احسن مكياج ساعدوني __

[عنونــي]

بغيت اعرف شو احسن ماركه مكياج غير MAC

وبغيت اعرف عن الايشدو وكريم اساس والارواج ووووو فرش وكل شي ايخص المكب

ومشكوره كل من تساعدني وسمحولي

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[moony805]

^____________^
شي واايد ماركات تقدرين تختارين .. وممتازه غير ماك ^^
الفاونديشن عندج
لانكوم ... واااااااااايد حلوو يعطيج تغطيه خطيره + مب لازم انج تحطين بودره فوقه

lancome TEINT IDOLE ULTRA SPF10



البودره ((pressed foundation powder))
جفنشي .. قويه وجميله + واااايد ناعمه غير جي تعطيج تغطيه >> وماااااات

Givenchy Matissime Powder Foundation SPF 20



البودره العاديه .. مالقيت اوكي غير ماك بصراحه

االحين دور البلاشر..

بن ناي .. هذا البلت فيه كل شي تحتاحينه من الخفيف لين القوي


وعندج بعد نارس للي بيكون ملتي بيربس
للخدود شفايف للعيون بعد هايلايت ^^
NARS THE MULTIPLE BLUSH STICK

احب ريفيرا .. كيوت بينك


مممممممممم البرونزر
سانت لوران + نارس

Yves Saint Laurent POUDRE DE SOLEIL SPF10Sun Powder 2 Golden Sun


NARS Laguna Bronzer


وصلنا للاي شدوووووو
انقلووووووووت + بن ناي


لوووووووووووول تعبت بكمل بعد العشا

[علوه]

ايه والله موضوع طويل هذا
شوفي انا بخبرج من تجاربي مع الماركات
نبدي بالفاونديشن ... شوفي يعتمد على ميزانيتج لو حابه تخسرين بيزات وعندج خذي لي من ميك اب فورايفر وايد يمدحونه تغطيته زينه وفيه منه درجات للتغطيه يعني تقدرين تاخذين full cover , medium cover m light cover يعني تغطيه ثقيله وكامله والي حلوة للاعراس والا تغطيه متوسطه وزينه للاستخدام اليومي للي بشرتهم فيها نمش والا حبوب والا سواد والا تغطيه خفيفة للاستخدام اليومي لصاحبات البشره الحلوة الي يبالها بس توحيد لون
وجرب فاونديشن غيرلاين كان حلو بس مو واااااو يعني ما حسيت فيه شي يميزه عن غيره
امي تستخدم ديور واختي الثانيه شانيل.. شوفي بقولج شي كل قوم باريس غاليري نفس النوعيه والجوده ما فيه شي احسن عن شي الا هاه كم من منتج والباقي خبر خير ...فاذا تبين تخسرين بيزاتج لازم تختارين المنتجات المميزة من عندهم بس وين وين من تدخلين ينطون عليج هالزلمات وما يهدونج مرة بالغصب تباج تشترين ويوم تقولين لها مايا هذا تنتفخ عليج وتحيس بوزها صدق اخلاق مالت بس ... ما علينا نرجع لموضوعنا
ايه سشيدو روووعه البيس مالهم الي اييج في علبه بحط لج صورته
هذا
اعتقد هذا القديم يمكن ما تحصلين مثله الحين ... الي حلو فيه تغطيته حلوة وسهل لما تحطينه يعني ما يطلع لج خطوط الفرشاه والا علامات الاسفنجه وانتي تحطينه
اما ماكس فاكتور ما عليه كلام بالذااااااااات الوجن تاش illusion touch هذي روووعه من طاحت وانا اتريا يحطون درجات لون افتح عشان تناسبني وللحين ماشي بس ما شالله عليها طلب مو طبيعي ووايد يمدحونها
هذي صورته وسعرها معقول بالنسبه لجودتها

ايه اما باقي فاونديشنات ماكس فاكتور الصراحه مو لهناك معجبه فيهم انا.. جربت كذا واحد امي بعد استخدمت على قولتهم خافي التجاعيد بس مامنهم فايده وااايد الوانهم على وردي واحمر وغامجه درجاتهم ووايد ثقييييييييله وصعب تحطينهم من ثقلهم لكن عن تغطيتهم تراهم ما عليهم كلام
جربت بعد لوراييال زين بس ما تغطيته طبيعيه ينفع حق كل يوم وعندهم درجات الفاونديشن حلوة يغطي كل الوان البشرات
والحين الكل هاب على الي اسمع الاساس المعدني او المكياج المعدني meneral makeup
والي تشوفونه بكل مكان اساس على بودره هذا ابتعدي عنه خساره بيزات على الفاضي بس كانه بوودره تغطيه متوسطه وما ينفع من غير اساس اذا بتاخذينه خذيه على اساس انه بودره تحطيه بعد الاساس روووعه بيكون انصح بمال لوريال سعره معقووول وكواليتي حلوة
هذا صورته



