#قصة لعرس وبرنامج يديد دشوا مابتخسرون شي #

[مرحباني]

السلاااااااام علييكم ورحمة اللة وبركاتة


شحالكم بنوتاات وسيدات وعياييز ههههههههه

ان شاء الله بخييير


حبييت انزل لكم قصة لعرس عااد لا تسالون منووه


والي كتبت والفت القصه اختي ربي يخلييهاا ويحفظهاا ويوفقها يارب ويخلي لها بنتهاا



يعني حقووووق النشر والتوزييع محفووظه هع هع هع


الي حااب يلطش بلييييز يذكر المصدر



ع العمووووووم نبداا بالقصه وبتكوون ع 3 بارتيياات تقريبااا وماابطوول عليكم بهاا



نبداااااااااااا :






السلام عليكم ورحمة الله وبركاته
اهلين فيكن اعزائي المشاهدين في حلقات جديدة من برنامج جديد
عبر شاشتنا الصغيرة وحصريا ع شاشة قناة (( السي دي ))
// اقصد سيدات الامارات ههههههه

والإعلامية المتميزة وكما عودناكم سنطرح في حلقاتنا مايحكي عن ايامنا ^_^


لن اطليل عليكم سنتقل الان الى الاستديو هناك حيث الكاتبة والمعدة ليست المعدة التي هي بطونكم ونما المعدّة بالشدة خخخخ
والمخرجة لهذا البرنامج شككشكشكشكشكشكشكشككشكشكشكشكشكشكشكشكشكشكشكشك
(تصفيق حار )

المذيعة : مرحبا كيفك واهلين فيكي معانا من جديد
: هلا ومرحبا فيج وبالسادة المشاهدين ومساكم الله بالخير (الله بالخير ياجماعه )
المذيعة : سمعنا عن موضوع جديد سيطرح في حلقتنا اليوم
ممكن تحدثين السادة المشاهدين عنووو
: هيه فعلا موضوعنا يديد وهي يحاكي شي في المجتمع لكن يطرح باسلوب مرح نوعا ما
ويتكلم عن قصة فاتمنى المشاهدين يتابعونا هناك حلقات متسلسلة
وليست حلقة واحدة
المذيعة : لاتحرئين الفكرة علينا خلينا ناخذ بريك اعلاني ولنا عودة معاكي
: اوكية تابعونا ياحلوين

اعلانااااااااااااااااااااااااااااااااااااااااااااا اااااات
<<<<<<<<<<<<<هالاعلان ونتم تقرونه اقروه بجدية شوي اوكيه يلااااا
::::::::::::::::::::
منتدى يجمع بين الحاضر والمستقبل
منتدى يحمل الكثير من الأقلام المبدعة ويقابل بالتشيجع
فعلا منتدى رائع ولكن الاروع عزيزي المشاهد أن يتوج منتدانا بحصولة على أفضل المنتديات
أهاهااااا نانانانانا ترا ترا تراتر تراراراراراراراراررر هاي موسيقى بعذره اللي مافهم شومكتوب خخخخ
صوّت لمنتداك ليصبح الأفضل
وحدة الأفضل سينجح <<<<<< مسروقة
عند التصويت ماعليك سوا
الضغط على موقع الترشيح الظاهر اسفل تواقيع الاعضاء والاقرب توقيع المدير العام
<<<<<<<<<< دممممممم دمممممممممممم
هكذا


جميع الخطوط مفتوحة لاتترد بالترشيح
رضاكم هوهدفنا ورضانا هو تصويتكم


:::::::::::::::::::::::::::::::::::::::







******************************


@عدنا @

المذيعة : اهلين فيكن مرة تانية اعزائي المشاهدين نسعد بهذا التواصل واملنا بأن ينال برنامجنا رضاكم
فنحن منكم واليكم <<<< منو قال
ومرة تانية معانا وراح تتكلم أكثر عن موضوع الحلقة
: اهلين فيكي واهلين في كل المشاهدين
مراح اطول عليكم وراح ندخل في الحلقة اليوم وهي عنوانها
( اعراس ناس ) <<<<<<<<<<< شو تبين في الناس واعراسهم
بما انا هذا الموسم قد اتى فكانت مناسبة بان نتحدث ونروي قصة تعايش هذا الموسم <<<<<<<<<<< الله وناسة اعراس بس اخاف يستوي روتين يومي كل يوم عرس

