شغالتي تبا تشرد........

**الناجحه** · 2010-02-03, 15:31

بنات بدش بالموضوع على طول لاني بصراحه مدودهه

انا عندي شغاله ماكملت شهر عندي اثيوبيه وشغوووووووووووووله وشاله البيت على راسها

المشكله اني كنت ماخذتنها من المكتب مشتغله 7 شهور عند ناس

البارحه كانت عدنا خدامة اختي من نفس الجنسيه وكانو يسولفون بروحهم

وعند عمتي خدامه شراتهم سمعتهم بالصدفه يرمسون

شغالتي تقول انها ماتبي تشتغل في بيت تبي تشرد وتشتغل في مطعم..

فخبرتني شغالة عمتي..بصراحه مصدووووووووووومه شو الحل وكيف اتصرف وياها وشو اسوي

لاني فعلا مب عارفه شو اسوي...

شو اتشورو علي ...؟؟؟؟؟؟؟؟؟

المزيد من آخر المواضيع من نفس القسم:

**البدواويه** · 2010-02-03, 15:36

رديها المكتب او انج اتكلمينهم
انا بعد خدامتي شردت ولا حصلناها

**ahlamthani** · 2010-02-03, 15:36

خليها تروح عن تيب لج مصيبة انتي في غنى عنها

**^الدماني^** · 2010-02-03, 15:45

مادام البشكارة حاطة في بالها انها بتشرد
ان شا الله تسلسلسنها بسلاسل بعد بتشرد

رديها المكتب وقوليلهم انها تبى تشتغل في مطعم وتبين غيرها
اذا شردت بتنحسب عليج وما بترومين تييبين غيرها

**ام سلامة..** · 2010-02-03, 15:50

المكتب بيقولج نحن ما يخصنا ... بس يمكن يكلمونها ..
جربي ما بتخسرين شي ,, خبريهم عنها ...

**الناجحه** · 2010-02-03, 16:03

مشكووورين على الردود بوديها اليوم وبشوف...

**nonooo84** · 2010-02-03, 16:13

نفس الشغالات اللي عندنا

على فكرة هذيل عصابة ومعروفين رديها المكتب على طول

الله يسلمج احنا عندنا ثلاث شغالات وكلهم اثيوبيات وحدة سافرت ويبا وحدة بدالها

وهاي اليديدة سمعت الثانيات انهم يبون يشردون وقالوا لها تعالي ويانا بس هي مارضت وراحت خبرتنا

طبعا احنا ماخليناهم على راحتهم على طول اتصلنا بواحد من الاهل وخليناه يلبس ادريس الشرطة عسب ان شرطي

وعرفنا منهم ان في واحد بيمر عليهم بالليل وبيشلهم يشتغلون في مطاعم وفي بيوت بالليومي

رديناهم للمكتب ..

الاثيوبيات ما يقصرون يشتغلون في البيت عن 4 شغالات بس المشكلة انهم يشردون ويسوون لنا مشاكل

**mischocolat** · 2010-02-03, 16:30

رديها المكتب وقوليلهم انها تبى تشتغل في مطعم وتبين غيرها
اذا شردت بتنحسب عليج وما بترومين تييبين غيرها

**ماما امولة** · 2010-02-03, 16:35

للرفع

**ام مايا** · 2010-02-03, 16:36

المكتب احسن حل

**اناناسة** · 2010-02-03, 16:37

شو تتريين غناتي رديها اليوم قبل باجر

لان عقب لازم من اول يديد تدفعين لوحدة ثانية

انا شاردات عني 3 اثيوبيات !!!

**أم اشجان** · 2010-02-03, 16:40

يابوي رديها المكتب احسن لج عن تتمشكلين معاها

**Miyaya** · 2010-02-03, 16:41

وديها المكتب

**lobnania** · 2010-02-03, 18:20

موفقة ان شاء الله

**ام إياد** · 2010-02-03, 18:47

الله المستعان

الموضوع: شغالتي تبا تشرد........

أدوات الموضوع

عرض

العرض المتطور

شغالتي تبا تشرد........

المزيد من آخر المواضيع من نفس القسم:

المواضيع المتشابهه

الشغالة الي تشرد .......الله يغربلها ........

تعالوا شوفوا أخطاء الحريم كيف تشرد الريال !!!

شو اللي خلاها تشرد

قصيدة شغالة قبل ما تشرد لوووول^^..