سلم واستلم

**وجع قلب** · 2010-01-14, 01:22

السلام عليكم عضوات منتدى سيدات الامارات .. المنتدى اللي ترك بصمة في المجتمع الاماراتي النسائي بشكل خاص والمجتمع العربي بشكل عام ....

مووضوووعي وباختصار .. أو بالأحرى اقتراحي واللي ما أجبر أحد من التاجرات تنفيذه ..

الصراحة اللي ملاحظينه من بعض التاجرات هو ( النصب والاحتيال ) وأكيد سمعتوا عن كم حالة مرت علينا بفترة قصيرة ينصبون ع البنات وياخذوون فلوسهم بالباطل ..

الصراحة أنا تعيبني التاجرة اللي تتعامل بمبدأ ( سلم واستلم ) .. لأنها راح تلاقي اقبال شديد على بضاعتها وثقة متبادلة بين الطرفين وضمان لحقوقهم ..

أدري مب كل البضايع قابلة لمبدأ ( سلم واستلم ) اللي فيها ضمان للطرفين .. وإنما في بعض البضايع تتطلب مبدأ ( ادفع أولا ) وفيه ضمان للتاجرة فقط ..

فيا تاجرتي العزيزات .. قد ما تقدرووون تعاملوا بالمبدأ الأول لضمان بيع البضاعة .. والله أنا دوووم أشوف أشياء تعيبني وغالية وأخاف اني أجازف بفلوسي ..

ما أبى حد يفسر كلامي غلط .. ويقول اني قلت انت التاجرات حراميات .. لا والله أنا متعاملة مع أكثر من وحدة والنعم فيهن .. بس فيه تاجرات بالمقابل ما عندهن ضمير وبعيوننا قرينا عن مواضيع النصب اللي تصير بالمنتدى ..

مشكوورات خواتي على القراية واسمحولي وربي يشهد علي ما أقصد حد ..

المزيد من آخر المواضيع من نفس القسم:

**أم عبادي وحسوني** · 2010-01-14, 01:25

هلا فديتج

انا الحمدلله تعاملي كله سلم واستلم

بس حالات النصب الغاليه اكثرها استوت من خارج الدوله

والحمدلله تاجراتنا ثقه فديتج

صح السلم واستلم اريح للطرفين بس في بضاعه مايصلح لان إذا الزبونه ما استلمت او تضاربت مع المندوب عقب قالت له كنسل الطلبيه ما اباها مثل مايستوي لي هههههههه تكون التاجره خسرانه عرفتي

بس الحمدلله على كل شي

**غرافيا** · 2010-01-14, 01:27

انا احب سلم واستلم - احسه اسهل بوايد من سالفه التحويل.

اذا انا عن نفسي اتعايز اسير اطرش حق تاجره البيزات عن طريق الصراف وايلس انتظر و صلها ولا لا؟ وصرت خلاص ما اطلب الا اذا كان سلم واستلم...

**alone4ever** · 2010-01-14, 01:27

غناتي

في بناات ما يخاافون الله .. يطلبوون و عقب ما يردون ع التلفونات أو يرفضون الاستلام
فتخسر التاجرة قيمة التوصيل .. غير ان في بضايع تخترب بالروحة و الجاية .. و المرمطة في مكاتب الشحن

مع الاسف .. كثرة المستهترااات هي الي خلت اغلبية التاجراات يبتعدون عن سياسة سلم و استلم

انا عن نفسي افضل الدفع مقدماا... و حتى لما اشتري افضل اني ادفع مقدمااا

**لمسة حراير** · 2010-01-14, 01:32

والله احسن شي سلم واستلم

**لمعة خرز** · 2010-01-14, 01:33

شوفي موضوع في قسم ساعدوني عن عضوة نصبت على التاجرات عن طريق سلم واستلم تاخذ اغراض وما تدفع المبلغ...

