اراؤكم وتعليقاتكم

**dandan** · 2010-01-05, 17:38

السلام عليكم خواتي .... بغيت اطرح موضوع عن العبايات وحبيت اشوف ردودكم

موضوعي عن اسعار( العبي الغاليه) صار لي سنين وانا افصل عند خواتنا المواطنات عبي بمختلف الاسعار من الف الى خمس الاف وانجرفت لدرجه انه اي وحده اتعرفني سواء من جريب او بعيد ماعندها سيره الا عن العبي الي البسهم ، وانا انجرفت اكثر واكثر مايمر الشهر والا امفصله كمن عبا وكل بيزاتي تروح حق هالعبي ، وانا احس بالندم لاني اخسر بيزاتي في شي مايستاهل لاني كل ماافصل عبا بسعر غالي القى كل الاغراض الي مركبينها في العبا موجوده في سوق عكاظ ( يعني العبا الي افصلها عند البنات بالف وخمسميه اقدر افصلها بروحي واشتري اغراضها من عكاظ تطلع العبا علي باربعميه او خمسميه يمكن اقل.(وفي الي افصل عندهن كانت اتفصل بالف وثمانميه رفعت السعر خلال سنه الى ثلاث الاف )
بنات لااتقولون ان العبي الي يفصلونها الحريم رخيصه ابدا مب رخيصه. ( وانا مااعمم على الكل )بس الاغلبيه صابهن الغرور وجنون الاسعار

انتظر ردوكم وشكرا.

المزيد من آخر المواضيع من نفس القسم:

**ميرا المري** · 2010-01-05, 17:44

اصلا اكثرهم يفصلون في بيت
يعني ما تدفع اجار لمحل والاسعار اغلى عن لو عدها محل وتدفع عليه اجار

انا كنت افصل عند البنات بس من فترة قطعت ولا قمت افصل لان اشوف يوم اسير المحل وايد احسن وسعر العباه يكون ارخص وتستاهل
بس البنات يبالغن وايد ويطلعن الفايده على كسر ظهورنا ونحن نتمنى نشجع تجارتهم بس للأسف هم ما يراعون ..

هذا رايي ^____^

والله يهديهم ويهدينا

**bellegirl** · 2010-01-05, 17:53

الله يهديهم ويهدينا

أنا ألبس السادة ومرتاحة ولله الحمد

**جـــروح** · 2010-01-05, 18:01

فديتج انا اصمم عبايات ...بس الحمدلله اسعاري مب مبالغ فيها

الله يسلمج الويكند اللي طاف سرت صوب محلات الكريستالات والخيوط ..ألخ ..............شفت مصممة عبايات .....الله يستر عليها ....تشتري كريستالات البلاستيك ...و لولو و حلقات من بلاستيك .............المهم من ظهرت ....قلت لراعي المحل ............هذا مب كريستال ...هذا بلاستيك ...........قالي مدام كل نفر حرمه يصمم عبايه يستخدم هذا بلاستيك ...وايد زين ...ويلمع ...........

قلت في خاطري .......يعني تستخدمون الاشياء الرخيصه ....وتزيدون الاسعار على الناس ليش؟؟؟؟؟؟؟؟؟؟

والله حرام .....

انا تصاميمي اعتمد فيها على الشغل اليدوي والقصات ........يعني إلين الحين ما فصلت عبايه ....تكون ديزاينها جاهز في السوق .....يعني سوالف التلصيق والليسات الجاهزه........موووول ما عندي ..............

**فن القفطان** · 2010-01-05, 18:26

الله المستعااان

**أم خالد الحلو** · 2010-01-05, 19:03

هلا حبيبتي
كلمج صح
مصممه .. تشتغل في بيتها
لا عندها محل تدفع ايجاره ولا شي
يدوب بس تدفع للعمال راتبهم كل شهر

ولو تشوفو اغلب عبي المصممات ما فيها ابتكار ..
كلها لصق وليسات .. وموجوده بكثرة في محلات ادوات الخياط والخردوات

يعنى لو تتفنن بعبايتها وتتميز .. بنقول ما عليه . بس ما تبالغ في سعر العباه
يعنى تاخذ لها فايدة بس معقولة .. مب خيالية

مع احترامي لكل المصممات

تعاملت مع كذا مصممه .. في اللي اسعارهم مناسبة وفي المبالغ وبشدة

بس ما نقول غير الله المستعان

**نبر ون** · 2010-01-05, 19:17

ابصراحه من ناحيه المبالغه في الأسعار واااااااااااااايد مبالغين

والقهر انج تحصلين نففففففففس الموديلات فالسوق

**NONE_LIKE_ME** · 2010-01-05, 22:19

الغالية اللي عندها بتسير المصممة واللي ما عندها بتسير عند الهنود في الاخير هي حرية اختيار

**مي مي94** · 2010-01-05, 23:04

المشاركة الأصلية كتبت بواسطة NONE_LIKE_ME

الغالية اللي عندها بتسير المصممة واللي ما عندها بتسير عند الهنود في الاخير هي حرية اختيار

انا وياج،
بسسسس انا احب افصل عند المصممات احس يعيبني شغلهم
وافكارهم مميــــــزة

الموضوع: اراؤكم وتعليقاتكم

أدوات الموضوع

عرض

اراؤكم وتعليقاتكم

المزيد من آخر المواضيع من نفس القسم:

المواضيع المتشابهه

دمجت صورة السيراميك بالكبت وأبي رايكم وتعليقاتكم

لبسي حق اول يوم فالعيد خبرونيا رايكم وتعليقاتكم ...