موضوع تحديد الجنس

[halwa]

أنا عندي 3 بنات وخاطري في ولد بس يقولون في نسبة إنج تقدرين أتييبين ولد حد منكن يعرف كيف ؟ أرجوكن اتساعدني بليز

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[ميرال]

حبوبه هذا شي بايد ربك ما حد بيقدر يخبرك كم النسبه سبحان الله

[غرشوبه أبوظبي88]

حبيبتي انا سمعت عن شي يبيعونه في الصيدليه تعرفين نوع البويضه لي نازله اذا كانت ذكر او انثا فيه وحده جربته ونفع وياها ويابت ولد بعد ثلاثة بنات

[مووون العين]

والله ما عندي فكرة جربي روحي عند دكتورة .. او امتنعي عن الجماع بعد الدورة الشهرية مباشرة لين اليوم 14 انا قارية انه اذا صار جماع في اليوم 14 و16 و17 انشالله يكون ذكر لان المتناع يخزن الحيوانات المنوية الذكورية اللي تكون طبعا اضعف من الانثوية .. بس كله بيد رب العالمين حاولي تسوين هالطريقة وانشالله تنجحين.. وعاد بشرينا اذا حملتي بولد .. وبعدين اللي اعرفه انه هذا كله من الريال الحرمة مالها خص... اتمنى الخوات يشاركونا ويتفاعلون معاج الموضوع حلو ..

[طي السنيين]

أخر يوم بالتبويض يكون ولد بقدر الله وأكثر حريم العيله مجربينها

[روق]

استخدمي غسول بيكربونات الصوديوم تنباع بالصيدليات
كثري من ىالدعاء والاستغفار
وكله بيد الله وتوكلي على الله

[myare]

ليش ما تمشين ع الجدول الصيني صراحه انا بالصدفه تابعت حملي عليه بعد ما حملت طلع ولد وصيح ولدت ذكر من ثلاث شهور فدييييييييييييييييته
بس في الاول والاخير كل شي بإيد الله
اذا تبين الجدول الصيني
http://www.lakii.com/vb/showthread.php?t=265921


بس

[LuLeTa]

شوفي اختي انا اقولج لاني عندي اولاد ومتمنيه البنت
حملي فيهم كله اخر التبويض وقبل مايكون فيه جماع انا موقاصده بس صدف
سبحان الله وميته ايب البنت سألت الدكتوره قالت الي تبي ولد تغسل بكربونات الصوديوم
تحصلينه بالصيدله ويصير جماع بعد التبويض اذا اليوم التبويض خيصير باجر
يعني يوم 15 16 17 بعد الدوره ولا يصير شي قبل ابد عشان تضمنين
ربي يرزقج الولد من قلب ادعيلج ويرزقني البنيه لاني خاطري من قلب ايب بنيه
ربي يحفظلج بناتج وتقر عينج بالدولد الي يفرح قلبج =)

[ع الابداع]

14 و16 و17 انشالله يكون ذكر

وبعد الجماع على طول لفي صوب اليمين ..

يعني خليج راقده على صوبج اليمين


ولا تشربين وايد لبن ولا تاكلين بيض ولا اجبان على الاقل شهر او من اخر دوره شهريه

لانه الاجبان والالبان تجذب الانثويه اكثر

[دبي]

الغاليه الأفضل تستشيرين طبيبه شاطره

وما أنصحج بالجدول الصيني لأنه عطاني نتائج خاطئه ،أنا مثلج عندي بنتين والثالثه في الدرب والحمدلله

[halwa]

الحمد لله على كل شي بس بغيت أفرح ريلي بولد وجزاكن الله ألف خير ويرزقكن بالذرية الصالحة والله يعطيكن اللي في خواطركن

[فيونكا]

الله يرزقج بالولد الصالح ان شا الله و يرزق كل محرومة بالذرية الصالحة و دعواتكم لي و للو ليتا بالبنوتات الصالحت