مشكلتي مع ربيعتي . .

**الشيخة شيخة ~** · 2010-01-28, 14:27

السلآم عليكم . . ورحمة الله وبركآته . .

شحآلكم بنآت . . ؟

مشكلتي ان اربيعتي ترمس من ورآي . ,الله يعلم اذا رمست المهم انا البنآت خبرووني. .وغير جيه هيه اترمممس وآحد . . وهي صارحتني وقالتلي .. فآنآ نصحتهاآ ..وقلت ولهآ ودري وآن يالس يقص عليج ومادري شو و من هآلكلآم يعني .. المهم في كلآس قمت اسويلهتا طاف .. لآني خلآص بقطع علآقتي معاها . . لآن اذا اخوآني ولا اخوآتي . . دروآآ اني مربآعه هالآشكآل ياويلي . . لآن نحن مب متربيين على هالشي وثالث شي ان هيه يوم ترمس ما عندها اسلوب ابدآ وانا ماآحب وحده اترمسيني بهالطريقه. . . . المهم هيه اليوم قالتلي ليش زعلآنه وشو فيج . . وان تبآ اترمسني . . المهم جان اقلها انا ما لي رمسه ويآج . . لآني واااايد تحملت . . بس خلآص مآ آقدر آكثر عن جيه . .
فتمت اتصيح . . واتصرخ جدىم البنآت وانا الصرآحه افتشلت . . هي ماشاء الله عليها تبآ اتسوي عمرها قويه وتبآ اتخوفنني بصرآخها . . خسسسسي والله

بس انا مب من هالنووع الي اصارخ ومادري شو . . وقلت لها بآختصار خلاص علآقتنآ آنتهت . . وما بينآ شي غير السلآم ..

بنآت شو رايكم . . هل انا ظلمتها ولا . . ؟

ومشكلتي اني وااايد طيبه . . عشآن جيه استغلت طيبتي . .

حبيت اضيف هالشي .. للعللم لبنآت . . لاني مآ ذكرت هالشي . .

انا نصحتها آكثر من مره . . وقلت لها ان هالشي غلط وذكرتها قصص عن البنآت المهم ما شي فايده طبعا . .
والشي الثاني انا حاولت اني ما ابتعد عنها مره وحده ولا جرحتها . . لا والله بالعكس كم مره وحاولت اني ابين لها ان هالشي غلط . . بس هيه اليوم صدق ما قدرت استحمل يعني ياهله عمرها 6 سنوآت بتفهم . . والله الصرآحه يعني . . وانا مب من النوع الي يجرح وااايد والله اآني طيبه بشهادة الجميع هالرمسه مب من عندي . .

المزيد من آخر المواضيع من نفس القسم:

**موّآزين** · 2010-01-28, 14:35

السلام عليكم

هلاا الغالية .. انا من رايي انج ماظلمتيها .. يعني هي اشكثر غلطت بحقج وقلتي ان ماعندها اسلوب فيوم تعدل اسلوبها اتيي ترابع الناس .. بعدين سالفة انها ترمس واحد احسن شي انج نصحتيها.. بس في شغلة ان النصيحة ماتكون مرة عزيزتي .. من يدري يمكن البنية تهتدي على ايدج .. فلو تنصحيها مرة ثانية او تواجهينها بكل شي .. قولي يا فلانة انتي فيج كذا وكذا ولازم تغيرين من هالشي .. بعدين اذا هي رفضت فكيفها هي اللي بتخسر صداقتج لكن اذا اعتدلت وتركت هالاشياا وكان اسلوبها احسن فالحمدلله .. ونصيحة لج ^^ خفي من طيبتج ترا الطيب فهالزمن خسراااااان وأنا دومي أقول .. طيبتي هي أكبر همومي .. بس أنا للأسف مااعرف أغير هالطيبة .. أنصحج بس مااعرف أطبق على عمري هههههه ,, المهم الغالية ربي يوفقج فالدراسة وينولج اللي فبالج ويعطيج العافية ..

وان شا الله ماتكونين ظلمتي حد ....