راح ندخل في القصة ع طول

حمد شاب وسيم قوي الشخصية جاهد لكي يبني مستقبلة حظي باهتمام بالغ من اهله وكذلك هو مطيع لوالدية
اتى اليوم الذي تفرح فيه عائلة حمد وذلك يوم عرسة الميمون

في بيت حمد
:::::::::::::::::::::::::::::::::::::::::

الأم : حمد تعال ياوليدي تعال ونا امك
حمد :هلا يمه شحالج ..
الأم : بخير يالغالي
حمد ونا امك متى تبانا نفرح فيك متى بيي اليوم الي ازفك فيه لعروسك
ونشوف عيال عيالك وتتترسلي البيت يهال اخاف ياوليدي اموت ولا اشوف فرحتك
حمد : لايمة لاتقولين جي بعد عمرن طويل يالغالية فديت راسج
وين تو الناس ع العرس واذا على اليهال وتبين البيت متروس
ماشي خلاف بسير بييب عيال الفريج كلهم عندج <<<<<<<<< ناقصين ازعاج
الام :: ههههههه الحين شو ابا في عيال الفريج ابا اشوف عيالك انته
حمد: يمة اجلي الموضوع لوقت ثاني <<<<<<<<<< اجليه وهو يموت لين يعرس
الأم :جي تزعل أمك ياحمد ليش ياوليدي انت الف بنت تتمناك
حمد : هاه يمه الف بس
!!!وين كلامج من أول بنات الديرة كلهم يتمنونك بنات الكون لا وتستاهلك حور العين
الأم :: هههههههه وحليلك ياحمد انت قمرهم كلهم <<<< عيوز
وتعرف اغاني احمم
انت كلهن يتمنونك انت بس قولي ونت تشووووووف
حمد: والله يمة مادري شو اقولج
الأم : اسمع ياحمد انا بكلم يارتنا أم ناصر
وبخبرها تدور لك وحدة سنعه تعرف بنات عمك وخالك كلهن اكبر منك واغلبيتهن تزوجن ماشوف حد منهن تناسبك
حمد : لا يمة بس انا انا انا انا انا انا
الأم : انته شو قولي لاتستحي من امك
حمد: أنا ذاا بعرس ماباخذ الا اخت ربيعي محمد <<<<<<<<<< قالها اسرع من البرق أنا ذاا بعرس ماباخذ الا اخت ربيعي محمد

الأم: أخت ربيعك محمد .... زين ياولدي تعرف اخلاقهم بنت ناس سنعين هالله هالله ياوليدي نبالك أحسن عرووووس فديته نظر عيني وليدي يستاهل الزين كله

حمد: لاتحاتين يمه بنت ناس واخلاقها عالية شرات اسمها ولابعد حلوة
الأم : حلوه هااااه لايكون تشوفك وتشوفها
حمد : لايمة هذا محمد ربيعي
وينج نسيتيه وبعدين بنتهم عالية رفيجت شيخة بنفس الكلية هي قالت انها حلوة (هذي عالية اخت ربيع حمد تدرس ويا شيخة بنفس الكلية ويعرفون بعض )

الأم : هيه عرفتهم ام محمد الله يذكرها بالخير ونعم فيهم
ناس ماعليهم طيبين وبنتهم
اعرفها زارت اختك عندنا لا ماشاء الله عليها ماعليها كلااااااام

