ريل اناني ف حاجته

**الم امرآه** · 2010-01-21, 20:34

السلام عليكم والرحمة خواتي

موضوعي والله بالنسبة اللى يقهرتصدقون انه حياتي مع ريلي كلها مشاكل ف مشاكل مع انى كم مره حاولت معاه بس ما شئ فايده حتى اخر مره قلت له شو رايك نروح العمره يمكن الله يهدى نفوسنا بس طبعا طنش كلامي مع انه السفرة بتكون ع حسابي , اقول تعال نسير السينما ونطلع نتمشى ف الويكند مثل باقي الازواج والله حياتي ملل ف ملل صدقونى من ارد من الدوام ما اطلع من ملحقي الا حق ثانى يوم دوام
المهم هذا الاسبوع قلت خلنى اتنازل اشوي عن كرامتي واشوف شو اللى بيصير طبعا رد من الدوام مثل كل مره معصب وع اي شئ بسيط يعصب وبيزعل يوم يعصب اروح واراضيه مع انه هو الغلطان او زعلان بدون سبب وف النهاية ياخذ حقه الشرعي والله انه كل يوم ع هذى الحاله المهم بيوم تعبت خلاص ابغي اريح اشوي مع انى يوم ارد من الدوام ما ارقد الا ف الليل مره وحده تصدقون انه زعل ورد مثل قبل
يعنى اكتشفت انه انا بالنسبة له بس حق الفراش واذا ما حصل بيزعل وبنتفخ
للاسف الحياة الزوجية فيها اشياء وايد غير الفراش بس اما هو لا الفراش عنده هو اساس نجاح حياتنا الزوجية اذا ابغي حياة زوجية سعيده ومن غير مشاكل

اسفه ع الاطاله وما اقول غير الله يهديه

المزيد من آخر المواضيع من نفس القسم:

**زلال2008** · 2010-01-21, 20:39

انتي قلتيها الله يهديه

**ريتال** · 2010-01-21, 20:44

طيب حاولتي تكلمي عن تصرفاته يمكن في سبب

ليش تراضينه اذا هو الغلطان والله طنشي ولاتهتمين له

مرات من يشوفون الوحده مهتمه زياده عن الزوم تشوفينه منتفخ ونافخ نفسه عالفاضي

اهتمي بنفسج خصصوا من يجي اشغلي نفسج بأي شي وشوفي

الله يهدي ويصلح حالكم

**مبروكين** · 2010-01-21, 20:45

الله يعينج

**أحلام اليقظه** · 2010-01-21, 20:50

الله يهديه

**bellegirl** · 2010-01-21, 20:53

لا حول ولا قوة إلا بالله

اختي هذا ريلج وجنتج ونارج ,, لكن لا يكلف الله نفسا الا وسعها

أهم شي انج ماتكونين مقصرة اختي ,, مهما سوى فيج لا تقصرين في حقوقه ,, وانتي شرات ماقلتي يوم تغيرتي هو بعد تغير شوي يعني هو مستعد للتغيير ,, وانتي مطالبة انج تحصلين حلول لهذا الشي

الزواج رحمة ومودة وهذا أهم شي الحب مايدوم ,, أوصيج بعلاقج مع رب العالمين ,, فروضج في وقتها ونوافلج تعطر يومج وليلج وادعي لريلج ربي يهديه

وانتي اسعي للتغيير لا تتوكلين على ريلج وتقصرين الريال أغلب الاوقات مايبادر ,, وانتي الحرمة العاقلة والذكية ولازم يي منج التغيير

ربي يسخركم لبعض

**الجـــوريـــ** · 2010-01-21, 21:05

ربي يهديه انشالله .. بس حبوبه .. لا تنغلقين ع نفسج ..

يعني اشعنه تحبسين عمرج لين ثاااني يووم من الدوااام ..

انتي اطلعي .. غيري جوو .. اطلعي مع الاهل .. اربيعاااتج .. رووحي السووق .. اتمشي .. يعني اذا هو ما يحب يطلع انتي بعد لا اتمين ف هالجو الكئيب ..

وربي يكتب لج اللي فيه الخير انشالله

**احساس ومشاعر** · 2010-01-21, 21:14

الله يسخره ويهديه لج

**غـنـاتےَ K** · 2010-01-21, 21:15

الله يهدي ريلج ويسخره لج

**غرور 2009** · 2010-01-21, 21:16

الله يهديه انشالله

**بنت الشوامس 2** · 2010-01-21, 21:20

الله يهديه وصلح باله

**مرحباني** · 2010-01-21, 21:20

الله يهدييه ويسخره لج يارب

**اخت بوحميد** · 2010-01-21, 21:29

قسم بالله نفسج الناس تطلع خميس وجمعه وتسانس وانا حابسه عمري فالبيت والله مااطلع الى جيرانه ولا المطبخ فقط وحتى جيرانى ملو منى يارب والله ضقت واذ رحت بيت اهلى ماطلع نفس الحاله والله ملل وطفش اف من عيشه الزوجيه ملل ف ملل بسس الله المستعااان

كل شي اسويه مايعجبه هالشيبيه لى عندي ارف لعت جبد والله العبره خنقتنى و اخر شي ابا اقوله هذ نصيبنا مالنا لى صبر

**الم امرآه** · 2010-01-21, 21:41

المشاركة الأصلية كتبت بواسطة اخت بوحميد

قسم بالله نفسج الناس تطلع خميس وجمعه وتسانس وانا حابسه عمري فالبيت والله مااطلع الى جيرانه ولا المطبخ فقط وحتى جيرانى ملو منى يارب والله ضقت واذ رحت بيت اهلى ماطلع نفس الحاله والله ملل وطفش اف من عيشه الزوجيه ملل ف ملل بسس الله المستعااان

كل شي اسويه مايعجبه هالشيبيه لى عندي ارف لعت جبد والله العبره خنقتنى و اخر شي ابا اقوله هذ نصيبنا مالنا لى صبر

الغالية على الاقل انتى تروحين عند جيرانج انا ممنوعه من الطلعه لا معاه ولا مع عمري مثل ما قلت قسم بالله زهت انا من يلسة البيت والله احس انه الاجانب زاور الامارات والمعالم اليديده الى فيها وانا يا حسرة عليه صدقتى والله ارف الحياة الزوجية

ياااااااااااااااااااااااااااااااريت ما عرست

**دلع بو راشد** · 2010-01-21, 22:21

الله يعييينج ختي .. وصبرج ..

والله يهدييه يآآ ربي ..

الموضوع: ريل اناني ف حاجته

أدوات الموضوع

عرض

ريل اناني ف حاجته

المزيد من آخر المواضيع من نفس القسم:

المواضيع المتشابهه

من كان في حاجة أخيه كان الله في حاجته !

متى تزداد حاجته اليك ؟

كتاب يساعدك على تعليم طفلك التحكم فى قضاء حاجته