عرايس شهر 3

[daimon_of_uae]

صباح الخير حبايبي



تاريخ العرس

19/3/2010م يوم الجمعه


فستانها اجار والا تفصيل بكم ومن وين


الفستنان تفصيل بس أجار اول لبسة من عند أحمد الريايسة

مكياجها منو وبكم ؟؟ تسريحتها منو وبكم؟؟


حجزت المكياج وشعر عن ندى وتقريبا ب 5000


ستايل مسكتها وبكم


للحين ما حددت بس عندي كذا ديزاين وبشوفهم على كم

كوشتها ستايلها وبكم


كلها نظام الوروود وتقريبا مع ترتيب الصالة والاضاءة ب30000 درهم

زفتها نوعيتها وبكم


حجزت زفتي عند أحلى عرووس بس السعر يمكن 1600
التوزيعات نوعيتها وكم كلفتها والعدد

على أهل المعرس وعلى أختي


الافكار اليديدة اللي مسوتنها في عرسها

عمتي بيحط صورتي وصورة ريلي واحنا صغار على الكاكاو وبحط بدل الكيك العادي كيك باسكن روبنز


تصوير الفيديو والالبومات من وبكم

ماأعرف لانه ريلي هو اللي حجز


خدمة الضيافة في العرس اي محل وبكم


ما أعرف عمتي اللي حاجزة بس ريلي محطي 10000 درهم ميزانية


اول ليلة وين بتكون في الفندق والا في فندق ثاني والافي البيت والا في الطيارة


أعتقد بتكون في الفندق


شهر العسل في البلاد والا بره ووين وكم يوم


ما أعرف ريلي مسونها مفاجأة بس انا شارطة عليه ما ابا ماليزيا

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

[bent_jmera]

[QUOTE=daimon_of_uae;18868787][CENTER]

صباح الخير حبايبي




مكياجها منو وبكم ؟؟ تسريحتها منو وبكم؟؟


حجزت المكياج وشعر عن ندى وتقريبا ب 5000

الغالية سويتي بروفه ........ والفاونديشن والبيس عندها يبين طبيعي وناشورال ......

[daimon_of_uae]

[QUOTE=bent_jmera;18868909]

[CENTER]

صباح الخير حبايبي




مكياجها منو وبكم ؟؟ تسريحتها منو وبكم؟؟


حجزت المكياج وشعر عن ندى وتقريبا ب 5000

الغالية سويتي بروفه ........ والفاونديشن والبيس عندها يبين طبيعي وناشورال ......

لا الغالية ما ما جربت بس البنات يمدحونها

[bent_jmera]

daimon_of_uae الصراحه انا ما اضمن شئ الا وانا مجربتنه ....... قلت بسير عند هستي وبشوووف .... ع الاقل اتسوي بروفه حق عين وحده بس

[ام شامخ 2]

مبرووووووووكييييييين

[حقيقة سراب]

تاريخ العرس
5/3/2010

فستانها اجار والا تفصيل بكم ومن وين
بعدني ما قررت بس اكيد تفصيل او اجار لبسه اولى وحاطه في بالي دار هزار

مكياجها منو وبكم
ما قررت بعدني محتاره منو اختار لاني ماكييره معتزله بس دوم احط لعمري ولخواتي وصار ما يعجبني ولا يقنعني اي مكياج وخواتي استوو شراتي
ومب عارفه عند منو اسوي- اختي اقترحت عليه سعدية البكستانيه بس ما اردي

تسريحتها منو وبكم
افكر باللي مع سعديه لانه تساريحا وايد حلوه وغريبه

ستايل مسكتها وبكم
بعدني

كوشتها ستايلها وبكم
الكوشه فكرتها اعمده متنوعه بزوايا حاده ومتنوعه بين الجلد والمرايا والورد الطبيعي وارتفاعها منخفظ مع ممر واطي وقصير في نصه ستاند رقص وفي اضاءه داخليه وخارجيه وسعرها 65000

زفتها نوعيتها وبكم
ريل خالتي ساعر وهديته لي قصيدة الزفه من يسلمني اياها ببتدي فيها

