قصة ولادتي

**ام sdt** · 2010-01-24, 19:02

السلام عليكم ..

اول شي مبرووووووووووك كروشات تجمع 321 اللي ربن لين الحين والله يجعلهم من مواليد السعاده يارب وعقبال الصامدات كلهن ياااارب بولاده ميسره باذن الله والله يرزق كل محرومه بالذريه الصالحه عاجلا غير اجل يااااااااااااارب ...

الحمد الله ربيت ويبت بنت بتاريخ 11 / 1 / 2010 واللي كان من المفروظ اربي 1/1/2010 بس يالله التاريخ متشابه فديتها بنوتي ماحبت تكسر بخاطري ههههههههه

المهم من بدا شهري التاسع وانا لا مشي ولا اشياء حاره وكنت زاااايغه من الولاده بما انها الثانيه يعني عارفه شو بييني بس مارمت من طاف موعدي شديت حيلي ولول انها متاخره ومشيييييييييت وماخليت شي الا وعقيته في جبدي ..وماشي فايده الايام تمر واعصابي تتلف خلاص لين يوم 10 /1 الصبح الساعه 7 دق الجرس نشيت على اول ويعه سرت الحمام شفت تكرمون دم وكنت اليوم اللي قبله شاربه خروع .. وياني ويع متواصل لمده ساعتين زغت قلت شكلي الحين بربي اتصلت في ريلي قتله الحق مااااااتلحق ياني يطيييييييير ويوم وصل بيت امي وسبحان الله على الساعه 9 الصبح طااااار الويع شو السالفه مادري تمينا كلنا يالسين وكل حين ينشدوني قوم امي فيج شي اقول مااااااشي مووول شي بسييييييييييييييط ايي ويسير ورقد ريلي وقالي ان ياج شي وعيني ومول امره المهم اكل اناناس وامشي واكل تمر امشي مافي شي مووووووول لاعت جبدي من عمري وبطني خلاص بينطر ماروم اتحمل زياده على الساعه 6 المغرب قتله قوم ودني بسوي طلق صناعي خلاااااااص بايعتنها والله يسهل انشالله يااااااااافرحة اميه من متى تباني اسير المستشفى زايغه فديتها ..المهم سرت قالتلي سانتي ونص بس لازم طلق صناعي قلت يله فووووووقه لين جهزوا الاوراق ودخلوني وسرت فوق وتعشيت قالولي الدكتوره الساعه 12 بتي وبتعطيج تحميله وقبظتني ظييييييجه قلت حق ريلي تعال نتمشي شويه ماروم على يلسة الحجره لا وجمعيه بعد مشيت ومشيييييت ومشيت وتيني الويعات وتحمى شوي شوي وريلي فديته يحسب الوقت ثرني قايلتله من قبل ان كل ما تنتظم الويعات وتتقارب يعني ولادة فعليه وهو ويحسب مابين كل ويعه ويعه ويقولي هانت هانت ولاده انشالله ولاده هههههههه والله هاج الساعه مادري اظحك ولا اصيح وحلييييييله بس الحين يوم اذكر يغمظني .. ورديت الحجره قتله ماروم اب ارتاح وقالي انا بسير وبرد قتله روح البيت واذا في شي بتصل ومن طلع عقب ساعه يتني السستر والالم يزيد ويزيد قالتلي ماشالله مايحتاج طلق والحين انتي 4 سانتي باقي سانتي واحد وبوديج الولاده سيده اتصلت في ريلي اقوله رد بيحولوني على الولاده من وصل جد ودوني في الطريج وااااااااااخ من دخلت الحجره قلتلها ابا ابرة الظهر مال البنج بس ماااااااارووووووم قالتلي اوكي سارت وتحيرت وانا في ولوااااااااااال الام يزيد ويزيد في بجري ماحسيت بها كله عند ال3 سانتي ظربوني ابرة الظهر وماحسيت بالويع المهم يابتلي الابره جان اابقق اعيوني شو هاااااااااااا مب هاي الابره يايبتلي ابره صغيرووووووووونه قالتلي هاي احسن ثرها اتقص عليه ماتباني اخذ الابره مال الظهر وتعطيني وحليلها واااااااايد فنانه السستر كانت تمسحني طول الوقت وقالت حق ريلي حرام تخذ الابره فاتح عندها 6 سانتي يعني