النومــــــــــــــ..

[Um Athoob]

هلا هلا


كيف الحال خواتي؟

أنا بقولكم قصتي وعطوني حلكم ..!

الواحد يبا يصير نفس باجي الناس .. لا مب نفس باجي الناس الكبار نفس الاطفال

الي بعمر عشر سنوات يعني حدهم يرقدون 1 وبعضهم يرقد على الاقل 12 ..

حتى الدياي (الدجاج) وربي يسهرون ...


بس انا شفيني ليش مب مثلهم .. يعني ابا اشوف مثلن فلم نقول فلم رعب ارقد قبل مايخلص الفلم

ولا فلم هندي الناس مرتبشه وترقص وانا راقده ..

شهالعادة الشينة

ليش رقادي مب منظم ..

خلاص من يستوي المغرب مسطله ..

هل هو حباً فالنوم ولا تعب .. وكسل ولا فضاوه ..

ولا لان النووم احلى شي

تدرون قبل لمن ازعل ولا اصيح اكتب و أفرغ خاطري

بس الحينه لا ارقد وانسى ..

يارب والله هالنوم نعمة ..

بس مادري ليش اهل البيت يحسدوني عليه

وأي حد يسأل عني يقولون نايمه ارتبط اسمي بالرقاد

ناس اتيي وناس تطلع وانا راقده ..لووول وياكثر ماصارت هوشات ع رقادي

يعني لمن الناس صاحيه انا راقده والعكس صحيح

خاصه الشتاء جو وايد يناسبني ويسعدني فالنوم ..

هل هو عجز مبكر ولا لاني تعبت في ايام وابا راحة ...

أو .....

لا تقولون خففي نوم ترى تخفيف النووم مب من صالحي ادبل اليوم الي بعده درزن رقاد..

ولا تقترحون ضبطي وقتج

النوم ايي فجأة

وشي ناس يضحكون علي بدل مايساعدوني ياخي اللي ايده فالماي مب شرات اللي ايده فالضو

ونفسيتي محطمه على صخور الخيبه المرجوة من هذا الامر المستعصي وحالتي حاله من القهر

والضييييييييييم .. ماذا أفعل << فلم هندي

بس شي ناس ابد مايرقدون ويواصللون ...
.
خاطري أعيش السهر شرات قبل .. بس ألحين مثل العيايز واخس منهن على الساعه ... مايخصكم ... هاتها يانومه رغم اني راقده قبل ..

يمكن هي رحمة من ربي .. اللهم لك الحمد لك الشكر ...

لاتحسدوني قولوا ماشاءالله تبارك الله

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كبرياء النفس]

الله يعينج يالغلا

يس حاولي تنشطين عمرج بالتدريج هب مره وحده

يعني مثلا اليوم لاول تلهين نفسج بشي وتحاولين تاخرين نومج الين ماتحسين انج راح تتحملين وتنشين

وعقبها اليوم الثاني ..والثالث الين يتعدل نومج يالغلا

والله يعينج يالغلا ويوفقج ويبعد عنج كل هم وكل شر

[روعه_99]

هلاا اختي .. الافضل انج تسوين تحليل يمكن عندج فقر دم وهو اللي يسبب النووم والكسل ,,

[عشااااقه]

هههههه

الحال من بعضه يمكن أنا ارد من الدوام متأخر فما أقدر اتحمل حتى لو كنت أبي اتابع برنامج اررقد والبرنامج بعده ما بدء بس مرات احاول انشط عمري أروح اسبح مثلا

[غيابك اتعبني]

يأأأأاأ حظج والله .. انا انسانه موووول ما ارقد .. واذا رقدت حدي حدي ساعتين .. والله مادري كيف عايشه ..

من امس مب راقده الا ساعتين .. اسير ابند الليت واشغل الابجووره واتلحف كامل .. تييني افكار وشغلات واتجلب واتجلب .. عقب اصدع وانش .. ما ادري شسوووي بعمري خاااااااااطري انام ولو 4 ساعات متوااااصله ..


انتي في نعمه احمدي ربج عليهاااا ما في احلى من بخ الرقااااااااااااد خخ

[بطراآنه]

الله يكوون في عووونج

بس النوووووم نعمه

[بدوية والنعم]

حبيبتي تراها نعة شكري اخالق ترى اختي ما ترقد الا 2 ساعتين خلال يوم كامل
وبنت خالتي كل يومين 3 ساعات يقولن بأدفع شو عشان انام كل مكان ساروا دكاترة علاج كل شي فاحمدي ربج
نحن نرقد ونثور من الرقاد وهن صاحيات ..سبحان الله محد مرتاح

[luluq8]

انا كنت واايد انام

بس من ولدت صرت ما انام

النوووم نعمه..

