اللي عندها بيبي عمره 8 شهور .. تعالي خبرينا شو تاكلينه ؟؟

**هدوية** · 2010-02-04, 22:53

الموضوع مبين من عنوانه .. ابغي اعرف شو تعطون اعيالكم .. انا ولدي اعطيه وجبتين فواكه (موز او تفاح او عصير برتقال) ووجبة سيريلاك بالتمر ووجبة خضروات (كوسه مع بطاط مع جزر)مع صفار البيض .. واحس مليت من نفس النظام ..وهو بعد مل لانه مرات ما يرضى ياكل خاصة اذاكان مب وايد يوعان .. يعني اذا ميت من اليوع بياكل ..وانا قريت في الكتيب مال شركة ميلوبا انه الياهل في هالعمر لازم ياكل وجبتين خضرة ومرة وحدة فواكه .. فانا محتارةومب عارفة شو اعطيه .. ونتريا ردودكم الطيبة

المزيد من آخر المواضيع من نفس القسم:

**ام سالم** · 2010-02-04, 23:22

حبوبة خليج على الطبيعي يعني هب لازم تسوين له اكل خاص مال وما فيه طعم

اذا كان اكلكم بدون فلفل فاسمعي مني

عطيه العيش العادي الابيض واذا كنتوا تاكلون عيشكم يابس اشوي عيل يوم بتين بتشخلين العيش خلي اشوي حقه مع الماي ماله وخليه ايكمل سواه لين ينعم

عطيه اياه مع السمن واذا ما عندج سمن لبلاد يعني السمن لعربي عطيه حطي له سمن المراعي وايد حلو

اعفسي له بعد احيانا اشوية طماطه عليه يعني عيش سمن طماط

خذي من الصالونه اذا امسوينها البطاط والكوسى مثلا واعفصي له مع العيش

الموز يوم بتاكلينه هاتي خاشوقه اصغيره وتمي اسحتي اشوي من الموزه بيظهر لج شرات الهريسه عطيه

ونفس الشي بالتفاح

الكمثرى

نحن حق الصغارية ها اللي انسويه وما شاء الله عليهم لا امسك ولا اسهال ولا انهم عايفين الاكل

هاي الطريقة اتخلي نفس الياهل تنفتح ويرتاح ويكون طبيعي

**روزمري** · 2010-02-05, 01:25

انا بنتي قريب تدش الثامن

في هالمرحلة تقدرين تعطينهم لحم او دجاج بس لازم يكون مطبوخ عدل ومهروس للطفل

ممكن تنوعين له مثلا راح اكتب لج كم وصفه

1. عيش + اي نوع خضرة تحبين وعندش خيارات (( بطاطس حلوة او بطاطس الألو او اليقطين او جزر او كوسا او قرع او طماطم )) وطبعا خليهم مرة وحدةيستوون مع العيش

2. خضراوت مع بعض تطبخينهم بدون عيش

وحاولين تسويين توازن في الطعم مثلا الطماطم مالح اشوي يعني يعطي نكهه مع الخضرة الماصخه خخخخ مثل الكوسا او القرع او مثلا البطاطا الحلوة ( الفندال ) طعمه مايل للحلاوة مثل اليقطين ممكن تضيفين معاه باقي انواع الخضرة وقطع دجاج صغيرة وتهرسينهم

يعني نوعي في الطعم في الوجبه الواحدة

وبالنسبة للفواكه عطيه كل انواع الفواكه ما عدا المانجا والكيوي والفراولة الا بعد سنة لانها من مسببات الحساسيه >> كلاام الدكتورة

3. ممكن تعطينه الروب اللي بالفواكه

وحاولي تبدين وياه بالسمك اشوي اشوي

وانا بنتي اخلي اكلها في نفس وقتنا صدق قصه بس احسها تتقبل الاكل لما نكون ناكل معها بنفس الوقت

تحياااااااااااااااااااااااااتي

**روزمري** · 2010-02-05, 01:26

مكرر

مكرر

**أم الغناه** · 2010-02-05, 01:43

تقدرين بدال البطاطا تحطين بزاليا الخضرا..

او عدس مع العيش يستوي في نفس الجدر بعد حلو ..

الطماط حسست بنتي منه فوقفته في هالفترة..

**فرفوره89** · 2010-02-05, 02:07

طبعا بضيف ع كلامهم بعد
جزر وكوسا مع الشوفان تغليهم وربع حبة ماجي وووووايد اوكي وتربي الياهل

**elegant store** · 2010-02-05, 20:34

للــــــــــــــرفع

**هدوية** · 2010-02-06, 23:53

يزاكم الله خير حلوة الردود .. نبا تفاعل اكثر .. والاخت ام سالم تسلمين على الرد .. اللي اعرفه انه الياهل قبل السنة ماياكل ملح ر لانه كلية الياهل ماتتحمل الملح وممكن تسبب له اضرار .. فما يستوي اعطيه اكلنا لانه مملح وحار ..

**كميلانه** · 2010-02-08, 19:41

يعطيكم العافيه كلنا استفدنا

**ام عمرووني** · 2010-02-08, 20:33

انا ولدي عمره 7 شهور وشوي .... الصبح اعطيه بيض وجبن او جبنة كيري ولبنه او سيريلاك و اوقات احاول اعطيه من ريوق البيت... والغداء اعطيه يوم فواكه ويوم خضروات (بطاطا مهروسه او جزر وعيش ودياي مهروس) والمغرب اعطيه دانيت او كب كيك ... بس احاول ااكله من اكل البيت وماشالله عليه يتقبل الاكل والحمدالله ووزنه وايد زين والحمدالله واعطيه زبادي ...

**ام فصووولي** · 2010-02-09, 04:33

انا اعطيه روب ودانيت وحق الغدى خضروات مهروسه ودياي او سمج معا شوفان او عيش واعطيه فواكه تفاح وموز واعطيه روتي وشاي حليب وسيريلاك وبس

**أم رواني** · 2010-02-13, 22:01

يزاج الله خير الغاليه...

بس حبيت اسأل نهرس الاكل في هذا العمر ولا نعطيه من غير هرس...

**أميرة البيت** · 2010-02-13, 22:49

للرفع

**الوزيرة** · 2010-02-14, 00:12

الريوق اعطيها سيريلاك
والغداء افور العيش وقطعت دياي صغيره وكوسا وجزر ..
والعشاء اسويلها شوربة ويا شوفان
وطبعا العصر اعطيها روب بالفواكه او بسكوت او موز

**فطمطم** · 2010-02-14, 04:45

ان شاءالله يفيدووونج حبيبتي

الموضوع: اللي عندها بيبي عمره 8 شهور .. تعالي خبرينا شو تاكلينه ؟؟

أدوات الموضوع

عرض

اللي عندها بيبي عمره 8 شهور .. تعالي خبرينا شو تاكلينه ؟؟

المزيد من آخر المواضيع من نفس القسم:

المواضيع المتشابهه

اي وحده عندها بيبي عمره خمس5 شهور اوست6 بليز تدخل

طفلي عمره 5 شهور..نوع الحليب؟ نوع الطعام؟ابا اغير بيبي لاك اي سي

اللي عندها بيبي بعمر التسع والعشر شهور اتفيدني !

اللي عندها بيبي وعنده أمساك عندي الحل ؟؟ تعالي اخبرج

يا امهات متي ياكل بيبي الى عمره 4 شهور؟؟؟؟ساعدوني بليز؟؟؟