ملف بنات الامارات المغتربات في لندن

[عيون الحب]

اخواتي حبيت افتح ملف كل وحده مسافره لندن سواء للعلاج او الدراسه او السياحه حبيت نشارك بعض ونكون اخوات في الغربه والي حابه تنظم الا القافله انتشارك ونواسي بعض في الغربه ياريت تساعدنا وتساعد بااقي الاخوات
والاجابه ع بعض الاسئله
سبب وجودج في لندن
كم صارلج في لندن
الاقامه الحايه في لندن وين وشو راايج بالمكان
شو الاماكن اللي زرتيها في لندن
مراكز التسوق في لندن اللي زرتيها واللي ناويه تزورينها
واللي حااابه تزيد حياااها
اولا ببدا الاجابه ع الاسئله
سبب وجودج في لندن.........للعلاج علاج بنتي
كم صارلج في لندن......... اسبوعين
الاقامه الحايه في لندن وين وشو راايج بالمكان........... في الاجور رود الحمدالله السكن نظيف وهادي
شو الاماكن اللي زرتيها في لندن . الهيد بارك ومتحف الشمع وعين لندن بس كانت مغلقة للصيانه بس بروووح الها قريب حديقة الحيوانات مش سفاري لا العاديه

مراكز التسوق في لندن اللي زرتيها واللي ناويه تزورينها...... بري مارك حلو واسعره مناسبه شارع الاكسفورد ستريت مليان محلات مثل نكست نيولوك مذر كير ومونسون ومحلات واايدد وحلوووة رحت بعد هردز ويعتبر اكبر مركز تسوق في لندم وسلفرج فسي شارع الاكسفوورد ستريت وفيه مركز ثاني بس ناسيه اسمه ورحت زارا جنب هردز اما شو نااويه ارووح لين الحين ما خططت
رحت بعد محلات كله كشكات صغار في الاجور روود
اما ع المطاعم فيه مطعم الارز ومطهم بابل هذا قرب السكن اللي نحن فيه جنب مطعم الارز بقالات وممطاعم عربيه وااايده وهذا كله ترا في الاجور رود


اترياااكن حبوبات وسمحلي ع القصوووووووووووووور

المزيد من آخر المواضيع من نفس القسم:

• قرض لأصحاب الأعمال وموظفي الخدمة المدنية
• سعودية في الامارات
• أصدقاء طلعات بر وبحر
• مغربيات ام القيوين وينكم
• بنات و سيدات العين أين أنتم ؟
• بنات طلب منكم
• جديدة معاكم
• انا جديدة بالتعاون بالشارقة حابة اصدقاء
• انا جديده وحابه يكون عندي اصدقآء
• بالله مليت وطفشت لوحدي حابه اتعرف على اخوات...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لمياء دبي]

مرحبا الغاليه
الله يشفي بنتج وتردون بالسلامه ان شاالله
بصراحه من فتره كنت في لندن للعلاج"لي انا"
وسكنا في فندق الكمبرلاند اللي في الاكسفورد لانه الشقق اللس شفتها ماعجبتني وكنت مسويه عمليه واريح لي السكن في الفندق
الاماكن اللي زرتها:الاكواريوم وعين لندن-جوله بالباص المكشوف -متحف الشمع-سوق شبردبوش بتحصلين فيه الملابس الداخلية وقمصان النوم وبصراجه روعه وخاماتها حلوه -والمول اليديد اللي بجنبه اسمه ويست فيلد-طبعا الاكسفورد والمحلات اللي فيه-هارودز-بوند ستريت اللي فيه محل هامليز للعب الاطفال-بعد عندج محل شوكت للقطع واغلب اللي عنده قطع ليبرتي صح اشوي غاليه بس بصراحه ذات جوده عاليه خذت كمن قطعه وان شاالله هالمره ناويه اخذ اكثر لانها مريحه في اللبس وهذا عنوانه Shaukat Fabrics

