شخصية غريبة

**الشوق ذابحني** · 2010-01-23, 15:03

بخبركم عن ربيعتي لانها محتارة مع زوجها
سالفتها ان زوجها يحبهم هي و العيال و ما مقصر عليهم بشئ بس المشكلة انه كل ما يعرف انها عندها بيزات لازم ياخذهم عنها باي طريقة يعني مثلا بكون في محفظتها 25 درهم بقولها وهم طالعين شو رايكم نشرب شاي فلما يوافقوا يقوللها ما عندي خردة عطيني 5 درهم و بعدين اذا نزلوا مثلا يشترون شئ بقوللها عندي كله ميات عطيني ال20 اللي عندج
الحين هي تدور على شغل مب عشان هذه السالفة بس هي من النوع اللي يحب يثبت شخصيته بس محتارة تخاف اذا اشتغلت ياخذ فلوسها بطريقة ما
ممكن اراءكم

المزيد من آخر المواضيع من نفس القسم:

**أم سيفوه** · 2010-01-23, 15:08

ههه بصراحه انصحها لاتشتغل ....دام بو الشباب ياخذ قوم بوعشرين عيل ههه الله يعين اذا شاف ف مخباها قوم الووووف

**الم امرآه** · 2010-01-23, 15:29

استغفر الله منه
هذا اذا اشتغلت تحلم تحصل منه فلس وتحلم يخلي لها شئ
هو ما عندها راتب ومب مخلي لها شئ وين لو كان عندها راتب الله يعينها

**+حلوه موت+** · 2010-01-23, 15:33

لو طلبها لا تعطييييييييييييه

الله يعينها

**احتاجك..** · 2010-01-23, 15:56

الله يسر امورها^^

**cute uae** · 2010-01-23, 16:14

غريب والله

**ريماني 1** · 2010-01-23, 16:21

ليش تعطيه ؟ هو اللي لازم يعطيها بصراحة أحس ان ريلها واايد قاص عليها ماعليه قلنا يحبها وحياتهم زينة بس بعد المادة تلعب دوور كبير.. اذا في بوكها 25 درهم وياخذهم عيل كم يعطيها مصرووف؟ هيه المفروض ماتستحي كل ماطلب منها خل تقول ماعندي عقب بيمل وبيصرف من جيبه لأنه بصراحه وان شاء الله أكون غلطانة في ظني حسيت ان ريلها زطي

**عشقي عيووونك** · 2010-01-23, 16:30

اممم لو مكانها بقوله عادي اخرد الـ 100 ليش أعطيه اللي عندي وبقوله أنا محتاجتنهم

بس مثل ما قلتي إذا هو مب مقصر وياها خل تصبر وفلوسها وفلوس ريلها واحد، بالنسبه للشغل ها الشي يتفقون عليه هي وريلها وإذا وافق خليها تفهمه أنه ما ياخذ فلوسها بس إذا احتاج ما بتقصر وياه

هذا رايي والسموحه ^^

**الشوق ذابحني** · 2010-01-23, 16:50

هلا
تعرفي انه يعطيها اسبوعيا 700 درهم للوازم البيت اذا احتاجوا شئ في وقت دوامه يعني مثل ما قلت هو ما مقصر عليهم بشئ بس هي مستغربة من طبعه هذا كل ما في الامر يعني هو لا بخيل و لا زطي مثل ما تحسبونه

**دلع بو راشد** · 2010-01-23, 16:54

صدق غريب

الله يعينهآ

**بنت الشوامس 2** · 2010-01-23, 17:01

لا تشتغل احسن لها

**تسونامي** · 2010-01-23, 17:17

خلاص اذا مو مقصر معها مو مشكله

الله يعيين الجميع

**ضنا روحي_زايد** · 2010-01-23, 17:34

انا اشوف ان السالفه مافيها اي مشكله وبعدين الريال مب مقصر معاج
شو يعني اذا زوجي طلب مني 20 او 25 او حتي 100

**أبنةأمنة** · 2010-01-23, 19:41

مافهمت مسالة معينة كيف مامقصر معاها بشئ ............ومايخلي عندها فلس.........؟؟؟؟؟؟؟؟؟؟؟؟!!!!!!!!

مااعتقد في الحالة موضوع العمل مناسب..........

**Lily-270** · 2010-01-23, 20:13

الله يهديه

الموضوع: شخصية غريبة

أدوات الموضوع

عرض

العرض المتطور