خدامتي حسبي الله عليها

**التائبه لله** · 2010-01-31, 21:16

السلام عليكم ورحمة الله وبركاته
ابصراحه ما اعرف من وين ابتتدي وشو اقول لكم وشو الحل في مشكلتيه
الله يسلمكم انا عنديه خدامه فلبينيه صار لها تقريباً 6 شهور او اكثر هي كبيره في السن يعني عمرها تقريباً في الاربيعينات وانا من طبعي اني اعاملهن بالاحسان والطيب ولو ما عيبتني ما اكثر الرمسه او اغلط عليها تذكره واسفرها لان مشاكلهن اكثر عن فوايدهن

يوم الخميس كنت بسير مع عيالي وعندي خدامتين غيرها وكنت ابا اشلهن كلهن بس هي عيت وقالت لا ما ابا اسير وبتم في البيت قلت لها اوكي انا بشل الباقيات وانتي وقت رقادج سيري بيت أهلي رقدي ع اساس يوديها الدريول وبيت اهلي مب بعيد عن بيتي قالت ابداً لا بسير ولا شياته وابا وحده منهن اتم معاي لاني اخاف ارقد الروحي ورمسها ريلي وما شي اللي في راسها لازم اتسويه وريلي قال تفادى المشاكل وخليهن في البيت
خليتهن وسرت الا اليوم ادق لي ختيه وتقول وينج البارحه كانت بتستوي عندج مجزره في البيت قلت لها ليش قالت خدامتج الفلبينيه شاله سكين وتبا تذبح الاثيوبيه وسارت امايه وشلت الاثيوبيه من البيت قلت حق امايه انتي سيري البيت لين ما نوصل
امايه سارت البيت طبعاً الفلبينيه شارده ومشرعه البيبان والحمدلله ان محد دخل البيت واتصل بها ريلي قالت له انا هب راده واحمد ربك انما سويت جريمة قتل في بيتك

يوم ردينا شل ريلي الاثيوبيه وسار المخفر يفتح فيها بلاغ تهديد بالقتل قالوا له ما نقدر نفتح بلاغ اونه سير الجوزات وعمم عليها هاللي تقدر تسويه لان هالبلاغات مانروم نفتحها عندنا

الحين لو كانت هي المشتكيه كانوا قالوا لها ما يستوي نفتح بلاغ
والله كانوا شلونا كلنا في بوكس الشرطه على السجن
والا يبونها تقتل وبعدين بيتخذون الاجراءات
ابصراحه لا تعليق واتمنى مشلكتي توصل للجهات العليا ترانا عيال البلاد واللي تهدد خدامه عادي تقتل كل هل البيت
وانا خايفه على عيالي
ما اقول غير حسبي الله ونعم الوكيل

المزيد من آخر المواضيع من نفس القسم:

**شوقاني** · 2010-01-31, 21:20

حسبي الله ونعم الوكيل فيهن

**كارهة حياتي** · 2010-01-31, 21:28

المشاركة الأصلية كتبت بواسطة شوقاني

حسبي الله ونعم الوكيل فيهن

**bellegirl** · 2010-01-31, 21:25

[COLOR="Red"][B]لا حول ولا قوة إلا بالله

أول شي , الحمدلله على سلامتكم اختي الغالية ,, من فضل الله انكم كنتوا غايبيــــن عن البيت

وعن الشغـــالة ,, الله المستعان ,, هذو ناس أغراب عنا وعن عاداتنـــا وتقاليدنـــأ ,, تربيتهم غيــــر وثقافتهــــم غيــر

واd

**أم دانووه** · 2010-01-31, 21:25

الحينه هي عسب تشرد سوت كل هذا عشان تطلع هي مظلوومة

الله يهدي الجميع ياااااارب

حسبي الله و نعم الوكيل بس

**اخت بوحميد** · 2010-01-31, 21:26

حسبي الله عليه يارب

سفريهن كلهن ليسون شي في عيالج

**المقر** · 2010-02-01, 12:43

المشاركة الأصلية كتبت بواسطة اخت بوحميد

حسبي الله عليه يارب

سفريهن كلهن ليسون شي في عيالج

وانا بعد اقول جي

ويبي لج وحده بس يديده ما تعرف شي عن اللي صار ابرك لج

واللي باقيات عندج شو تظمنين انهن ما يسون شي بعد هذيج سوت اللي سوته يمكن يقلدنها وعاد انتي تحملي النتايج

وبعدين كثره الخدم ما تيب الا البلاوي احنا وحده يالله يالله عليها وين 3 ولا 4

**دلوعه فزاع** · 2010-01-31, 21:30

لاحول ولاقوه الا بالله هذي خطر ع المجتمع

**فجر الغلا** · 2010-01-31, 21:37

المشاركة الأصلية كتبت بواسطة دلوعه فزاع

لاحول ولاقوه الا بالله هذي خطر ع المجتمع

**ريان الحب** · 2010-01-31, 21:34

حشى يا بووكم سفااحين هذيلاا حسبي الله عليهم

**حوريه>>** · 2010-01-31, 21:38

سلامتكم حبيبتي احسن شيء سفريهااا لو عنج عطيتهاا طراق حبستهاا في غرفه لين ما اسفرهااا

حسبي الله عليهم عيوز تسوي جي الله يحفج انتي عيالج اهلج

**اذكروا الله** · 2010-01-31, 21:42

أمحو ذنوبك في خلال دقيقتين أختي الحبيبة في الأخير أتمنى أن تدعوا لي ولوالدي بكل ما هو خير
وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير
ووفق الله ناشرها وقارئها وأدخلهم فسيح جناته
اختكم في الله " اذكروا الله "

لتكسب الأجر بأذن الله أختي الحبيبة أرسلي لمن تحب الرابط التالي أو ضعيه في توقيعك في المنتديات

http://www.shbab1.com/2minutes.htm

**بدر0البدور** · 2010-01-31, 21:42

حسبي الله ونعم الوكيل

**^الدماني^** · 2010-01-31, 22:03

انتي مستغربة شوه اللي مقونها ؟!!!!

اقري موضوعي هذا عن الفلبينية اللي قتلت شيبة مقعد أونه حاول يغتصبها
وتحولت الى بطلة بين ليلة وضحاها في بلادها وبعدين يتعرفين :

http://forum.uaewomen.net/showthread.php?t=643878

**الدبه** · 2010-01-31, 22:07

ماشالتي الاثيوبيه ليش تبا تجتلها؟؟

الموضوع: خدامتي حسبي الله عليها

أدوات الموضوع

عرض

العرض المتطور