ولدي وقشرة راسه

**خيماويه 999** · 2010-01-18, 19:29

السلام عليكم ورحمة الله وبركاته

خواتي انا عندي ولد عمره شهرين وكم يوم وراسه في قشره
كيف اتخلص منها قبل ماتزيد

دخيلكم لاتبخلون عليه بالرد

المزيد من آخر المواضيع من نفس القسم:

**أم غلا34** · 2010-01-18, 19:45

مي تو ولدي عمره ثلاث شهور ونص تقريبا بس مب عارفه شو اسوي وياالقشرة وااااااايداحاتي

**شيخة الحلوات،** · 2010-01-18, 19:48

بصراحة بنتي وايد عانت من هالشي يوم كانت بعمر ولدج ..
و ما خليت شامبو ما استخدمته لها ..
و اخر شي اشتريت مشط اللي اسنانه صغيرة وايد ( يستخدمونه للقمل )
و مشطت شعرها و خلال كم يوم اختفت القشرة ..
و اذا ردت له القشرة سويله نفس الشي ..
بس شوي شوي ..

**البدواويه** · 2010-01-18, 19:55

دهني فروة راسه بزيت الزيتون عقب مشطيه عكس الشعر بمشط اسنانه صغيره

**ماي زمزم** · 2010-01-18, 21:36

وانا بعد... بنتي نفس الشي.... قشرة فيها موب عاديه ...حتى خفت ووديتها دكتور جلدية وغيرنا الصابون والشامبو ...ونفس الشي ....ماتغير,,حتى لمن امشط شعرها وادهنه يطيح ويتنظف وبعدين تظهر القشرة مرة ثانية...

الخوات الي عندها خبره..تعطينا الحل يزاااااااااها الله خيييييييييييييييييييييير

**باتشن** · 2010-01-18, 21:46

كنت اقشر شعر بنتي لما كانت صغيرونه بمشط اسنانه ضعيفة وعلى طول اغسل شعرها حتى لو ما اغسل جسمها والحمدالله راحت بس حطي فبالج نحن بشتى الحين يمكن تكون القشرة بسبب تغير الجو

**دنــ حظوظ ــيا** · 2010-01-18, 22:51

انا بنتي كان فيها قشره
كنت قبل ما اسبحه احط في راسها زيت اطفال و اخليه ربع ساعه بعد اسبحها و يروح

**قمرية** · 2010-01-18, 23:47

يمكن يا اختي انتي ما حسنتي او صلعتي ولدج لما ولدتيه لانه هالشي السبب الرئيسي في القشرة هالشي عرفته من جداتنا ... ولازم تزيتين شعره باستمرار بزيت زيتون ... والله يساعدج يا رب

**هدى2** · 2010-01-19, 01:39

حبيبتي انا عانيت و يا ولدي هذا طبيعي الدكاترة قالولي لانه الجلد يتغير و تكون اكثرها وصاخة ما قبل الولادة لا تعذبين ولدج و تجرحين راسه حراااام بس انت خذيله شامبو موستيلا من الصيدليه قوليلهم تبينه مال نيو بورن ضد القشرة و بتلاحظين بعد ابوعين ثلاث بتخف القشرة و استخدميله زيت فازلين الي في الجمعيات زيت مب كريم

**ام وعووودي** · 2010-01-19, 01:51

قبل ماتسبحينه سويله زيت في شعره ومشطيه بمشط الاطفال وعقب غسليه بعد نص ساعه

**ام خلافي...** · 2010-01-19, 03:05

انا بعد ولدي لما كان بعمر ولدج كان يعاني من هالشي
بس الحمدالله لما غيرت الشامبو اختفت
الحمدالله

**الريم519** · 2010-01-19, 09:10

أنا عانيت من ها القشره بس الحين خفت اخيرا باقي شويه .. اول فتره كنت ادهن شعره بزيت زيتون وامشطه عقب وديته للدكتورقال لا تقشريه وعطاني شامبو استخدمه مره كل يومين بس يوم وديته مره ثانيه لعياده غير قالو ل تستخدمي الشامبو ها مال كبار وعطتني كريم وبعد تمت القشره ورديت وديته المستشفى الملكي عطاني كريم اسمهmustela
DERMO_PEDIATRIE
استخدمه مرتين باليوم والحين صار احسن .. وسلامته

**شرجاويه9** · 2010-01-19, 10:43

السلام عليكم
أنا بنتي كانت نفس الشي و ظهرتلها القشره عقب ما حسناها و وديتها عند دكتور جلدي لنه فيها أكزيما و لازم أحاسب قبل لا أستخدم أي شي وياها...و ما ينفع زيت الزيتون لنه طبيعته حاره..
عطاني الدكتور شامبو ضد القشره و للي فيهم أكزيما و الحمدلله من مرتين خفت القشره عنها..بس والله ما أذكر اسم الشامبو...بس مب موستيلا..
كنت سايره عند دكتور جلدي ف عيادة سني فالشارجه..

**دينا مسلمة** · 2010-01-19, 10:49

المشاركة الأصلية كتبت بواسطة البدواويه

دهني فروة راسه بزيت الزيتون عقب مشطيه عكس الشعر بمشط اسنانه صغيره

نفس الشيء فعلته ماماتى مع ابنى عندما كان عنده قشروهو فى نفس عمر ابنك تقريبا كانت فروة رأسه مختفيه لان القشر كان يغطيها تماما

لكن انا فى البدايه جربت زيت الزيتون نتيجته كانت جيده لكن بقى قشر فقالت لى ماما اتركيه لى

فوضعت له زيت طعام وتركته حوالى ربع ساعه ثم حكت فروة رأسه بمشط ضييييق طبعا برفق لان راسه حساسه
ثم غسلت شعره
وماشاء الله على النتيجه

**umm khalifah** · 2010-01-19, 10:56

اختي لا تستخدمين المشط الصغير عسب ما تيرحين البيبي وشي شامبو قالي عنه الدكتور اسمه cradle cap بينشف راسه وبيخف

الموضوع: ولدي وقشرة راسه

أدوات الموضوع

عرض

ولدي وقشرة راسه

المزيد من آخر المواضيع من نفس القسم:

المواضيع المتشابهه

ولدي راسه مخترب لحد الآن ماتعدل

بنات ولدي منطر راسه وحطوله اللزقه ومن شهرين .........

بناااااات لحقوني ولدي طااالح على راسه وانجرح ....

ولدي راسه معفووووص

بنااات ولدي في راسه ؟؟؟