170 Old Bropmton Road

London SW5 OBA
واما عن المطاعم فانصحج بمطعم اشبيليا نظييييييييييييف واكله لذيذ وطازج احسن عن المطاعم التعبانه اللي في الاجورد رود وتقريبا اسعاره نفس الشي ويمكن اغلى بنسبة بسيطه ويوصلون الفندق والسكن وانا في البداية اكلت عند الفرع اللي في الهارودز يممممممممممممميييييي ولايفوتج اللبن اللي عندهم --وبعد عندج مقهى لداريه شوكليت بار يجنن الهوت شوكليت مالهم خطير مب اللي عندنا ماي ولون بني بدون نكهه "الحمدلله على كل حال"تصدقين اخر مره شربت هوت شوكليت عندهم والين يومج ماذقته -- وبعد بنبهج عن المطعم الهندي اللي في الماربل ارتش ورا فندق الكمبرلاند اكله مب الين هناك وغالي ع الفاضي واذا لاسمح الله رحتو له انتبهوا من الفاتورة تراهم يوم يشوفون العرب يضربون عليهم الدبل في السعر حراميه درجه اولى"استغفرك ربي واتوب اليك"نحن كنا شخصين وكلنا عندهم حبتين سمبوسه"بدون طعم"+صحن كاري دجاج"دهن ولون برتقالي وبهارات بدون مزه"+صحن برياني"مشبع بالدهن"= 88 جنيه "حسبي الله ونعم الوكيل"
هذا اللي يحظرني الحين واذا عندج استفسار راسليني ع الخاص

[ام ماسه]

الله يردكم الى الوطن سالمين غانمين

[تسونامي]

انا سافرت قبل اربع شهور لعلاج بنتي فجر الله يرحمها في مستشفى قريت اورمنت
سكنت في بزو وتر قبال الهايد بارك شارع راقي والسكن فلات راقي ونظيف
جلست في لندن ثلاثة شهور وفي مدينه ليدز ثلاثة شهور وسرت مانشستر للسياحه يوم واحد وسرت اوت لت بالاندرقروند وسرنا سفاري بارك روعه الحيوانات هناك طليقه وثاوب بارك اكبر بارك فيه العاب خطيره وبعد فيه محل بتيل للتمور روعه ومطاعم هنديه في شارع الهاروزد اكلهم روعه نسيت اساميهم ومحل راقي للكيك في نايس برج والله اعلم ولازم نسأل اذا حلال اولا صراحه مخليت مكان الا سرتا روعه لندن تهبل الحمد الله بسرعه اندمجت فيها وعرفت ارقم الباصات الي توصلني للبيت ذكرياتها روعه واموت في محل الالعاب هامليز ودزني وشبربوش وع سوقهم يخرع وفيه كلاب الله يكرمج بس المول ويست فليد روعه وكبير راقي الحمد الله واي خدمه اختى انا حاضره في الخدمه

[Rosewater]

انا موجوده حاليا في بريطانيا بس مش في لندن في شفيليد
سبب غربتي دراسة زوجي
بيني وبين لندن 3 ساعات تقريبا بالسياره
ازور لندن في الاجازات لمده كم يوم
لندن حلوه وكل شي فيها حلو حتى زحمتها حلوه.. تحسين حياه ثانيه
احب اتمشى فيها في الاكسفور ستريت
عاد هارودز روحه سالفه مب بس للتسوق حتى لو تتمشين فيه بعد حلو
عندك السنتر الجديد اللي في لندن كبير وفيه وايد محلات
لندن آي حلوه تشوفين لندن بكبرها من فوق
السفاري انا سرت اللي بين مانشيستر وليفربول وايد حلوه واليهال وايد تعيبهم
عندنا في منطقتنا مول بس اذا بغيت سلفيريج اسير اللي في مانشيستر فيه كل الماركات

[دانة الغلا]

الله يهون عليكم غربتكم
وتردوون البلاااااد بالسلامه

[وردة الجاردينيا]

ذكرتوني بايام لندن

ان شاء الله تردون البلاد بالسلامه

[أم شرينا]

اخووووووووووووي في لندن في منطقه مدرفورد على ما اضن اسمها يدرس

[شوكليت توي]

الله يهون عليكم غربتكم
وتردوون البلاااااد بالسلامه

[بدر0البدور]

الله يهون عليكم غربتكم
وتردوون البلاااااد بالسلامه

[Pure Art]

مراحب بنات

في حد مازال يدرس والا ؟

انا موجودة هناك .. و حبيت اعرف اذا مازال حد موجود والا كلكم رديتوا

[همسه شحوح]

أنا أدرس بلندن وبخلص قريب ان شاء الله،أي مساعدة أختي

[شموخ العاطفة]

Ana amoooooot fi london
Taqreeba
10 mart aaat zayrtinha

[Privilege]

00000000000000000000000

[أميرة الشعر]

الله يهون عليكم غربتكم .... وتردون بالسلامة..