خطيب وخطيبته

**جمال القلب** · 2010-01-25, 12:52

السلام عليكم ورحمة الله وبركاته
الغلا
وحدة تكلم خطيبها ..
وقال لها انها تكلم اهلها لانه بيملك خلال الاسبوع الياي
قامت البنية وكلمت امها
قالت لها امها انها تقوله يكلم اخوها او ابوها أحسن
يعني يكون كلام رياييل
فخبرته
وقال لها عقب انه اتصل باخوها لكن كل تلفوناته مغلقه!! وانه هو سوا اللي عليه وخلاص
البنية شكت وقالت مب معقولة فاتصلت لاخوها وعلى طول يا حليله رد عليها وهو في الكلاس في التقنية
وتلفوناته مب مغلقه
مب قهر!!! حست البنية انها هي اللي تركض وراه عشان يملج عليها ...
فزعلت منه وقامت ما ترد على مكالماته
انتو اشرايكم

المزيد من آخر المواضيع من نفس القسم:

**NONE_LIKE_ME** · 2010-01-25, 13:15

يلعب عليهاااا

**عالية الغالية** · 2010-01-25, 13:20

يمكن كان في الكلية في مكان ما فيه ارسال

وعقب سار مكان فيه ارسال

اذا بيملج خلوه يملج ويخلص

والبنت ترمس اهلها وهم يتفاهمون معاه

يعني بالعقل ما بيدخل المعرس وفي ايده المليج الا واهل البنت عارفين بالسالفة

وليش اهل البنت مطولين لاسالفة وهي قصيرة

خلاص الام ترمس ريلها اولدها وهم يتفاهمون ع كل شي مع المعرس

والبنت لاتركض وراه ولا شياته

خلاص خلوا السالفة بين الاهل من غير تدخل البنت

**اشواق نونا** · 2010-01-25, 13:43

خل الاهل يتفاهمون احسن

**طفله الامارات** · 2010-01-25, 13:45

لا والله حلوه هذي اونه سوا اللي عليه
ليش هو مصخره الزواج لو يباها هو اللى بيركض وراها مابينتظر انه هي تقوله سير اخطبني من اهلي
يلعب عليها وواضح بعد اونه سوا اللى عليه ليش هي لعبه متي مايباها بيلعب ويوم بيمل بيفرها اساسا مايستاهلها لو بالفعل يباها كان من البدايه ماكلمها كلم اهلها مب كلمها لين شبع عقب دور اي شرده من السالفه قال هذي السالفه البايخه علشان يطلع نفسي
مع احترامي هذا جذاب ولعاب وكان المفروض ماتكلم اساسا حد لا هو ولا غيره ومايعتبر خطيبها لانه اساسا الخطبه معناته شي رسمي انا واحد ماعنده موضوع بحياتها

انصحها تخليه يولي وتدعي ربها بالزوج الصالح اللى صدق يستاهلها مب هذي الاشكال

استغفر الله رب العالمين
ربي يرزقها بازوج الصالح اللى يخاف عليها ويرزقنا وياها

**bent alagawed** · 2010-01-25, 13:50

ينخاااف من هالشكال من الريايل مب قد الزواج ولا يعتمد عليه

**فطامي89** · 2010-01-25, 14:05

الله يعينها اكبر غلط انها رمسته قبل الملجه

**بنت_ العز** · 2010-01-25, 14:29

بييها اللي أحسن منه ..

ولو كان صدق يباها .. جان ياب أمه وخواته ..

أونه عاد مسوي نفسه نشمي بيتزوجها ..

وعاد هي غلطتها رمسته الله يهديها قبل مايخطبها ..

الله يرزقهاا بـ ولد الحلال إن شاء الله ..

**سمراء_قنوعه** · 2010-01-25, 14:55

هذا مب عذر انه تلفوناته مغلقه
اذا هو شارنها ويباها صدق بيتصل اكثر من مره
او اهله يكلمون اهلها ويتفاهمون
وهي الله يهديها استعيلت وكلمت امها
لازم هو اللي يكلم اهله ويطلب من البنت انه امه تكلم امها

**glbe** · 2010-01-25, 14:58

لو يبى جــآن وصل لاخوج بــآي طريقه او يروح لبيتكم يكلم ابوج ولا

اخوج موب يتعلل بــان تلفونات اخووه مسكره وهيه اصلا مفتوحــه

والله يوفقها لكل خيــر

**عشق الرووح** · 2010-01-25, 14:59

الله يعينها
اصلن ليش الريااال دخلها في السااالفه ؟؟؟؟ مهما كااان البنت تستحي تقووول حق اهلها والله يبا يملج السبوووع الياااي وقاالي اقووولكم وآخذ رااايكم .. المفروووض مرة مايفتحلها هالموضوووع ويدق حق ابوووها المسؤول عنها ويحدد موعد والابو يقووول لبنته هب البنت اللي تقووول ...
الله يهدييييييه ياااااارب

**شوق _ زايد** · 2010-01-25, 14:59

للرفع

**ام دانه777** · 2010-01-25, 15:04

وااااااااااااااااااااااضحه مثل الشمس

يتهرب وبس ..

**cute ^_^** · 2010-01-25, 15:09

هيه غلطانه
اصلا من الاساس ليش ترمسه؟؟

**جرح بوظبي** · 2010-01-25, 15:25

انا مستغربة كيف الوحده تكلم خطيبها .. !!!

انا احيد عنا فترة الخطبة ما تشوفه الا الشوفة الشرعية لين الملجة .. وفي ناس يتكلمون تراه ريال غريب بعده ..!!

الله يهدي المسلمين

الموضوع: خطيب وخطيبته

أدوات الموضوع

عرض

خطيب وخطيبته

المزيد من آخر المواضيع من نفس القسم:

المواضيع المتشابهه

مكالمه بين خطيب وخطيبته أدت الى فسخ الخطوبـه‎

مكالمه بين خطيب وخطيبته أدت الى فسخ الخطوبـه