قريب بتربي ماله داعي للابره ومحد كان ويايه بس انا وريلي وقتله ماتسوي حق حد لين قريب مابربي ومن قالوله 7 سانتي سوى حق اختي وين خواتي هنتين هني انا خلاااااااااااااااااص صريخي واصل ليييييييين اخر الممر وادش اختي العوده اتقولي بس لا اتزاعجين << عفوا جان ابغم عليها اطلعي برااااااااااااع ريحتج خايسه << شو يخص الريحه الحين كنت اروح ريحة عطر في عباتها وكنت متوحمه عليه فشيله والله المهم وطووولت استوت الساعه 8 الصبح وانا زعيييج ماوقفت ماروم ماروم اسيطر على عمري احاول اكتم ريجي نشف من الزعيج ولساني يلصق في نغاغتي وكلحين يرشوني ماي السسترات وانا متفيجه اقولهم شعري لااااااااء << احاتي السشوار طبعا حارقتنه قبل مااسيرالمهم قالتلي وقفتي من ساعتين عند 8 سانتي جان اصيييييييييييح انهرت خلاص مب رايمه وقالتلي لازم تكرمون تبولين وودوني الحمام 3 سسترات مب رايمه امشي شاليني شل واصارخ ماروووووووووم شلوني وردوني على الشبريه ومادري شوسوت شفطت تكرمون البول قالتلي لان المثانه مليانه وميوده راس الياهل ومن سحبته حسيت اني بسوي العوده بس عرفت انه هذي نونوتي تدفع عمرها احس شي غريييييييييب يدفع بالقو يت السستر عند اذني طبعا انا كنت في حالة لاارى لا اسمع لا اتكلم بس اصارخ واصيح قاتلي اسمعيني كويس الحين انتي 10 سانتي خلاص البيبي لازم يطلع لا اتصارخين خذي اعمق نفس عندج ووطلعي حرة الصريخ بالبووووووش ويالله يالله اسوي بوووووووووووش وهي تشجع يالله خلاص خلاص بيطلع البيبي خلااااااااااص خلااااااااااااص وطلعت الداااااااااااااااانه وحطوها سييييييده على صدري فدييييتها ومحلاها من لحظه ومحلاااااااااه من شعور .. وقالتلي بعد في المشيمه هاي روحه ويعه وعصرت بطني وطلعت بقايا الكرووووووشه والحمد الله رب العالمين الحمد الله دعيييييييييييت حق خواتي كلهن اللي ماعرسن دعيتلهن بالزوج الصالح وخواتي اللي في التجمع فدييييييييييتهن والله دعيتلهن بالتيسير والسهاله واللي من برع المنتدى ودعيت حق اللي ماحملن بالذريه الصالحه يااااااااااارب يامجيب دعوة الداعي اذا دعى انك تتقبل دعواتي ياااارب وخلصت الدكتوره من الخياطه وانا بعدني قابظه مال التنفس المخدر مب طايعه افجه قالتلي السستر خلاص شو تشفطين خلصنا ودش ريلي وانا في حاله يرثى لها اخيييج بس طبعا منظفين المكان اهم شي ماشاف دمامين استحي ودشت اختي قالتلي انا ريحتي خااااااااااااااايسه << مانستلى اياها بس قلت اخسي المره اليايه انشالله مااطلب ابرة اظهر تووووبه ولين اليوم كل مااتذكر اصيح بس صدق يوم قالو من اتشوفين البيي تنسين كل شي حتى ريلي قال من دشيت وشفتج مبتسمه ارتحت توقعت عقب الصريخ ها كله بدش بشوفج محرجه هههههههه تعود على عصبيتي الاخ وهاي قصتي وعقباااااااااااال الصامدات يارب يله ربن ترا شعور واااااايد حلو وااايد حزينه لاني طلعت من تجمعنا والله ايامي وياكن كانت من احلى ايام حمالي ونستوني وشغلتوني كل يوم اجابل النت لو مااكتب شي بس اطل عليكم واقرا سوالفكنوسوالف ترتيبات الولاده ومواعيد المستشفى من اول ايامي من بدا النبظ في البيبي كنا كل وحده تبشر الثانيه والحين ماشالله اللي ربن واللي مجاربه انشالله بتوله عليكم وايد وايد وبطل عليكم كل مااقدر وسلامتكن

