رايكم ف وضعي ..

**Jr7_ UAE** · 2010-01-26, 02:34

السلاااام عليكم
شحالكم خوااااااتي ..
خواتي انا ساكنة ف شقة وطبعا الشغل علي .. تعرفوون الوضع يوم ما يكون شي يهال طبعا مايكون لداعي للخدامه ..!!
بس احس الحين الوضع اختلف لاني حامل واحس بكسل ..اوكي شغل الشقة علي مب مشكله لكن وي الطبخ لاااااااااااا احس ما اقدر .. وفيني طبع اني ما اشتهي اكل اللي مسويتنه !!
بصراحة مترددة اييب خدامه والا لا !!
شو رايكم له داعي !!!
خاطري اكووون سنعه واقوووم بالشغل بروحي بما اني ف شقة ما انتقلت !!
بس ف نفس الوقت احس بملل من شغل البيت لاني مب متعوده اصلا ع الشغل لاني ف بيت هليه ما اسوي شي حتى الطبخ .. عادي بستحمل الشغل بس كم سنه بستحمل شي مب متعوده عليه فاهمين قصدي !!
يعني كل وحده تقدر عالشغل بس يوم يكووون شي مب متعوده عليه وما حابتنه !!
يعني شي بنات ماشاااااااااء الله اصلا طبيخات ف بيوت اهاليهن فيوم عرسن ما شاء الله كان سهل عليهن الشغل وعادي متعودات!!!
لكن اللي مب متعود خلااص يبا يفتك!!!
ان شاء الله تربية الياهل علي وشغل الشقة عليها يعني مب كل الشغل عليها ..لاااا
ادري اني هذربت وااااااااااااااايد واتمنى انكن فهمتوني ..
واتريا نصايحكن ومشكووورات

المزيد من آخر المواضيع من نفس القسم:

**x.maitha.x** · 2010-01-26, 02:38

انتي نفسي ماحب آكل الاكل اللي اسويه
والصراحه شغل البيت تعب انا لو مب الخدامه راحمتني جان البيت راح فيها لان وايد شغل الصراحه
وعقب بتيبين بيبي يعني بيزيد التعب عليج هاتي وحده اتساعدج في امور التنظيف والغسيل والكوي وها الامور

**سهاري2009** · 2010-01-26, 02:40

والله ماعرف شو اقولج ... بس اذا عندج مكان بالشقه ييبي بس اهم شي انها ماتدخل بتربيه الياهل كل وقتج خليه حق الياهل والريل طبعا وهي عليها شغل البيت ...
اهم شي انج انت تهتمي بريلج والياهل وبنفسج ....
واذا فضيتي مرات سوي اكله حق ريلج من ايدج .. او غيري ترتيب الحجره مع مساعدتها ..

**حبوبةالطايفة** · 2010-01-26, 02:59

اختي اشوف انت ساكنة في شقة وبتكون الخدامة في ويهج انت و ريلج 24 ساعة يعني ما شي خصوصية .يعني المكان ضييج . اللي اشوفه انج تاخذين خدامة حد من الاهل تساعدج و بعدين ترد ، او تشوفين حد باليومية اخير ما ادري
والسموحة .

**دلع عسولة** · 2010-01-26, 17:22

نوووووووب ما انصحج بالخدامه خاصه وانتي عندج شقه ...اصلا وجود الخادمات مب راحه بالعكس بتزيدج هم وغم طول الوقت بتفكري وبتشكي من كثر مشاكلهم وحركاتهم ..

حاولي تسوي لج جدول للتنظيف بما انج بشقه مب كل يوم تنظفينها قسمي الشغل علي ايام واذا ما قدرت استعيني بالخدامات نظام الساعات...

انا جي اسوي سفرت الخدامه واشتغل بروحي وعندي بيت وعيال والله راااااااااااااحه بدونها ..تعب البيت اهون من غم الخدامه

والله يسر لج اختي ^ _^

**ام سعيد 2001** · 2010-01-26, 18:42

من رايي انج تتريين شوي و ما تييبينها الحين لأنج في شقه و مثل ما قالوا الخوات ماشي خصوصيه بوجودها خاصه انكم انتي و ريلج بروحكم في الشقه يعني اذنها اربع و عشرين ساعه عندكم تسمع ضحككم و سوالفكم و كل شيء .. هاتي بشكارة بيت اهلج مرتين في الأسبوع اتنظف و تكوي الثياب و تروح و عطيها مبلغ كل شهر .. و الأكل يوم من بيت امج و يوم من بيت امه و يوم من المطعم ..
كلنا عانينا من هالشيء في بداية حياتنا .. الله يسهل عليج

**ام شهد 55** · 2010-01-26, 20:48

السلام عليكم تبين رايي لا تيبن خدامه وراي خواتي صح لاتيبن خدامه انا عندي 3 بنات الله يخليهم لي ويالسه بيت اهل ريلي تصدقين عندنا خدامه بس والله لا ادخلها غرفتي ولا تجيس اغراضي لا تنظف ما احب كل يوم اغسل ثياب واكوي ملابس العيال وملابس ريلي وملابسي واطبخ واغسل ارتب الغرفه صح ان تعب بس والله تكبرين في عين ريلج صدقيني انا كنت ما اعرف اطبخ بس شوشوي تعلمت والخدامه ملعن وان شاءالله

**بدر0البدور** · 2010-01-26, 21:40

للرفع

الموضوع: رايكم ف وضعي ..

أدوات الموضوع

عرض

رايكم ف وضعي ..

المزيد من آخر المواضيع من نفس القسم:

المواضيع المتشابهه

وضعي طبيعي و الا.....؟؟؟

ابا اعدل وضعي

وضعي صعب ومحير !!

(((( شو وضعي)))

شوفو طريقة وضعي للمكياج وعطوني رايكم