Good Luck

**دلوعه فزاع** · 2010-01-28, 14:36

الله يهديها ويستر عليها والله يوفقج حبوبه

**mooon shj** · 2010-01-28, 14:55

مرحباا اختي

بصراحه معاج الحق وصح اللي سويته

**| فـروحـة |** · 2010-01-28, 14:58

كفو و الله

ما عليج منها

الله يوفقج و يثبتج الغالية

**kprya3** · 2010-01-28, 15:02

مـــــــاعليج منها طويلة العمرر ..

وخلج جي طــــأأأأـــآآآف ...

خويتي الطيب ف هالزمن دوم خسرآن ومالـــهـ مكـــان >< ..

الله يثبتج الغاليـــهـ ...

**dlloo3a** · 2010-01-28, 15:02

زيين ماسويتي ...
الله يعطيييييييج العاافيــه ..

**Royal Cupcake** · 2010-01-28, 15:14

الله يستر بس والله لو شو ماكان في الناس عيوب الدنيا المفروض هالتصرف ماتتصرفينه
اممممممم من رايي ظلمتيها اسمحيلي على ردي اذا غثيتج لو الناس شو فيها من عيوب
كوني انتي احسن عنها وخليج معاها عااااااااااااادي مب اكثر عن خوات فمتي
يعني خلي علاقتج معاها ستريت مثل مايقولون لأنه يمكن عادي يوم من الايام لاسمح الله تخربج
يعني انتي كوني واعيه واعقل عنها

**فديت ابوي** · 2010-01-28, 15:21

جنج ترمسين عني نفس الموقف نفس السالفة استوتلي بالضبط
بس هي ماصاحت بس طرشت البنات وطلعتني الغلطانه سويلها اكبر طاف انا انصحج
انا ربيعتي رديت لها وتمت ترمس نفس الاسلوب لا غيرته ولا شي ويوم قلتلها ليش
قالتلي انا جي طبعي مابغيره عشانج اتخيلي هالاشكال ماينفع وياهم الا الطااااااف الصح
وخلي اتولي واتصيح دم بعد انصحج سويلها طاف وطافين عشان تتادب خلاص انا قرررت
الفصل الثاني ادبها واسويلها طااف كل يوم اتعكر مزااجي

تعبتج وياي خخخخ
تقبلي مروري

**عواشهـ** · 2010-01-28, 16:08

واااااااااااااايد زينه انتي ودريها ..

**فراغ العاطفة** · 2010-01-28, 16:20

أختي الغاليه...
طبيها...وأنسيها...
وقوليلها ...كل في درب...
وأنا جذه مرتااااحــــــــــة...
مااالي بااارض على المشاااااااكل...

**بهلولة** · 2010-01-28, 16:27

من رايي ان في طريقة احسن من جي
غلطتي نعم
بسبت بطريقتج
كنتي تقدرين تنسحبين بهدوووووووء وشوي شوي دون ما تجرحينها

**شوق الحبوبة** · 2010-01-28, 16:43

تعرفين ..
حسيتج نفسي فشي غلط اسويه-الله يهديني-

وهو اني اسكت و اسكت .. واتحمل

و فالنهاية اعصب و ازعل..

اقصد انه كان لازم تلمحيلها من البداية و بعدين تزعلين منها اذا هي استمرت فالغلط ..

اللي سويتيه مب غلط ..

بس سامحيها و بعد فترة رديلها ..

يمكن اتكون تعلمت درس

**خجولة جدا** · 2010-01-28, 16:47

صح اللي سويتيه..لأن صدقيني لو ما قطعتي علاقتج وياها بتخليج تستوين نفسها.....انتي نصحتيها وما اتعظت...خلاص خلي بينكم سلام بس والله يهديها ويهدينا ويهدي الجميع

**سحــر العيـون** · 2010-01-28, 17:12

هي محتاجه للنصيحه اكثر من انهاء الصداقه...

الله يصلحكم بالكم ويهديكم...

الموضوع: مشكلتي مع ربيعتي . .

أدوات الموضوع

عرض

مشكلتي مع ربيعتي . .

المزيد من آخر المواضيع من نفس القسم:

المواضيع المتشابهه

مشكلتي ويا ربيعتي

مشكلتي ويا زوج ربيعتي ><

مشكلتي ويا ربيعتي

مشكلتي مب مع ربيعتي مشكلتي مع زوج ربيعتي........

مشكلتي ويا ربيعتي ...