شو بعد من ماركات جربت ايه ايه بن ناي ..بليز بليز للي ما تعرف لبن ني لا تاخذه انا وحده ما اعرف له وتوي قريت موضوع في المنتدى عن وحده من البنات وتجربتها مع الكيك فاونديشن الي للاسف خذته وقطيته لانه فضيع صدق فضيع اول شي تغطيه 100% يعني انا حسيت اني حاطه جبس على ويهي وثاني شي الاخت تقول انه يتشقق ويسيح ويصير لوعه وفيه طريقه انج تحطين سمر كيك باسفنجه مبلله وبعدين تحطين البن ناي بس تراها تتعب البشره يعني طريقه بس للمناسبات تسوينها ولازم تنظيف البشره عدل بعدها ... عن نفسي ما احبذ هذي الطريقه بس بعطيكم كل الي اعرفه
هذي صورة البن ناي كيك فاونديشن يستخدم بالماي طبعا

وجربت بعد مال مبيبيلين الموس فاونديشن حلو وايد عيبني تغطيته متوسطه وطبيعيه وسهل تحطينه بصبعج ويعطيج طبقه مخمليه لاني ما احب الويه لما يلمع بالذات لما تبين تسووين مكياج طبيعي
هذي صورته ...

[IMG]http://www.maybel****.com/images/products/thumbNails/704MOUS_xl.jpg[/IMG]
ايه عن البيس اليديد ما جربته للاسف امس رحت وما يا على بالي اخذه اجربه ان شالله البنات يفيدونج بس شفت وحده من اليوتيوب تمدحه تقول تغطيته زينه ومايخترب بس عن تجربه تراني ما جربته فما اقدر احكم عليه ..

اعتقد كفايه عن البيس
اما البودره فما فيه مشاكل فيها حيالله اي بودره تحطينه بس المهم انها تلائم لون بشرتج ولازم تحطينها بالفرشاه لانه البودره تشتغل انها تثبت الفاونديشن وتشيل اللمعه لو حطيتي البيس السائل
عن نفسي استخدمت ايف سان لوران رووووعه ...حبيتها القديمه هاي صورتها

وحاليه استخدم ميبيلن وبريستيج وفورايفر52 و ناويه اجرب ماك وايد يمدحونها
خلصنا الاي شادو احسن لج تاخذين بلته فيها كم لون عشان تريحين بالج من الصدعه لانج لو خذتي حبه حبه ولون لون ما راح تخلصين وبيطلع عليج وااييد اغلى عن البلته الكبيره
لو تبين تروحين ماك تختارين الالوان الي دوم راح تستخدمينها والا بتكون الالوان الترابيه درجات البني والبيج والابيض والاسود والرمادي والا زادت عندج بيزات ممكن تاخذين الالوان الي تحبينها بس لو تحسين انه غالي انصح ب coastal scants بلتات فيها 88 لون لمعاي والا مات ووايد ارخص من ماك ...هذي الماركه تعتبر ماك للي ما يبي يخسر فلوسه على المكياج وما شي بالامارات لازم تطلبينها اون لاين من موقعهم وايه هني تاجره اسمها ملاك تبيعها شوفيها يمكن توفرهم لج لو متعايزة تطلبينهم من النت هاي صورهم
هذي بلته االالوان الطبيعيه مع السحن بتطلع عليج ب 150 درهم

وهني صورة البلته الي فيها الوان

وعندهم وايد اشياء احسن تزورين موقعهم وتشوفين الموجود
اما باقي الماركات من الاي شادوات اهم شي انه اللون يعلق وبس مو مهم شو يحطون فيه ليش لانه الاي شادو راح ينحط فوق الاساس يعني ماشي راح يمس بشرتج فاهم شي تكون الوانه قوية ولا تخسرين بيزاتج على قوم باريس غاليري لانه معظم الماركات الوانهم مو لهناك تعلق
انا جربت اي شادو غيرلان حلووو صدق حلوو بس اييب في بلته صغيره فيها لون واحد ب اربع درجات يعني قبل سنيتن كانت الوان البنفسجي في بلته والاخضر في ثانيه والبيج في ثالثه والازق في رابعه بس اربع بلتات باربع الوان
والكل بيوافق لما بقول اي شادو ماك ما يعلى عليه من بينجمنت الي هو اللوز باودر لالكومباكت
وهني صور الباليتات الي ممكن تختارين الالوان الي تبينهم احسن من ما تاخذذين حبه حبه بتتلعوزين فيهم ..مع اني عندي الاثنين بس يعتمد عليج انتي شو تفضلين

