm_(contraceptive)

او استخدمي Cervical Cap with Spermicide (مضمون 91% بس فعاليته تمتد ليومين وممكن ابقاءه للاستخدام لاكثر من ممارسه خلال اليومين)
http://www.pamf.org/teen/sex/birthco...rvicalcap.html
http://en.wikipedia.org/wiki/Cervical_cap

ولكن الوسيلتين الاخيرتين يحتاجون ان الدكتورة تركبها لج... وما ادري اذا متوفرة في الامارات بس برا موجوده او تقدرين تطلبينها عالنت..

شخصيا انصح بال VCF اذا بغيتيه خبريني وبقولج وين تشترينه

**+حلوه موت+** · 2010-02-09, 20:38

شو هو VCF

**اخت بوحميد** · 2010-02-09, 20:51

الغلاا ركبي لولب او اكلي حبوب ياسمين

**آم سع ـيد** · 2010-02-09, 21:50

آختيه آلغآليه .. ربي وربج ورب هآلعبآد كلهم يعرف بظروفج .. فآذآ آلله كتب لج يستوي حمل بيستوي لو سويتي مـآ سويتي .. وآذآ آلله مـآ كتب ترآه مـآ كتب !!

وعسى ربي ينولج بمآ في بآلج حبيبتي ..

: )

**زلال2008** · 2010-02-09, 21:57

الله يكتب لج اللي فيه الخير
بس استخدمي غسول البيتادين بعد الجماع .. يقولون زين

**Anwaar** · 2010-02-10, 09:16

المشاركة الأصلية كتبت بواسطة +حلوه موت+

شو هو VCF

Vaginal Contraceptive Film

شريحه مربعه شفافه يتم تطبيقها (تجسفينها) لغاية ما تصير رفيعه جدا ويتم ادخالها في المهبل قبل الممارسه بربع ساعه لغاية ساعه ونص باقصى حد.. تتحول الى ماده هلاميه لا يمكن للزوجين الشعور بها وتمنع وصول الحيوانات المنويه للرحم بفعل الهلام.. تستخدم الشريحه الواحده لممارسه واحده.. تخرج الماده الهلاميه مع الافرازات..

هذي النوعيه اللي اعرفها.. واشتريتها من صيدلية العين.. بس اللي تبغي وما تحصل تخبرني لاني كنت ماخذه كميه من فتره.. العلبه تحتوي 9 شرايح او 12 ما اذكر بالضبط.. وسعرها حول ال75 درهم

وهذي نوعيه ثانيه بس في امريكا

تمسكين الشريحه باصابع نظيفه تماما وجافه وتطبقينها من النص وعقب الربع وهكذا لين تستوي صغيره بحيث تقدرين تدخلينها لاعمق نقطه ممكنه

اتمنى وصل الشرح

**Mr$ K** · 2010-02-10, 09:27

لااااا تعليييق

**fashions** · 2010-02-10, 09:29

مافي حل لأن اللي صار صار .. يمكن يكون حمل ويمكن يكون لا ... ادعي ربك مايكون فيه حمل لان القذف لما يكون داخلي مايخصه اي وضعيه .... وحتى لو صار حمل وكان مشوه سبحان الله نعمه من الله مابيستمر بيطيح من حاله وينزل ... الموضوع فيه روكوتان لازم حبوب عالاقل فتره العلاح تستخدمينه .. انا الدكتور وقعني على ورقه مافيه زوووووووووواج قبل انتهاء فترة العلاج لاني لما استخدمته ماكنت متزوجه ..

الموضوع: ماريد احمل ؟؟

أدوات الموضوع

عرض

المواضيع المتشابهه

ماريد اعيش

ماريد شي بس دعوة طيبة

بصييييييييييييييييييييح ماريد احمل ساعدوني بليز...

ماريد منكم الا هالشي ..!