المالديف وماليزيا

**هدية ربي** · 2010-01-31, 20:17

هلا خواتي

نحن أن شاء الله بنسير شهر العسل المالديف وماليزيا
فاريد نصيحتكم
واريد اعرف افضل مراكز ماليزيا وكيف الاسعار

فاتمنى انكم الجاوبوني
ومشكورات

ملاحظة :
نحن بنسير أول المالديف سبوع وبعدين ماليزيا سبوعين
فاريد تنصحوني شو الاماكن الحلوه اللي في المالديف وماليزيا وكيف الجو
انا هذا قصدي

المزيد من آخر المواضيع من نفس القسم:

**ام عيسى وجسوم** · 2010-01-31, 23:05

لو منج بقوول المالدييف ...!!

ماليزيااا كل العرب فيييهاا .!!

المالدييف غيييييير بتحسين صدق شهر عسل ..!!

ها رايي ^^

**شوكليت توي** · 2010-02-01, 00:44

سيوا المالديف اكثر فيها خصوصية

والله يهنيكم

**bent_jmera** · 2010-02-02, 13:33

مالديف رووووووووعه ........ اي ريزورت حاجزين .........

انا بعد بسافران شاء الله مالديف وسنغافور

**بنت الدار828** · 2010-02-02, 13:49

بالنسبه لماليزيا حرارتها بين 28-31
ودوم الجو مغيم ومطر
احجزي في الجزيره يسيرونها بطايره شواطئها حلوه وفيها خصوصيه يعني تقدرين تسبحين (عندهم ملابس للحريم محتشمه للسباحه) بس اتحملو من السبلان
بالنسبه لكوالا لمبور عندج مولاتهم حلوه مثل توين تور البرجين
وتيم سكوير
عندج مدينه الالعاب المائيه سن وي لاجون
حلوه وفيها العاب عاديه بعد وفندق ومول
عندج بعد حديقه الزهور والفراشات والطيور
وفيه منطقه فوق اليبل اسمها جنتنج هاي لاند فيها العب وفندق وتلفريك وتيلسين هناك تلامسين السحاب... برد
ها الي اتذكره
لا تنسين تطبعين معلومات من المواقع السياحيه
ولا خلو شركه تسويلكم برنامج
بس لشهر العسل انصحج بالجزر في ماليزيا وتمين اكثر في المالديف
الله يسعدكم ويحفظكم

**اماراتية99** · 2010-02-02, 13:57

أنا ألحينه أكتب لج وأنا في ماليزيا في المطار ومتجه إلى بانكوك

وبالنسبه لماليزيا حلوه وتميت فيها خمس ليالي

وزوجي دلعني وسكني في فندق خمس نجوم

وبالنسبه للأسعار نفس عندنا في الامارات وفيه أشياء شوي أغلى

وطبعا عملتهم أغلى من الدرهم يعني 1000 درهم يساوي 910 رنجت

وصرف العمله أفضل عندهم في ماليزيا ورحلتي بإختصار

كوالا لمبور 3 ليالي في فندق ماريوت

ورحنا إلى :

تايمز سكوير وكان روعه وفيه قطار الموت لللي يحب

سن واي وكان جميل جداً وروعه

السوق الليلي أو الصيني وللعلم اسعارهم للزوار دبل لكن لما تبين

تشترين شي من عندهم عطيهم ربع السعر أول وعقب ارفعي بس لا تتعدي النص

ورحت مراكز ثانيه بس ما اعرف اساميها بس مب مشهوره

ورحنا المتحف الوطني بس ما أنصح فيه

طبعا برج التوأم والبرج الماليزي ما رحته

وأفضل تاخذين الخريطه من الفندق عشان تعرفين المواقع السياحيه

وبالنسبه للمواصلات أركبي القطار من المطار إلى محطة كي ال ال بـ 35 رنجت للشخص

وعقب اخذي تاكسي بيطلع عليج ارخص من تاكسي الفندق

والاماكن كلها هذي ممكن تروحيلها مشي من غير تكسي عدا سن واي لازم تاكسي بــ 25 رنجت تقريبا

وعقب ليلتين في لنكاوي :

الفندق 5 نجوم طبعا ومكانه رهيب جدا

بس عيب لنكاوي معظم الاماكن السياحيه تسكر من الساعه 6 أو 7 المساء

يعني ترجعي الفندق بدري وتقابلين زوجج

وتقدرين تشوفين صورة الفندق من موقع booking .com

واسم النفدق Tanjung Sanctuary Langkawi

وبالتوفيج لج طيارتي وصلت ورايحه بانكوك

وإذا عندج استفسارات معينه وأقدر أجاوبج عليها راسليني ع الخاص

وتروحين وترجعين بالسلامه

**بدر0البدور** · 2010-02-02, 15:15

سفرة موفقةالغلا

**هدية ربي** · 2010-02-02, 20:44

اشكر كل من رد على الموضوع

الموضوع: المالديف وماليزيا

أدوات الموضوع

عرض

العرض المتطور

المالديف وماليزيا

المزيد من آخر المواضيع من نفس القسم:

المواضيع المتشابهه

تايلند وماليزيا ..

امي وماليزيا

المالديف-الدليل الشامل{هنا تستقبل الإستفسارات عن المالديف}

تايلاند وماليزيا ..؟؟

سنغافورة وماليزيا بتخبركم