المزيد من آخر المواضيع من نفس القسم:

**MissUAE10** · 2010-01-24, 19:14

ماشاء الله
الحمدالله على السلامه
ومبرووووك عليج البيبي
وعقبالنا .. الله يسهل علينا يارب

**اليازية25** · 2010-01-24, 19:14

الحمد لله على سلامتج وسلامة البنوتة..

**غلاي ميمو** · 2010-01-24, 19:15

الحمدلله على سلامتج .. مبروك عليج البيبي ..

**اسعد تعيسه** · 2010-01-24, 19:17

ما شاء الله...احس دكاتره كانوا صبورين وياج علي كثر زعيج هههه

اهم شيء افتكتي وحمدالله علي سلامتج وسلامة دانوا

تتربي بعزكم

**@المزيونه@** · 2010-01-24, 19:22

الحمدالله على السلامه
ومبرووووك عليج البيبي

**مالـ مثيل ـها** · 2010-01-24, 19:24

مبروك عليج الدانة ام سيف وتتربى ف عزكم ان شاء الله

تسلمين والله دعيتيلنا فديتج ربي يجازيج خير دنيا وآخره

ضحكتيني في سالفة الماي.........ههههههههههههههه خايفه عن يسير تأثير الاستشوار ههههههههههههههههههههههه

انا ما ادري شو بسوي!!!!!!

طبعا انا شراتج....للحين لا مشي ولا شياته

غير هالحبة حمرا شربته مرتين وبالدسه بعد

أفكر اذا أبدأ بالجد ولا أخلي كل شي على الله

والنعم بالله

**أمورة** · 2010-01-24, 19:25

الحمدلله على سلامتج و مبروك ما ياج

قصه ولادتج زيغتني شويه

بس التساهيل من رب العالمين

يا رب يسهل على كل حامل

و يرزق كل محرومه

**أمـ عمران** · 2010-01-24, 19:25

مبروك ما ياااج

وتتربى بعزكم ياارب

**x.maitha.x** · 2010-01-24, 19:29

فديييييييييييييييييييييييييييتج يا أم سوااااااااااااااااااااااف

الحمدلله ع سلامتج حبيبتي ومبروووووووكـ عليج البنوووووووووته

وعقبالنااا يارب مابقالنا شي

**shashey** · 2010-01-24, 19:30

الحمد لله ع سلامتج و ع سلامة بنوتج

**ام سعيد 2001** · 2010-01-24, 20:06

الحمدلله على سلامتج و الله يبارك لج في بنتج الحلوه ان شاء الله و يجعلها قرة عين لج ولأبوها ..

**المميزة دايما** · 2010-01-24, 20:17

الحمد لله على سلامتج .....ومبروك ماياج

**دلوعة زوجي** · 2010-01-24, 20:19

الحمددددددددالله على سلآآآآآآآمتج وسلآآآآمة الدآآآآآآنه
عآآآآآآنيتي الصرآآآآآحه >> ومآآآآجوره فديتج ,,,,,

عقبآآآآآآآلنا يارب

**بدر0البدور** · 2010-01-24, 20:22

الحمدالله على السلامه
ومبرووووك عليج البيبي

الموضوع: قصة ولادتي

أدوات الموضوع

عرض