التوزيعات نوعيتها وكم كلفتها والعدد
ما بسوي احس ماله داعي

الافكار اليديدة اللي مسوتنها في عرسها
بعدني ما فكرت بشي واحتمال ما اسوي شي

تصوير الفيديو والالبومات من وبكم
عند استيديو ياقوت بـ 8000

خدمة الضيافة في العرس اي محل وبكم
في بالي وحده كنا يايبينها قبل 4 سنوات حق عرس خالتي بس ضيعت رقمها ومب مذكره اسمها كل اللي اذكره انه بيتها قريب مدرسة الرايه اللي في الصفا او جميرا لاني كنت موديه العربون لها

اول ليلة وين بتكون في الفندق والا في فندق ثاني والافي البيت والا في الطيارة
انا حاطه في بالي الفندق بس ما ادري ليش حاسه انه ريلي مسولي ترتيب ثاني

شهر العسل في البلاد والا بره ووين وكم يوم

او ثلاث ايام بنسير عمان لانه الفندق قدملنا هديه ثلاث ليالي مجانا في فندقهم اللي في مسقط وبعدين ابا اسير العمره اسبوع وبعدين بنشوف وين بنقرر

والله يسعد كل العرايس

[bent_jmera]

اختي حقيقة سراب ممكن رقم سعدية الباكستانيه ع الخاص .....

[ملاك العيم]

واااااااااااااااو موضوعج حلوووووووووووووووو ......يالله عرايس مارس خبرونا......ومنكن نستفيد....

عروس يوليو.....

[ANNOOOG]

ربي يتمم فرحتكم بخير

[حصه 26]

السلام عليكم ورحمه الله وبركاته

الله يسعدج ويفرحج بها اليوم

تعرفين احلى يوم اخترتيه لووول <<<<< لاني انولدت بهاليوم 26 -3 روعه

الله يسعدج ويهنيج ياربي ومنج العيال ومنه المال

ويبعد عنج كل حاسد

[يازية الجسمي]

الله يبارك لكم

في حياتكم الزوجية

[bent_jmera]

اختي حقيقة سراب مشكوووووره ما قصرتي

عرايس خلصتوا اغراض الزهبه والا بعدكم ؟؟

[ألماسه سحريه]

مرحباااااااااا عروساااات
بغييت اتخبركم ابا افصل عباه شي شي شي حق الصباحيه
عند منو من المصممات؟

[daimon_of_uae]

up up up

[ذبحني غروره]

تاريخ العرس
5/3/2010

فستانها اجار والا تفصيل بكم ومن وين

فستااااااني ايجاااااااار واول لبسه من عند وليد عطالله ووب 15 الف ..

مكياجها منو وبكم

مكيااااجي عند امنه الحوووسني والشعر عند امل التوونسيه

والسعر 4500 مكيااج والشعر ..


ستايل مسكتها وبكم

كرستاااااااااال وينلبس مثل الاسويره في الايد ويكوووون نازل منه ورد مع كريستااااااااال ..

وسويته عند ماكس مارا في العين ع 1800

كوشتها ستايلها وبكم

الكووشه كلها كريستالات نازله مع استاندات كلها كريستال اللي يلمع ..

واللون كله ابيض ورصااصي .. مع لمسه من اللون الفووشي كتغيير .. وعشان اللون يبرز ..

زفتها نوعيتها وبكم

موووسيقى كلاسيك ...

التوزيعات نوعيتها وكم كلفتها والعدد
ما بسوي احس ماله داعي

الافكار اليديدة اللي مسوتنها في عرسها

بييب بنتين راقصات باليه بلبسهم ابيض .. وبخليهم يعدلووون لي الطرحه مع الفستاااان

تصوير الفيديو والالبومات من وبكم

بس تصوير من دون فيديووو استديوو الاطلال ع 7 الاف ..

خدمة الضيافة في العرس اي محل وبكم

بعدني ما حجزت شي ..

اول ليلة وين بتكون في الفندق والا في فندق ثاني والافي البيت والا في الطيارة

في الفندق نفسه اللي هو روتانا لانه بيعطوونا سويت كاامل ..

شهر العسل في البلاد والا بره ووين وكم يوم

بنكووو في البلاد لان عرسي بشهر 3 وبيكووون وراي دوام في الجامعه ..

واذا الله رااد بسافر في الصيف ..

وربي يوفقنا جميعا ويتمم عرسنا على خير ..