#$% تصــويري لقطــرات المــاء %$#

**BabY_Sol3eiah** · 2010-01-10, 01:39

السلام عليكم و رحمة الله و بركاته

بصراااحه وايد شجعتوني اني احط صور اكثر طبعا من تصويري بعد ما شفت ردودكم الحلوة في موضوعي السابق في هالقسم

اللي كان بعنوان ( دعاية مسافي )

مع اني توني مبتدئه في التصوير ,, طبعا انا احب التصوير من زمان بس ما احترفته للحين

المهم ما بطول عليكم

و اتمنى تعطوني رايكم في تصويري لقطرات الماء ..

مع اعلم اني يوم صغرت الصور و حملتهم امممم فقدت الصور الكواليتي ( جودتها )

و الصور غيرت ألوانهم بالفوتو شوب ,,

بس ان شاء الله تعيبكم

(1)

(2)

(3)

(4)

(5)

شو رايكم يا حلواااات

(( طريقـــــــــة التصويـــــــر في الصفحــــه الثانيـــــــــه ))

المزيد من آخر المواضيع من نفس القسم:

**فصل الشتاء** · 2010-01-10, 01:47

روووووووووووووووووعه ..
مافيج حيله والله

**~ العاش ~** · 2010-01-10, 01:51

وآآآيد حلوآآآت مااا شاء الله عليييج

عيبني كلهن الاكثر رقم 2

ياليت تخبريني كيف صورتيهاا لاني من متى احاول اصور جيه ومع ذلك افشل

**~حب~uae** · 2010-01-10, 02:00

روووووووووووووووعه ماشاء الله

**.CHANEL** · 2010-01-10, 02:02

مميزه....~

**BabY_Sol3eiah** · 2010-01-10, 02:35

المشاركة الأصلية كتبت بواسطة فصل الشتاء

روووووووووووووووووعه ..
مافيج حيله والله

تسلمين غناتي

المشاركة الأصلية كتبت بواسطة ~ العاش ~

وآآآيد حلوآآآت مااا شاء الله عليييج

عيبني كلهن الاكثر رقم 2

ياليت تخبريني كيف صورتيهاا لاني من متى احاول اصور جيه ومع ذلك افشل

عيونج الحلوه ,,

و لجل عيونج بشرح لج بالتفصيل الملل في الرد الياي كيف صورت جيه

المشاركة الأصلية كتبت بواسطة ~حب~uae

روووووووووووووووعه ماشاء الله

تسلمين حبيبتي ,,

المشاركة الأصلية كتبت بواسطة عيون عسل

وايد حلو مشاء الله

خاطري اصور نفسهم بس للأسف ما اعرف كيف يصورون جيه اهئ

بالعكس يا الغلا واااااايد سهل و ما يحتاج غير شويه تركيز

تابعي ردودي في الموضوع و بشرحلكم كيف صورتها

المشاركة الأصلية كتبت بواسطة CHANEL™

مميزه....~

تسلمين خيتووو

**BabY_Sol3eiah** · 2010-01-10, 03:25

السلام عليكم

لجل ~ العاش ~ و عيون عسل

بقوولكم الطريقه اللي سويتها و صورت قطرات الماي

والله ان الطريقه واااااااايد سهله و ما يبالها شي غير شوية تركيز

لدرجة ان هالصور اللي حطيتها كانت لأول تجربة لي في تصوير القطرات و نجحت

اول شي نحتاج

1- كاميرا << قولي والله

2- امممم ما اعرف شو اسمه بس احيد نسميه في المدرسة ( بوه) اللي يكون نفس الوسيله بس من الفلين ,,

3- تريبود ( استاند للكاميرا ) >> بصراحه عندي استاند بس ما استخدمته ههه تعايزت اسير اييبه من فوق فبدل الاستاند ثبت الكاميرا على كرسي صغير

4- كأس فيه ماي ,,

5- كلينكس

<< بقول لكم لييييش هههه

6- إضاءة ,, بالنسبه لي ما استخدمت الفلاش الكبير بس شغلت كل الليتات في الغرفه و استخدمت فلاش الكاميرا..

اعدادات الكاميرا :

1- ضبطت الكاميرا على الوضع اليدوي ( المانوال ) ( M )

2- سرعة الاغلاق: shutter speed: 1/250

3- حساسية الفلم 100 ISO و ممكن يكون 80 ,, 100 ,, 200
بس انا حطيته على 100

هذا ( البوه )

اذا ما تعرفونه من اسمه ,, لاني بصراحه ما اعرف شو تسمونه !!

