الزوج.....و,,,الصديقة!!!!

[أم حفوصة]

السلام عليكم ورحمة الله وبركاته

اشحالكم حريم وبنوتاات
حبايبي لا تستغربون العنوااان,,,, يمكن أغلبكن يفهمن شو أبا أقول... وأنا دخلت البنوتات عسب يمكن وحدة منهن تمر عالموضوع,, وتستفيد وتدعيلي...

حبيباتي...أنا أقصد ربيعتج سواء كانت متزوجة او لا, ترى حذاري تشكيلها كل اللي بينج وبين زوجج ,ترا مب كل الصديقات يستغلن هالشي ويساعدنج ممكن تستخدمه ضدج... يعني ممكن تكون مب متزوجه وتدخليها بيتج وتعجب فزوجج من كثر ما ترمسين عنه جدامها وهني تكثر اسألتها عن حياتج وشو أخبارج انتي وريلج وعيالج وهي قصدها شي ثاني...وبين يوم وليله تكتشفين المصيبه....
(ولا تنسون تراني أنا ما أعمم) وفي منهم ترا حتى الريال لو ما سوالها سالفه أتم تسويله حركات لين ماتاخذه من حرمته....
وللأسف ...للأسف لو كانت متزوجه وفي مشاكل بينها وبين ريلها..وتشوف ربيعتها مستانسة ويا ريلها ياخذها الحسد والغل.. بدل لا تحاول تصلح بينها وبين زوجها تقوم تخطط عسب تسرق زوج ربيعتها,, وتتطلق من زوجها...
والله أعرف وااايد سوالف من هالنوع...

وبقول لكم قصة صارت:: أم ربيعتي, تزوجت لما كانت صغيرة,,وكملت الجامعة وكان زوجها يحبها موت..وفالسكن تعرفت عوحده مخطوبه وبتملج جريب وخطيبها من أهلها وهم يبون بعض من هم صغار..
أم ربيعتي عزتها وااايد وكانت تسولف عن مواقف تصير بينها وبين زوجها ومواقف عادية..مب انه شي ما يصير تقوله::المهم زادت علاقتهم وقامت تزورها فالبيت.... بعد فترة انصدمت بخبر ما توقعته... ربيعتها تعزمها على عرسها من زوجها....وانفصلت عن خطيبها..تصدقون!!

وأعرف بعد وحدة خذت زوج ربيعتها وكانت متزوجه وبينها وبين زوجها مشاكل.فتطلقت منه...
وبعد ما خذت الريال من حرمته بعد اشترطت انه يطلق ربيعتها عشانها..تصدقون!!

والله الدنيا صارت غريبة وما فيها أمان وحتى الاصدقاء الأوفياء بدوا ينقرضون..الله المستعان

انتبهو حبيباتي..ترى مب كل حد يستاهل الثقة!!!!!!!!
دمتم بود..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية