ساعدوني.

**BaBy Dl3** · 2010-01-08, 17:34

السلام عليكم ورحمة الله وبركاته

شخباركم ينات؟ ^^

أمس حطيت لكم موضوع عن ربيعتي الي بتسكن فشقه وحميها الي بيعرس وحرمته بيسكنون وياهم والبنات الي ردو عالموضوع ماقصروا وأنا خبرتها عن رايكم ^^ بس قالت ريلها مصر على الموضوع و يقولها أنه أخويه مايهون عليه يدفع بروحه للشقه الأحسن انه نتسااعد وهي منصدمه من رده

بس اليوم قالتلي وآآيد أشياء عن ريلها ومضايجتنها وتبي تشوف رايكم بعد وانشاءالله ماراح تقصرون وياها

الله يسلمكم من يوم ماعرست بدت تحس ان ريلها يكلم بنات بس ماخبرته وقالت انشاءالله مع الايام بيتغيرو هي ماصارلها سنه من عرست,, وكانت ماتقدر تفاتحه لأنه ماعندها أي دليل بس كانت تشوفه أنه واااايد يمسك التيلفون ويطالع وجي و يقعد عالمسن بعد,, المهم هي دايما تقعد وتصيح لربها انه الله يهديه بس والله كل مره تشوف أشياء أكثر,, يعني مره شافت تيلفونه أنه فيه رسايل من بنات هو مطرش و هم مطرشين وطنشت و قالت ما بقوله شي أخاف يعصب عليه ان شفت تيلفونه وودرت التيلفون عنها بس الحين دايم يرمس عالمسن وهم فكمبيوترهم تتسيف المحادثات وريلها مايعرف لهالأشياء وهي كانت تنظف الكمبيوتر دخلت السجل وشافت وااايد محادثات مع اكثر من بنت و انصدمت منه مع انها تحس انها يحبها بس من وراها واايد أشياء يسويها والمحادثات كلهم سيفتهم عندها وقالت لااازم أكلمه و أشوف وياه حل لأنها والله يحليلها وااايد صبرت عليه و هي مبينه للكل أنها واايد مرتاحه وهي حليلها واايد طيبه مع الكل
فالحين هي تقول هل يوم يروح الدوام ريلها تروح بيت أهلها وتحط كل المحادثات جدام عينه و أول مايرجع ويشوفهم أكيد هو بيفهم ليش مارجعت من بيت أهلها ولا شو بالضبط تسوي وياه لأنها تقول واايد سكتت عنه

والحين أبيكم تقولولي شو تقوله كيف تفاتحه والله من كثر مب متضايجه مب عارفه شو تسوي...

المزيد من آخر المواضيع من نفس القسم:

**ام بخيتة** · 2010-01-08, 17:45

حبيبتي اختي استوا بها نفس الشي والحين ريلها متأدب ومستوي شرات الدياية عندها انا بخبرج شو سوت
هي وايد مسكت عليه سوالف وطبعا هي ما قصرت , ما فاتحته بالموضوع بس خلته على نار , يعني مثلا يوم تظهر ويا خواتي او وياي من البيت تتعمد تطلع جدامه بكشختها , تكون متعطرة احلى عطر ومسوية احلى مكياج وعباتها تقول انا هني ،
وهو يوم يشوفها جي يتم على نار يبا يعرف وين مشاويرها او ويا منو بتظهر يعني خلت النار فقلبه شرات ما سوا فيها
بس طبعا ما خانته ولا شي المهم انها وصلت حق اللي تبا توصل له انها خلته على ناره وبعدين بروحه تأدب لدرجة ان حول رقمه عرقمها تعرف كل اتصالاته وتلفونه مرات يكون عندها بس هالشي وايد يباله صبر لين يتعدل الريال

**فصودة** · 2010-01-08, 18:18

والله تعبونا هاالازواج مشاكلهم ما تخلص وااااايد نعاني هالنوع من المشاكل ...

والله ما اعرف شو اقولج لانا تعبنا من الخيانة.... الله يسخر لها قلب زوجها ويبعد عنه هالسوالف يااااااارب....

