زيادة الوزن للحامل

**فلونه 2008** · 2010-01-28, 21:35

هلا كروشات شحالكم واخبار الحمل وياكم

بصراحه انا وايد احاتي وزني احس بسرعه يزيد

ابا كل وحدة تخبرنا كم زاد وزنها فترة الحمل وهل رد وزنها الطبيعي بعد الولاده؟

المزيد من آخر المواضيع من نفس القسم:

**أمورة** · 2010-01-28, 22:21

ننتظر المشاركات

**همسة نوور** · 2010-01-28, 22:26

للرفع

**galaxsy** · 2010-01-28, 22:26

يوم كنت حامل بولديه البجر زاد وزني 25 كيلو ..
وأنا الحين بحملي هذا أحاول أمسك عمري قد ماأقدر عشان ما أزييييد واااااااايد ..
صح عقب ما ربيت ببجريه وزنت بالباجر وطلعت منزله 12 كيلوووووووووووو أنصدمت

**الشوق يذبح** · 2010-01-28, 22:36

انا تقريبااا زاد وزني 16 كيلو

ويااارب ارجع شرااات قبل

**مالـ مثيل ـها** · 2010-01-28, 22:56

لا تحاتين حبيبتي بعد الولاده الوزن ينزل وانتي لازم تساعدين نفسج في هالشي

يعني بالأكل الصحي والرياضه

مب كله أكل وقعده.....عز الله بنشوف كرشه ثانيه اذا جذي

أنا من بداية حملي للحين زدت 18 كيلو والدكاترة مبهدليني اونه احتمال فيج سكر

وانا الحمدالله لا فيني سكر ولا هم يحزنون

بس مستغربين من الزياده

وان شاء الله اذا بعد الولاده ما نقصت وايد.....بعد زين حقي لاني طويله وضعيفه

والحمل معدل وزني وابغي اتم جذي بعد الولاده بعد....طبعا بدون الكرشه ^__^

**ام سعيد 2001** · 2010-01-28, 23:00

انا بعد يوم كنت بجر زاد وزني 25 كيلو و قبل لا يكمل ولدي السنه حملت مره ثانيه و لين الحين وزني ماشاء الله ..
حاولي اتسوين رياضه و تمشين عقب الولاده وان شاء الله خلال سنه ممكن يرد وزنج مثل ما كان ..
وزني مارد مثل ما كان لأني كسلالالالالالالالانه و ما احب الرياضه ..

**عواشي11** · 2010-01-28, 23:06

انا زاد وزني في الحمل الاول 16 كيلو والحمدالله نزل بس ما نفس وزني الاولي وكملت سنة من ربيت والحين حملت تقريبا زاد وزني 7كيلو للحين وان شاء الله بعد ما اربي بسوي رياضة انا وريلي نتشجع والا بدونة انا كسووووولة ما احب الرياضة بحاول امشي عشان ارد على الاقل نفس ما احمل .......ادعولي ينزل وزني....

**فراشة UAQ** · 2010-01-29, 16:42

انا عن نفسي لما حلمت مرتين في اول شهور انزل 15 كيلو من كثر التعب وبعد لانه وحامي ثجيل وااااايد
بس من اطوف الشهر السادس يرجع لي 4,5 كيلو الحمدلله في حملي مايزيد وزني ابدن اللي فقدته يرجع لي
والله يسهل على كل حامل ويرزق كل وحده تتمنى تحمل يارب

**عروسة حبيبي** · 2010-01-29, 16:58

خخخخخخخ انا هذا اول حمل لي ربي يثبته يارب ويفرحني فيه زدت بس كيلو واااحد
ستويت 62 كيلو الدكتوره دوم كل مراجعه تنازعني تقولي هذا وزن البيبي ليش انتي مامتنتي ^^

**أم محـمـد** · 2010-01-29, 17:02

واااي ماشاءالله عليكم

انا بحملي بس زدت 9 كيلوووووو
وبعد الحمل دبلتهم هاهاهاهاه بس الحمدلله رجعت وزني الطبيعي
عادي على حسب كل وحده وطبيعة جسمها يختلف من وحده لثانيه

**عيناويه_طر** · 2010-01-29, 20:09

انا هذا اول حمل لي وزدت لحد اللحين 10 كيلو..
وااايد خايفه اتم جيه عقب الربا اهي ><..

**فلونه 2008** · 2010-01-29, 20:33

مشكورات حبايبي ع الرد

اطمنتوني انا زايد للحين 6 كيلو ان شاءالله مايزيد اكثر

هو الطبيعي 12 كيلو اظني ولا اكثر مادري والله

يلا ان شاءالله عقب الولاده نرد رشيقات

**أم اشجان** · 2010-01-29, 20:38

للرفع

**بدر0البدور** · 2010-01-29, 20:44

للرفع

الموضوع: زيادة الوزن للحامل

أدوات الموضوع

عرض

العرض المتطور

زيادة الوزن للحامل

المزيد من آخر المواضيع من نفس القسم:

المواضيع المتشابهه

زيادة الوزن

زيادة الوزن

الوزن المثالي للحامل

زيادة الوزن