أقرب الناس..

**لؤلؤة ah** · 2010-01-18, 15:39

السلام عليكم ورحمة الله وبركاته.......كيف الحال خواتي؟؟بصراحه انا وربيعتي اللي من فتره بسيطه اتعرفت عليها وحسيتها اقرب الناس لي وارتحتلها وااايد صار بينا سوء تفاهم وزعلت مني ...وتأسفت بس بعدها زعلانه وحاطه ف خاطرها ... والله ما ودي اخسر صداقتها لانها بنت طيبه واخلاق وحبوبه وارتاح يوم ارمسها..احس اني بفقدها..بصيييييييييح...

المزيد من آخر المواضيع من نفس القسم:

**احلى منكن** · 2010-01-18, 16:09

يالله اتذكرت ربيعتيه .. الله يصلح بينكن حاولي اطرشين لها هديه بسيطه مع اعتذار ويارب تردن لبعض

**حبي الخالد** · 2010-01-18, 16:10

انشالله ترضى وترجع شرات قبل لا تحاتين..

**bellegirl** · 2010-01-18, 16:12

الله يجمع شملكم على خير

والوحدة منا مب لازم تتعلق بغير الله سبحانه وتعالى تعلق شديد

لإن الانسان مهما كان قريب منج اكيد فيوم من الايام بيبعد ,, سواء بزواج , موت لاسامح الله , سوء تفاهم وايد اسباب

إلا ربنا رب العالمين سبان , فهو ينتظرا نقرب منه خطوة وحدة عسب يتقرب منا خطوااااااات كثيرة ^^

الوحدة منا لازم تعرف كيف تسير علاقاتها وتكون اجتماعية مع الناس لكن بحدود المحبة في الله

وربي يحنن قلوبكم على بعض ويجمعنا واياكم في الجنة ^^

**pearlly** · 2010-01-19, 03:11

المشاركة الأصلية كتبت بواسطة bellegirl

الله يجمع شملكم على خير

والوحدة منا مب لازم تتعلق بغير الله سبحانه وتعالى تعلق شديد

لإن الانسان مهما كان قريب منج اكيد فيوم من الايام بيبعد ,, سواء بزواج , موت لاسامح الله , سوء تفاهم وايد اسباب

إلا ربنا رب العالمين سبان , فهو ينتظرا نقرب منه خطوة وحدة عسب يتقرب منا خطوااااااات كثيرة ^^

الوحدة منا لازم تعرف كيف تسير علاقاتها وتكون اجتماعية مع الناس لكن بحدود المحبة في الله

وربي يحنن قلوبكم على بعض ويجمعنا واياكم في الجنة ^^

**لؤلؤة ah** · 2010-01-19, 03:22

الحمدلله مب مقصره اتجاه ربي وبعد ربيعتي وااايد كنت احبها لانها متدينه وحلو يكون شخص قريب منج ينصحج ويزيد ايمانج بربج ..

**غربة_الروح** · 2010-01-18, 16:17

الله يردها لج ويصفي قلبها عليج وتنسا الزعل

**أتعبني غلاهـ** · 2010-01-18, 16:17

خبريها بغلاها عندج و إنج ما ترضين تخسرينها ^_^

ههه بس إن شاء الله ما تكون من النوع العنيــــــــد ><"

يا الله .. الله يوفقكم و يلم شملكم مرة ثانية ..

**sakura-san** · 2010-01-18, 16:40

اختي انا بعد تعرفت على وحدة يوم توظفت من 4 سنين و كانت علاقتي فيها قوية و دوم تقول انها تعتبرني مثل اختها و بنفس الوقت كانت وااااايد تجرحني وتصيحني و اخر شيء انا اراضيها و استمرينا على هالحالة

تدرين شو سويت استقلت و قلتلها مع السلامة و ما اتصلت فيها و لا كلمتها ( بس واااايد افتقدها لاني كنت دوووم اضحك معاها و نطلع مع بعض و احيانا اقول ليش ما ازورها و اسلم عليها )

حاولي انج تكلمينها او مثلا عطيها هدية تعبر عن الصداقة خاصة انها حبوبة و طيوبة لا تخسرينها و بالتوفيق

**luluq8** · 2010-01-18, 16:42

هديه و ياها رساله اعتذار..

و تبين شي مميز كيكه درب الوله الي عليها ورد...

**قمر الزمن** · 2010-01-18, 16:43

الصداقة حلوه ولازم فيها زعل ان شاء الله ترد العلاقة احسن من اول باذن الله

**مس UAE** · 2010-01-19, 21:39

اذا هيه تغليج وحابه صداقتج ويااها والله بترضى بسرعه ..

انا يوم ازعل من ربيعتي يعني زعوله صغيره والله ما يمديني اقول لها لا تكلميني 3 دقايق تشغل راااااااااااااااايدو وترمسني وما تعطيني مجاال ازعل ^ _ ^ مع اني انا الي ارمس واهذرب اكثر عنها ....وحتى عاادي تلقينا نركض ورى بعض ...

**ابتسامة قمر** · 2010-01-19, 21:54

سوي اللي عليج

ولا تتعلقين في حد وايد

**جزيرة الأمان** · 2010-01-19, 22:36

لا تيأسين الغالية،،، حاولي معاها كم مرة،،، وهالشي دايماً يصير بين الربيعات,,, بالذات إنها صديقة يديدة وبعدكم ما عرفتوا بعض عدل.... الله يرجعكم لبعض،،،

**فطامي89** · 2010-01-26, 02:53

انشالله ترضى وترجع شرات قبل لا تحاتين..

الموضوع: أقرب الناس..

أدوات الموضوع

عرض

العرض المتطور

أقرب الناس..

المزيد من آخر المواضيع من نفس القسم:

المواضيع المتشابهه

[لا تحزن إذا جاءك سهم قاتل من أقرب الناس إلى قلبك

تبي الناس يحبونك، تبي الناس يحترمونك، تبي الناس يقدرونك (أربعة أسطر فقط)