الله المستعان

**ليمونه الحلوه** · 2010-01-08, 18:22

للرفع

**الدبه** · 2010-01-08, 19:59

الله المستعان

**ابتسامة قمر** · 2010-01-08, 20:22

الله يعينها

**تسونامي** · 2010-01-08, 20:40

المشاركة الأصلية كتبت بواسطة ام بخيتة

حبيبتي اختي استوا بها نفس الشي والحين ريلها متأدب ومستوي شرات الدياية عندها انا بخبرج شو سوت
هي وايد مسكت عليه سوالف وطبعا هي ما قصرت , ما فاتحته بالموضوع بس خلته على نار , يعني مثلا يوم تظهر ويا خواتي او وياي من البيت تتعمد تطلع جدامه بكشختها , تكون متعطرة احلى عطر ومسوية احلى مكياج وعباتها تقول انا هني ،
وهو يوم يشوفها جي يتم على نار يبا يعرف وين مشاويرها او ويا منو بتظهر يعني خلت النار فقلبه شرات ما سوا فيها
بس طبعا ما خانته ولا شي المهم انها وصلت حق اللي تبا توصل له انها خلته على ناره وبعدين بروحه تأدب لدرجة ان حول رقمه عرقمها تعرف كل اتصالاته وتلفونه مرات يكون عندها بس هالشي وايد يباله صبر لين يتعدل الريال

بس صعبه احيانا وقت طيش انه يجتلها لانها شك يعمي الانسان

او يطلقها مثلا الله لايقول ........مع انها فكره لابس بها الوحده تسويها بس تحرص

**ميميه88** · 2010-01-08, 20:56

المشاركة الأصلية كتبت بواسطة ام بخيتة

حبيبتي اختي استوا بها نفس الشي والحين ريلها متأدب ومستوي شرات الدياية عندها انا بخبرج شو سوت
هي وايد مسكت عليه سوالف وطبعا هي ما قصرت , ما فاتحته بالموضوع بس خلته على نار , يعني مثلا يوم تظهر ويا خواتي او وياي من البيت تتعمد تطلع جدامه بكشختها , تكون متعطرة احلى عطر ومسوية احلى مكياج وعباتها تقول انا هني ،
وهو يوم يشوفها جي يتم على نار يبا يعرف وين مشاويرها او ويا منو بتظهر يعني خلت النار فقلبه شرات ما سوا فيها
بس طبعا ما خانته ولا شي المهم انها وصلت حق اللي تبا توصل له انها خلته على ناره وبعدين بروحه تأدب لدرجة ان حول رقمه عرقمها تعرف كل اتصالاته وتلفونه مرات يكون عندها بس هالشي وايد يباله صبر لين يتعدل الريال

بس هب كل الرياييل واحد انا بقصاص رقبتيه ريلي يخليني اطلع جييييه

**BaBy Dl3** · 2010-01-09, 00:04

للرفع

**دهن_العود** · 2010-01-09, 00:08

الله المستعان

**لوكل** · 2010-01-09, 00:11

شوفي موضوعين نزلتهم بالقسم الجزء الاول والثاني وااايد بيفيدهاا ان شاء الله

لا تخبره ولا تظهر من البيت وتخرب بيتهاا

الموضوع

http://forum.uaewomen.net/showthread.php?t=624890

http://forum.uaewomen.net/showthread.php?t=626060

اللي

**بنت بحور** · 2010-01-09, 00:13

الله يعينها الصراحه والله ماندري شونقول وشونسوي فهاذيلا الرياييل
بس ندعي الله يهديهم ويسخرهم لنا ياااااااارب ..

**دلع بو راشد** · 2010-01-09, 00:15

الله يهديييه

**كيكه حلوهـ** · 2010-01-09, 01:07

الله المستعان

**بنوته18** · 2010-01-09, 01:09

الله يهديييييييييييه ان شاء الله

الموضوع: ساعدوني.

أدوات الموضوع

عرض

ساعدوني.

المزيد من آخر المواضيع من نفس القسم:

المواضيع المتشابهه

بنات ساعدوني عيد زواجي قرب وابا حق ريلي هديه حلوه ساعدوني

ساعدوني بنات ... عندي مشكلة في المسن ... ساعدوني الله يخليكم

ساعدوني بليز ساعدوني ما لي غيركم تساعدوني في طلبات الاستاذ التعجيزيه؟؟

ساعدوني ساعدوني ساعدوني ساعدوني في كتابة شعار للمهرجان