استفسار !!!!

[أحلى جتبيه]

السلام عليكم ورحمة الله وبركاته

كيف الحال؟؟

خواتي انا حامل وهذا بجري بس انا عديت موعدي وصرت وايد احاتي مع اني اختيه اطمني واتقولي البجر دوم تأخر عن موعدها

وغير هذا بطني ما نزل مع اني دوم امشي ... فحبيت اعرف اذا في شي يساعد ويخلي البطن ينزل لاني تعبت واريد اخلص

حد يقولي نزلت شوي وحد يقولي شكلج باطيه بعدج يبالج اسبوع تقريبا عشان ينزل بطنج << يا يرفعون من معنوياتي يا يحبطوني

وغير هذا عندي تدريب بعد اسبوعين ان شاء الله << ما باخذ فتره نقاهه كافيه خخخخخ

وفوق هذا كله الي اعرفهن معطينهن ويايه وربن قبلي بعد << كلهن بجر .. من اعرف وحده ربت اقول متى بيي دوري اريد ارتاح ونفرح بالبيبي انا وريلي << هو بعد مستعيل عليه

<< جني طولت

تحياتي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[مرافئ صمت]

الله يسهل عليج

[bint mother]

انا مرت اخوي بالبجر طولت يعني عدت موعدها وعقبها عطوها طلق صناعي

وماعرف شو اقولج غير الله يسهل عليييج الولاده يارب

وتقومين بالسلامه وادعيلي ربي يرزقني بالذريه الصالحه

[بدر0البدور]

الله يسهل عليج الغالية انا بعد في بنتي كنت بكر وعديت موعدي أسبوع كامل والحمد لله بعد أسبوع والمشي المتواصل ربيت

[أحلى جتبيه]

>> مرافئ صمت <<

مشكوووره على ها الدعوه الحلوه

>> bint mother <<

مشكوره الغاليه .. وربي يرزقج ان شاء الله ويعطيج على قد نيتج يارب

>> بدر0البدور <<

مشكورة الغاليه

ريحتني يزاكن الله خير

[ام سعيد 2001]

لا تخافين ما عليج شر ان شاء الله .. انا في اثنين من عيالي ضربت رقم قياسي في التأخير يعني ربيت عقب موعدي باسبوعييين .. و الحمدلله كله يعطوني موعد للطلق الصناعي بس اربي طبيعي قبل الموعد .. الحمدلله ..
الله يسهل عليج و ييسر لج .. و نترياج اتبشرينا ..

[الغزال المشرد]

الله يسهل عليج