ابغي مساعداتكم

[نسايم روح]

السلام عليكم
مابي اطول عليكم خواتي بس انا وزني صار له 5 ايام على 102 مو راضي ينزل مع ان رجيمي تمر ولبن اكل في اليوم 14 تمره مع كوبين لبن وماي كثير ولا راضي ينزل وغير الرياضه والله لاعت جبدي ابي وزني يوصل الى 70 وثابت ماينزل
مع اني قريت في النت ان هل رجيم ينزل بسرعه وما انكر من اول اسبوع نزل بسرعه بس خربته يوم الجمعه ورجع دبل زياده ورديت اسوي الرجيم
العيب فيني كل يوم اقيس وزني مو كل يوم كل دقايق رايح وراده عليه بس اللي عندها نصيحه لي شلون اخلي وزني ينزل تخبرني ولها دعوه مني

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[.:شذى الورد:.]

حبيبتي مع احترامي لهالريجيم وللناس اللي تتبعه .. فـ هو رجيم غلط × غلط × غلط

لو شو مايقولون اقووولج غلط عن دراسة وعن فهم مب من راااسي

هذا ريجيم كيميائي .. اي ريجيم تمشين فيه على صنف وتودرين صنف بيكون كيميائي ..

والكيميائي معرووف يرجع الجسم للدبل !!!!!!! فـ ليش قاعدين تسوونه مب فاهمة .. لأنه مضيعة وقت لآ اكثر

جسمج محتاج لـ (نشويات + كربوهيدرات + دهـون + سكريات + + بروتينآت + املاح + فيتامينات )

هل هذا كله متوفر ف التمر والروب ؟؟ يمكن متوفر بس بنسب ضئيلة وااااااايد

انتي محتاجة تاكلين خبز وعيش وشوكليت وبروتينات وواايد اشياء ماظن انها متوفرة ف حبة تمرة ورووب

حرام لا تعذبين عمرج جيه ..

سوي نظام اكلي صحي وابتعدي عن الاكلات السريعة

كثري خضاار وفواكه خص الخضار الورقية مثل الخس والجرجير

عصاااير ومااااي شربي مااي فوق 2 لتر ف اليوم

امشي كل يوم نص ساعة

لا تتعشين بعد الـ 7-8 المساا

سوي هالشغلات وشوفي كيف بتنحفين

ربي يوفقج حبوبة

[حوريةUAE]

ما عندي فكرة اختي ....سبحان الله ناس تبا تضعف وناس تبا تمتن ==> شراتي انا ..



ان شاءالله البنات يساعدونج ( حبيت ارفعلج مووضووعج )

[نسايم روح]

مشكوره اختي على نصايحج