هل الانفصال الحل ؟

**never let GO** · 2010-01-10, 23:07

السلام عليكم ورحمة الله وبركاته ..

جيف حالكم يا بنات ؟؟

بنات بغيت اخذ رايكم.. واسمع شوركم ..

حبايبي انا مالجة الحينه من فتره همم تقريبا شهرين .. بس انا لحد الحين حاسة اني مب قادره اتقبل ريلي

حاولت وحااولت وايد بعد .. في وايد اشيا فيه اتخليني ما اتقبله ولو انها بسيطه جدا .. للعلم اني صليت استخاره قبل ما اوافق والامور اتيسرت وهو نفس الشي صلى استخاره ..

يا بنات خصه اليوم يوم قالي انه حدد موعد العرس مسكتني ضييييييييييييييجه .. ماعرف شو اسوي؟

انصحوني .. ساعدوني .. عطوني رايكم لاهنتوا

.

المزيد من آخر المواضيع من نفس القسم:

**bellegirl** · 2010-01-10, 23:12

لا حول ولا قوة إلا بالله

اختي لغالية ,, ريلج بعده يديد عليج ,, ودام الريال ماظهر منه شي مب زين اتوكلي على الله رب العالمين ,, وردي استخيري مرة ومرتين وثلاث

وباذن الله اذا هذا الريال فيه خير بتتيسر أموركم

**never let GO** · 2010-01-10, 23:14

امييييييييييييييييين الله يسمع منج فديتج والله ..

اتمنى انا انه يكون خير لي .. ولين الحين وانا اصلي والله ..

والله ييسر امورنا يارب ...

.

**3imania** · 2010-01-10, 23:15

الله يفرج همج ويسخر لج ريلج

من توكل على الله فهو حسبه

لاتفكرين فالانفصال

وموفقه

**أحلى الفراشات** · 2010-01-10, 23:17

أختي كلنا مرينا بهالمرحله وصدقيني بتحبينه بعد العرس أنا عن نفسي مريت بهالتجربه كنت ما أحبه وكنت اكلمه وأنا اتمسخر ومب مهتمه بس تعالي شوفيني الحين !!!!,,... .
هذي بس مرحله وبتعدي ان شالله .. الحب ايي بالمعاشره مب من اول شي ..
والله يجمع مبينكم..

**عويش الجابري** · 2010-01-10, 23:20

مادري شو أقولجْ .. بس اختيه اذا مافيه عيــبْ ينشكى منه
توكلي على الله و بعدج الا استخيري و استخيري .. و ربي يسهل أمرجْ
و يفرجْ كربتـجْ .. و يتمملج اللي فيه الخير و البركه ان شاء الله

موفجه الغاليه =)

*** ام خماس *** · 2010-01-10, 23:22

الغالية اذا الريال زين يصلي وعارف ربه واخلاق اقولج توكلي على الله وان شاء الله تتوفقين

ويسعدج 00وهذا الاحساس عادي كل بنت تبا تعرس لانه خوف من المستقبل والحياة اليديدة

والمسؤليه --الله يوفقج الغلا ويسعدج ويسر امورج00السموحة

**never let GO** · 2010-01-10, 23:53

امين يارب العالمين .. تسلمون فديتكم .. ريحتوني والله

**خطيرة الملامح** · 2010-01-10, 23:55

أستغفر الله العظيم الذي لا اله الا هو الحي القيوم وأتوب اليه
الله يسهل امورج

**never let GO** · 2010-01-11, 00:01

^__^ تسلمون ع دعواتكم .. ربي يحفظكم

**ياقوته** · 2010-01-11, 00:11

اختي

يمكن لانه اول مره يدخل ريال بحياتج فاحساسج جي

شوفي الغلا ربيعتي كانت مثلج وقلت لها استخيري اكثر وكثري من قراءة سورة البقره
وحاولي تسمعين قراءن وايد او تقرينه وماشاء الله بتعرس قريب وراح عنها ها الاحساس

ربي يحفظج وخلي هالفكره بعيد عنج

**BabY_Sol3eiah** · 2010-01-11, 00:29

فديتج لا تتضايقين ,, دام الريال زين و اخلاقه زينه و يباج و شارنج

و احس ان هذا شعور عااادي

عيل لو تشوفيني شو سويت في يوم ملجتي بتضحكين علي خخخخخ

اونه مابااااه مابا اتزوجه و اصييييييييح و انشع شعري خخخخ

حتى ما خليت تحفه في البيت ما كسرتها و دخلت المطبخ و كسرت كل شي لووول

و سرت عقب بيت يدي اوني بحضر حفله الملجه جداام الناس و انا لابسه جينز و بدي .. حتى جحال ما كنت حاطه لووول

و عقب زخزوني اهلي و عدلوني و لبسوووني ومكيجوووني

لااااا و شووووو هههههه كل هذا و نحن نحب بعض

يعني زواج عن حب

,, و الكل كان مستغرب مني ,, بس مادري شو ياني تخبلت هااك اليوم

حتى اذكر طرشت مسج لريلي كتبتله (( اذا ييت بيت يدي والله بذبحك )) لووول

على قولت عمتي ( ماباه و دزوني عليه )

شكلي قصيت قصه حياااتي ههه

يعني باختصار لا تحاتين فديتج دام الريال زين

و هذا يمكن يكون شعور عااااادي و بعض البنات يمروون فيه .. مثلي

ههههه

و ربي يوفقج و يكتب لج اللي فيه الخير

**حلم المسافر** · 2010-01-11, 00:37

لاتخلين صلاة الاستخارة ... انا لين العرس وصلي من الخوف والله يسر امري والحمدلله اولا وأخيرا ..

**ام علي725** · 2010-01-11, 00:38

الله يوفقج و ييسر امرج

**never let GO** · 2010-01-11, 00:45

اميييييييييييييين يارب .. تسلمووون

الموضوع: هل الانفصال الحل ؟

أدوات الموضوع

عرض

هل الانفصال الحل ؟

المزيد من آخر المواضيع من نفس القسم:

المواضيع المتشابهه

أريد الانفصال

ماهي اسباب الانفصال العاطفي

للمخطوبات, متى توصلين لحد الانفصال منه وطلب انهاء الخطبه؟!!!

هل ممكن العودة بعد الانفصال؟

بعد الانفصال!! شو بيكون مصير الأبناء؟