هذا البينجمنت المشكله في هذا انه لازم تحطينه بحذر لانه وايد يهرهر تحت العين فلازم تحطين بودره وبعد ما تخلصين منه تمسحينه بس الوانه مرعبه والله


هني بلته من الالوان الطبيعيه الي لازم تكون عند كل حد

وهني الحبات

انا استخدم ماك وغيرلان و ان واي اكس وااايد حلو الونهم رهيبه وتعلق و برستيج و كلارنس الي ما حبيتها وايد مثل ما قلت الوان ما تعلق وايد و الي صدق مطيحه عليه الحين فورايفر 52 و اووفيس بالذات المائي من فورايفر52 رووووعه و اري جو Aery Jo ماركه كوريه يديده لكن الوانها تعلق بشكل مخيييييييف بشكل تقريبا مثل ماك بس اقوى وان شالله خذت المائي من عندهم والحين باخذ الشيمر والمات هالماركه مو طبيعيه ابد وجربت بعد ميك ابد ستيدبو حلوين بعد وعندنا من المنتدى ام الميث تبيع ميك اب ستيشن رووعه الوانهم ان شالله ناويه عليها قريب هالماركه ...
اعتقد خلاص عن الاي شادوو

[علوه]

اما بالنسبه للكحل
عندج الكرييمي انصح بماك وفورايفر و اري جو وممكن فورايفر 52 روعه هذول
انا استخدم فورايفر 52 و اري جو
وفيه الكحل القلم
حاليا استخدم ريميل اسود فاحم بس بس بس يسيح من غير فاونديشن يعني لو تبينه حق كل يوم ما ينفع .. اختي جربت مال مكياجي هم يسيج وجربت مال فورايفر هم يسيح وجربت فورايفر 52 يسيح
وجربت ميبيلين ويسيج وخذت نفيا ما يسيح بس لونه مو اسود اسود على رمادي وجرب برسيتيج ما اذكر لو يسيح والا لا لاني ما احطه الا وقت المناسبات واكون محطيه فاونديشين فما يسيح
والحين في ماركه في لايف ستايل قالت للي تبيع ابي شي ما يسيح ولونه اسود طلعت لها قلم كحل ماركه هنديه على ما اعتقد سواده حلو يعني اسود واختي ما اقتنعت قالت اكيد بيسيح ردت عليها الي تبيه حطيته وروحي تمشي فيه بالمحل وتعالي وما بيسيح ابد طبعا اختي لما شافت الثقه الزايده خذته على 25 درهم بس وصدق طلعنا ورحنا وتمشينا وتم مثل ما هو ما ساح بس عاد شو اسمه ما اعرف
وفيه الاي لاينر السايل انصح ب ميبيلين امس رحت ابي اخذه بس ما حصلته القديم ما يسوونه الحين
هذا شكل اليديد ما خذته كنت ابي القديم