عن نفسي اي طلبية اقل من 250 درهم عادي عندي سلم واستلم ولو فوق ال250 لااازم تحويل قبل الاستلام.... يحليلها هدى2 وحدة طلبت من عندها بضاعة ب3000 درهم ونصبت على وايد تاجرات...

للاسف دايمآ التاجرة تتوهق بالطلبيات لكن العضوات ما يحسون ياما طرشنا طلبات سلم واستلم وفي النهاية ترجع الطلبيات بسبب الاستهتار من العضوات والله كل ما ادفع 25 درهم حق التوصيل لان العضوة ما ترد على المندوب او تستهبل وتقول ما طلبت شي وفي النهاية انا اسدفع من جيبي يعني لو بعت بضاعه اربح 25 ولو رجعت لي بضاعه لازم ادفع ال25 اللي ربحتها من عضوة ثانية...

المفروض تحسون بالتاجرات والله الله العالم كم نتعب من سوق لسوق من جمارك لجمارك واتصالات المندوب وحرقة الاعصاب والسهر على المنتدى ومتابعه الطلبيات وفي النهاية الطلبية ترجع ولازم ندفع التوصيل من جيبنا....

انا اشوف ان لو مبلغ كبير لااازم التحويل قبل..^_^

**مريم الجناحي** · 2010-01-14, 01:35

صدقتي والله

اكثر الطلبيات اللي اطلبها سلم و استلم

**بنت فلان33** · 2010-01-14, 01:49

الدفع مقدما اظمن للتاجره فيه بعض الزبونات يطنشون ومايردون ع المندوب يتعبونا ع الفاضي مب قد كلمتهم

**حزون الدهماني** · 2010-01-14, 01:54

انا ما اتعامل الا مع التاجرات اللي يتعاملون بسلم و استلم..

**Life_Fuel** · 2010-01-14, 02:00

انا مع مبدا سلم واستلم والا والله ما اشتري الدنيا مافيها امان

**ام شوق وعزوز** · 2010-01-14, 02:02

صح كلامج وانا وياج

**نجمة أبوظبي** · 2010-01-14, 02:03

بعض التاجرات في قمت الزوق و الاحترام
واحب دايمن اتعامل بسلم واستلم

**وجع قلب** · 2010-01-14, 02:16

الصراحة لاحظت ان الردود منقسمة قسمين : -
التاجرات مصرين على مبدأ ( ادفع أولا )
والعضوات الباجيات ( يبون سلم واستلم )

شويه موضوعية يا حلوات ...... التاجرات حبايبي نحن نقدر ظروفكم وندري انكم تسعون لضمان حقكم .. ونحن شو اللي يضمن حقنا ! هذا موووضوووع النقاش ..

**شمس الامارااات** · 2010-01-14, 02:16

انا بعد اتعامل بمبدا سلم واستلم

بس صج في بنات ما يردون على المندوب وبها الطريقه التاجره الي تخسر

**zezenya** · 2010-01-14, 02:37

شوفي

انا مقيمه بامريكا وتتحول لي فلوس للبنات الالف الدولارات والحمدلله

كل البنات توصلها بضايعها

تعرفي ليش واثقين فيني لاني مابيع شئ مستحيل او اسعار ماحصلت

بس اللي بينصبوا بتجيب لك اشياء غاليه بسعر التراب

البنات تنهبل وتحول الفلوس من دون ماتتحق من السالفه وعاد هي فرصتها تجمع الفلوس وتطير@!

اخر بنت نصبت على البنات يمكم حدود الامارات سهل انه يبلغ عليها وتنمسك بكل سهوله

ليش البنات ساكته مابلغت هني الغريب ماعرف!!!!

سالفه سلم واستلم لطلبات النت احسها صعبه لان مره بنت طلبت ب2000 دولار

ولا حولت وطاحه الطلبيه بكبدي ليومك هذا!

الموضوع: سلم واستلم

أدوات الموضوع

عرض

سلم واستلم

المزيد من آخر المواضيع من نفس القسم:

المواضيع المتشابهه

التوصيل(سلم واستلم)

سلم واستلم .. كيف يعني !!