ماحس اني متزوجه

**كيكة الكرز** · 2010-01-04, 21:45

السلام عليكم ورحمة الله وبركاته
انا بدخل في الموضوع على طول انا الزوجة الثانية وصار لي اربعة اشهر معرسة وريلي من امارة ثانية ويشتغل في امارتي يعني يومين دوام ويومين نزول المشكلة انه ما يعبرني يعني يوم يكون عندي اول يوم راجع من الدوام في الليل يا انه يرد الساعة 10 مساء يتعشى ويرقد يعني مايقعد معايه او يرجع من وقت يعني الساعة 8 ويسير عند ربعه لين الساعة 11 ونفس الشئ يتعشى ويرقد وثاني يوم دوامه الساعه 7 صباحا ويرجع الظهر يتغدا ويرقد وينش على طول يتلبس وعند ربعه ويرجع الساعة 9 عشان يتلبس ويروح الدوام لأن دوامه ثاني يوم لين الصبح وبعدين ينزل لأمارته عند زوجته الأولى يعني انا واين حقوقي عليه وعلى فكرة انا قاعدة في بيت ابوية عند امي لأنه ماعندها حد ويوم اقوله ابا حس اني متزوجه اعيش مثل باقي الحريم اطلع واسير وياك يقولي انتي لازم تقدرين ظروفي و يوم ينزل ويكون في امارته مايعبرني ولا يتصل ولايسأل عني يوم اقوله ما تسأل عني يقول تبين اتصلبج 24 ساعة شوفو شو رده انا ماحس اني متزوجه تعبت وايد من هالتصرف اذا احنا بعدنا وتصرفاته جذا عيل كيف باجر عيل ليش يتزوج مادام مايصبر عن ربعه والحين صار لي من امس زعلانه وشاله في خاطري موووووول مايسأل انتي شوفيج ومسوي بعد نفسه زعلان ما يكلمني ارجوكم شوروا علي شو اسوي وياه والله اني تعبت مع اني مصلية ملتزمة الاستغفار والصدقات لكن حياتي صارت تعيسه وياه اذا انا بسوي كل شئ عيل ليش اتزوج يعني اتسوق بروحي اروح وارجع بروحي يعني يباني ماعتمد عليه في اي شئ ولا ذا ا سيارتي تعطلت انا اتبهدل بروحي يعني شال ايده من كل شئ انا تعبت

والسمووحة على الإطالة وراجوكم ردو عليه لأني تعبت ماقدر اتحمل هالضغط .

المزيد من آخر المواضيع من نفس القسم:

**elgala** · 2010-01-04, 21:48

الله يعينج ويهديه انشالله

**ندى الاماراتية** · 2010-01-04, 21:51

انزين كيف معاملته لزوجته الثانية ؟؟؟ نفس الشي؟؟ ولا احسن ؟؟ اذا نفس الشي معناه هو طبعه جذي وفي رياييل جذي ما يحبون يسلة البيت ومو قد المسؤولية .. بس اذا كان احسن اسمحيلي هو مو قد الزواج الثاني لانه مو عادل

**أمل الفجر** · 2010-01-04, 21:54

الله يعينج

**هدوية** · 2010-01-04, 21:54

حبوبة .. في رياييل جيه طبعهم .. حياتهم ربعهم بعدين اعياله وحرمته ..
انا ريلي شرات ريلج .. طول الاسبوع في العين ويوم بينزل بتشوفينه بيقعد شوي عندي وبيسير يربع عند ربعه .. وبو طبيع ما يوز عن طبعه .. اذا هو محترم ويحبج اتحملي .. بعدين انتي الحرمة الثانية وهذا بعد سبب ثاني انه مايفضى حقج طول الوقت والله يهديه ويسخره لج .. بس اصبري عليه مالج الا الصبر والدعوة يمكن يحس

**دلوعه فزاع** · 2010-01-04, 21:54

ابصراحه الله يعينج بس حرام مب زين انتي لج حقوق شرعيه والمفروض يعرفها ويعطيج حقوقج الله يعينج حبوبه ويوفقج يارب

**ظل النهار** · 2010-01-04, 21:58

الله يهدي لج

**كلي جروح** · 2010-01-04, 22:04

الله يهديه ان شاء الله .

**ماما امولة** · 2010-01-04, 22:08

الله يعينج

**مرحباني** · 2010-01-04, 23:18

الله يعيينج ويهدييه

**بنت الزيودي** · 2010-01-04, 23:41

الله يعينج

**فجر المعاني** · 2010-01-04, 23:54

يوم تزوجتيه كانت الأولى على علم بالموضوع ؟ موب يمكن مضغوط بسبة الزواج الثاني لو كان بالســر ..

**cute uae** · 2010-01-05, 20:10

المشاركة الأصلية كتبت بواسطة فجر المعاني

يوم تزوجتيه كانت الأولى على علم بالموضوع ؟ موب يمكن مضغوط بسبة الزواج الثاني لو كان بالســر ..

اذا متزوجنج بالسررر فشي طبيعي اللي صاير ..

اما اذا متزوجنج وحرمته الاولى تعرف .. يمكن هو شخصيته جي .. ترا الرياييل اللي متعودين على قعدات ربعهم .. مولية ما يحصلون وقت للحرمة الاولى .. فكيف اذا متزوج ثنتين .. !!

**حنين البدر** · 2010-01-05, 00:01

الله يعينج

**خطيرة الملامح** · 2010-01-05, 00:24

الله يهديه يارب ويسخره لج

الموضوع: ماحس اني متزوجه

أدوات الموضوع

عرض

العرض المتطور

ماحس اني متزوجه

المزيد من آخر المواضيع من نفس القسم:

المواضيع المتشابهه

ماحس بالغلط الي اسويه !!

مابقى شي على ولادتي ,, لكن ماحس بشي!!

ماحس إني حامل!

تنميل الرجل...ماحس فيها

لكل متزوجه او غير متزوجه تبحث عن النظافة والريحه الحلوة غسول عجيب وبسعر غير معقول