و هذي الكاميرا اللي استخدمتها كانون 400 دي ,, و استخدمت الزوم عشان اصور من بعيد شوي و ما تتخرس الكاميرا بالماي اللي ينطش ههههه ,, طبعا ما تكون الكاميرا وايد بعيد عن الكأس

حطيت البوه بهالطريقه ,, عشان بس تكون الخلفيه و الارضية بنفس اللون ,, و أفضل يكون لون غامج عشان تبين القطرات في التصوير ,,

و الحين الشرح بالتفصيل

حطيت فووق بعد بوه ثاني بلون ابيض عشان يعكس الاضاءه ,,

مكان العطر حطيت كأس الماي ,,

و مكان الموبايل حطيت كلينكس فيه ماي واااااايد هههههههه والقطرات تنزل من الكلينكس للكأس ,,

تعرفون ليش خخخخ ؟؟

عشان تختلف احجام القطرات ,, مره صغيره و مره كبيره

و في نفس الوقت الماي ما يخلص من فوق بسرعه ,, و اقدر اخذ وقتي في التصوير

يعني التقط اكبر عدد من الصور في اقل وقت

و بعد لان ما عندي حد يساعدني يعني يمسك القطاااره و يقطر الماي من فوووق فعشان جيه حطيت الكلينس لان بروحه بيقطر هههه

و لاحظو ان لازم يكون الكلينكس فوق كأس الماي بالضبط ,, مثل ما شفتو في الصورة الفلاش ميموري اللي نازل عمودي على العطر

..

الحين التركييييييييييز و الفوووكــس

بعد ما تثبتين الكاميرا على الاستاند او الطاوله اللي مجابله الكأس

لااااازم تضبطين الفوكس عشان تلتقط الكاميرا القطرات

و افضل تستخدمين الفوكس اليدوي لان الاوتوماتيكي ما بيلقط القطرات

حطي صبعج او اي شي ثاني نازل من فوووق و ضبطي الفوكس عليه ( مكان نزول القطرات ) ( المنطقه اللي بين الكلينكس و الكاس )

عشان تعرفين بالضبط وين بيكون الفوكس ع القطرات ,, اممممم مادري فهمتو علي ولا لا !!

و تمي صوري واااااااااااااايد لو حتى 200 صورة

و عقب اختاري الصور الحلوه من بينهم

و في الاخير اذا الالوان ما عيبتج غيريهم بالفوتوشوب مثل ما سويت في هالصورتين ,,

مع انها نفس الصورة ,, بس الالوان مختلفه
و بعد قصيت الصورة عشان تناسب المكان اللي ابا تطلع فيه القطرات

ان شاء الله اكون وضحت الطريقه بطريقه سهله و مفهوومه ,,

و يالله يا عسولات كل وحده تطبق و تراوينا تصويرها لقطرات المااااي

و اتمنى التوفيق للجميع يا رب ,

**8نوف8** · 2010-01-10, 13:09

صور حلوة وشرح حلو

ماشاء الله تبارك الرحمن
لو تحطين رد الشرح في موضوع منفصل يكون أفضل ^__^

نتريا إبداعج يالغلا

**الـسـرمـديـه** · 2010-01-10, 13:22

روووووووووووووووووووووووووعه.....
ماشاء الله علييييييييج.....
ننتظر يديدج.بالغلا....

**سكر غرامي** · 2010-01-10, 13:50

خطييييييييييره تصويرج

ابداااااع والله

موفقه يارب

**●دبلوماسيــہ™** · 2010-01-10, 14:23

روووووووووووووووعـــــہ .. لا تعليق الصراحـہ روووعـہ ... طرر و ربي ..

سلمت يمناج الغاليـہ ع التصوير الطر ..

**pnklips** · 2010-01-10, 15:03

رووووووعه ما شاء الله علييييج
اختي كيف صورتيها؟؟ بالتصوير المتسلسل ؟؟

***عســـل*** · 2010-01-10, 15:16

ماشاء الله تبارك الله،،

خاطري اصور ب هالإحترافيه،، ربي يحفظج

**BabY_Sol3eiah** · 2010-01-10, 16:04

المشاركة الأصلية كتبت بواسطة 8نوف8

صور حلوة وشرح حلو

ماشاء الله تبارك الرحمن
لو تحطين رد الشرح في موضوع منفصل يكون أفضل ^__^

نتريا إبداعج يالغلا

عيونج الحلوه

و ان شاء الله بحط الرد في موضوع منفصل في قسم الدروس

تسلمين الغاليه ع الرد و الطله الغاويه

المشاركة الأصلية كتبت بواسطة الـسـرمـديـه

روووووووووووووووووووووووووعه.....
ماشاء الله علييييييييج.....
ننتظر يديدج.بالغلا....

فديتج انتي الرووعه

و تسلمين الغاليه ع الرد

المشاركة الأصلية كتبت بواسطة سكر غرامي

خطييييييييييره تصويرج

ابداااااع والله

موفقه يارب

تسلمين يا الغلا

و الف شكر لج على طلتج الحلوه ع موضوعي

**ملاكـ بعيوني** · 2010-01-10, 16:09

رووووووووووووووووووووووووووووووووعة
ماشاء عليج
ابدعتي
ف التقاطج

الموضوع: #$% تصــويري لقطــرات المــاء %$#

أدوات الموضوع

عرض

#$% تصــويري لقطــرات المــاء %$#

المزيد من آخر المواضيع من نفس القسم:

المواضيع المتشابهه

~ فندق يـــاس ~ من تصــويري ~

صـــــــــباح الـــــــورد والشمـــس البهـــيه >> تصــويري<<

مــنوعـــات من تصــويري...

صـــور غــروب الشــمس (تصــويري)