بس اذا ما تبين تنامين طلعى..

[بنت أبــوهــا]

الللللللللللللللللللللله

اخيرررررررررررااا

وحده شرااااااااااااتي

ولله ماعرف شو مشكــــــــــــــلتي


ولله انه هليه مايشوفوني

واي حد يسال عني يقولون له راقده

ولله مرات احسه مرض

بس ولله غصب عنيه شو اسوي

هليه وايد يعصبون مني يتحروني متعمــده

ولله العظيم اني اكون راقده من وقت وانش الظهر وارد ارقد وانش المغرب وارقد لين اليوم الي عقبه

ماعرف ليش!!

شو اسباب الرقاد هذا ياليت تخبرونا

والسموحه ^_^

[دودة ..~]

Me too..!><

نفس المشكلة ..
ختي دووم تهد عليه وتقووول "بسج بتمرضيين ..! كثرة النووم مرض ..!"
ويحسبووني متعمدة .. احلف لهم انه ياني فجأة واني ما قدرت اتحمل ..=(

ايي من المدرسة مسطلة وما عرف يميني من شمالي .. اطييح راقدة واقووم 8 فليل ومن مرات ليين 10
حاولت اوول اني ما نام وقعدت على التلفزيوون بس ما رمت .. الساعة 6 رقدت وما قمت ..

الله بالغفران .. دومي راقدة عن صلاة العصر ..!><

وفليل ارقد الساعة 11 وقوم 6 .. نومي فليل عادي بس الظهر ..!
آبـــآآ حل ..=(

[الجـــوريـــ]

ما اعرف شوو اقوولج ....

امممم .. اشغلي عمرج بالطلعاااات ... اتمشي .. وقتج هذا من الصبح لين بليل . سويله جدول للوناااسه والطلعاااات .. يعني .. حرااام كله ارقاااد×ارقاااد

[قلبي صامت]

انا عكسج عيل ابا ارقد من وقت لكن اسهر
ابا ارقد من و قت يكون انش قبل الفجر و اصلي قيام الليل

[sns]

هلاا اختي .. الافضل انج تسوين تحليل يمكن عندج فقر دم وهو اللي يسبب النووم والكسل ,,

[بنكووشه]

لا الررقاد الزايد مفيد ولا قلة الرقاد بعد

انا مثلا ما انام وايد

بس طول اليوم احس بكسل وخمول

الله يعينا بس

يقولون الرياضة المنتظمة والمشي كل يوم تنشط الجسم وتنظم الرقاد

[دمعة مجروحة]

حتى الدياي (الدجاج) وربي يسهرون ...

بس الحينه لا ارقد وانسى ..

يارب والله هالنوم نعمة ..

بس مادري ليش اهل البيت يحسدوني عليه

وأي حد يسأل عني يقولون نايمه ارتبط اسمي بالرقاد

ناس اتيي وناس تطلع وانا راقده ..لووول وياكثر ماصارت هوشات ع رقادي







لا تقولون خففي نوم ترى تخفيف النووم مب من صالحي ادبل اليوم الي بعده درزن رقاد..

ولا تقترحون ضبطي وقتج

النوم ايي فجأة
.
مايخصكم ... هاتها يانومه رغم اني راقده قبل ..

يمكن هي رحمة من ربي .. اللهم لك الحمد لك الشكر ...

لاتحسدوني قولوا ماشاءالله تبارك الله



هههههههههههههههههههههههههههههههههههه .... الحال من بعضه نادراًما أسهر ...[SIZE="4"]

أمووووووووووووووووووووووووت على شي إسمه رقااااااااااااااااااااااااااد...

والكل تعود على عادتي عاااااااااااااااادي ...آخذها رجدة من وقت لحد 30:10صباحاً...طبعاً أقوم قيام الليل وصلاة الصبح الحمدالله ..وهاتها نــــــــــــــــــــومة ...بس الليلة من شوي راجعة من عرس ومستانسة وعلى طول على المنتدى ما في مجال للنوم ...إلا بعد ما أتصفح المنتدى ..لإن إذا ما دخلته العصر لالالالازم أقاوم الرجاااااااد وأتصفحة عن خاااطري لو شوي ...

لا تخااافين عاااادي الرجااااااااااااد ...[/SIZE]