وايه لوريال وايد حلو الايلاينر مالهم
[IMG]http://4.bp.********.com/_2pF8K22l1OE/SxbpNK-DYCI/AAAAAAAADKE/KeuuMfIeK4c/s320/loreal-eye****r.jpg[/IMG]
وامي تستخدم جيفنشي القديم واليديد حلو بس اليديد ريشته ضعيفه وللي تستخدمه اول مرة بيكون صعب عليها تتحكم فيها
بالنسبه للاي لانير مافيه مشاكل حيالله اي واحد يمشي الحال المهم ما يسيح وما يحرق ويكون اسود فاحم حلو عشان جيه ما احب اخذ اشياء غاليه وموجود مثلها بنص السعر ويؤدي الغرض وجودته حلوة
ايه فيه الكيك ايلاينر بالماي انا الي عندي من اري جو وااايد حلو لونه اخف عن الايلاينر الكريمي والا اسائل بس حلو حق كل يوم من غير ما تحطين فاونديشن
شو بعد خلصنا الكحال هذا الي انا مجربتنه
ايه ايه لا تاخذين نيفيا ولا ريميل لاني احط مكياج بين فتره وفتره وهذول الاثنين لما تحطينهم على الجفن يحرررررررق كانج حاطه حمض على عيونج يمكن انا عيوني حساسه فالي عيونها حساسه تبتعد عنهم وحتى لما حطيته على عين امي وبنت خالي كلهم قالوا يحررررق يعني يحرق الجلد ولما اعسله جفني يحمر ويورم عشان جيه بس علقت على ميبلين لانه ما يسوي لي حساسيه حتى اخر مرة لما رحت لايف ستايل الي تبيع عطتني كحل ريميل قلت لها لا هذا يسوي لي حساسيه قالت لا هذا ضد الحساسيه يديد يعني كذا وحده حسسوا منه عشان جيه سووا شي يديد
الله يعين بس هالشركات تجرب علينا
وشو بعد البلاشر طبعا ماشي الا ناااارس والا ماك لو تبين تخسرين بيزات بس صدق هذول للحين ماشي مثلهم بالي ارخص يعني من قوم لايف ستايل
حاليا استخدم ماك و فورايفر 52 واووفيس وان واي اكس و برجوا وميبيلين و برستيج كلهم حلوين
ما عندي مشاكل بالبلاشر المهم لون حلو وفرشاه زينه
ايه من ميبلين في الحين البلاشر الكريمي حلو بس صعب اشوي للي اول مرة بتجربه لانه طريقه توزيعه عادي يتركز لج اللون في مكان ويصير ما حلو مثل خدود الدميه ^_^

الماسكرا ماكس فاكتور والا ميبيلين وارشح ميبيلين
ما عليها كلام عندي بعد مال ماك زينه بس ضد الماي بقوة تتوهقين لما تشيليها ولما تخلينها وايد تتيبس وتناثر لج رذاذ اسود تحت عيونج بمعدل اكثر عن الماسكرات الي جربتهم
الصراحه ما استخدم غير ميبليين والحمد لله ارتحت من الحواطه عجبتني من اول مرة وللحين اي ماسكرا يديده والا قديمه اخذها من عندهم

هذي ايدد وحده خذتها امس من لايف ستايل للحين ما فتحتها وجربتها
هذي اقدم وحده والغنيه عن التعريف بس تكتل الرموش اكثر عن اليداد

وهذي وااايد احبها [IMG]http://www.selectcouponprogram.com/grocery-coupons/images/Maybel****%20Mascara.jpg[/IMG]
طبعا بالمناسبات رموش صناعيه تاخذين من ماك لو تبين والا حيالله من اي مكان انا الي اخذهم من الصيدليه والا سفير والصمغ يا دوه والا الي استخدمه من سفير وايد زين ما تعبت معاه ما اذكر اسم الشركه
وخلاص اعتقد كملنا كل المكياج
ناقص القلتر استخدن اري جو وفورايفر 52 ولوريال
اما لمعه الجسم استخدم برستيج وايد ناعمه وريحتها عطريه تجنن استخدمها للعرايس وفيه منها الابيض والابيج والوردي
برونزاج برسيتيج والا بوبي براون لا تروحين يمين يسار
وبس هذا الي اعرفه من تجربتي الشخصيه
وان شالله اكون افدتج ^_^

[ديــايــه]

اختنا "علوه" ماقصرت فديتها ..

انا عني ماعتمد على مكان واحد ..

اسير باريس غاليري واخذ لي لفه طويله والقط من كل بستان زهره ..

واللي يعيبني ارد اخذه مره ثانيه ..

[wedad2]

اب اب

[moony805]

للرفع

[متأمله]

للرفع

[أم امون]

للرفع

[بنت المراشده]

[A.The one]

البنات ما شاء الله عليهن ما قصرن. بس أحب اقولج بالنسبه للفاونديشن لا تشترين أي شي بدون تجربه ..يعني روحي للمحل وانتي مب حاطه شي ع ويهج وخليها تجربلج وتمي شوي علشان تتأكدين انه نا يقطع وعقب اشتري.
ونصيحه اذا كانت بشرتج دهنيه او مختلطه فلا تاخذين فاونديشن سائل للإستخدام اليومي..لا خذي كومباكت رح يغطي بشكل كبير ومارح يسيح او يقطع. وأنصحج بكومباكت جيفنشي: Givenchy Matissime Powder Foundation SPF 20
أو ميك اب فور افر أو ماكس فاكتور