حمد : يسير يحب راس امه <<<<<<<<<< من صج هالولد تتمناه الف بنت
ويرد يقولها ان زين يمة رمسي ابويه وشوفي شو رايه
الأم : : مايسير خاطرك الا طيب ياغالي ولد الغالي <<<<<<<< تقصد ابوة وحليلها العيوز تذكرت ايام الخطوبة جان تستحي
حمد : منو الغالي يمه لايكون ابويه هاه الحينة
صار غالي من وراه ..وين هالرمسة جدامه ماشوف شراتها
الأم: ههههههههه ابوك دومه غالي بس جدامه مايسمع مني هالرمسة عسب يدلع علي
حمد: هههههههههههههههههه يمة دلعي ابوي لايسير يييب له وحده صغيرونه تدلعه ويدلعها
الأم: مايروم ابوك خبز يداي ونا اعرفه
حمد: ههههه منو قالج انا مره خبرني قالي ياوليدي امك مشغولة ويا كم ودي بوحدة صغيرونه اخر عمري تدلعني وادلعها لا وقالي دور لي بطريجك
الأم : حمد هاه شووووف والله ثم والله
حمد : فديتج يمة امزح وياج لاتحلفين انا ماصدقت موضووعي ع وشك التنفيذ >>>>>>>>>>>هذا وبالاول اجلي الموضووع خخخ
ام حمد : ماينفع معاك انت وابوك الا العين الحمراء وداوكم عندي
.................................................. ..





هكذا كانت البداية لمشوار
حمد الى القفص الذهبي

واليكم تفاصيل عن خطوبة حمد واحداثها في الجزء الثاني اتريونا

المزيد من آخر المواضيع من نفس القسم:

• إشـــاراتــ مشــــاعــر
• ماذا بعد الحنين !
• شـــوق الأمــانــي
• الاحتياج
• وقوف متكرر
• الجميل الخلقو في وضع نفسه ....
• الكلّ يشعر بالغيرة منها
• بأسم محقق الأماني
• حميم الوصاد
• حب طاهر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Rosewater]

لين اللحين الاحداث حلوه
يلا نتريا الجزء الثاني

[مرحباني]

ان شاء الله فدييتج بنزل الجزء الثااني


اتريووني

[احلى زوز]

حلووووووووووووووووووه الاحداث
والاحلى البرنامج والدعايه هههههههههه

نترياج

[مرحباني]

ههههههههههههههههههههه


تسلميييييين ع المروور هاا اعلاان الاول والاخيير ههههههههه


بغييت احمسسكن شووية وتحسن انه صدق برنامج خخخخخخخخ



يالله اتريووني الباارتي الثااني

[مرحباني]

@ عدناااااااااا @



علا ام حمد رمست ابو حمد و وافق وهو مرحب
واتت الخطوة الثانية اللي فيها ام حمد ترمس ام محمد لفتح معها الموضوع اللي رمستكم عنه

ودار هذا الحوار

ام حمد : تن تن تن تن تن تن تن
طووووووووووووووووووط ,, طوووووووووووووط
طووووووووووووووووووووووط

ام محمد: الووو
ام حمد : السلام عليكم
ام محمد : هلا وعليكم السلام والرحمة
أم حمد : هلابج ام محمد شحالج طاب حالج
ام محمد بخير الغالية شحالج انتي شحالج اهلج وعربانج وياي ام حمد اذا ماخاب ظني
ام حمد : هي وياج ام حمد ماشاء الله عليج عرفتيني
ام محمد : افا عليج ياحي هالصوت من زمان ماسمعنا صوتج شحالكم شحال حمد واخوانه وين ايامكم
شحال ام ناصر خبريها اني مارمت احضر عرس و لدها يونا ضيوف
متفشلة منها بس ماعليها بييها اباركلها
ام حمد : لا ياأم محمد مايي منج قصور وكل غايب بعذرة يالغالية
<<<<<<<<<<<<< شو هذا هرمة واجد قرقر مافي يسكت شوي يبا ام همد يتكلم في موضوع واجد مهم <<<<< وحليلها شغالة بيت ام حمد متفاعلة ويا الموضوع
ام حمد : الا اقولج ام حمد بغيت اكلمج في موضوع يخص ولدي
حمد
أم محمد: عسى ماشر الغالية بلاه حمد صايرلنه شي
ام حمد : فديتج الشر مايييج
بس نبا نطلب القرب منكم في بنيتكم عالية لولدي حمد
ام محمد : ........................... <<<<<< تسكت شوي اونها تفاجئت
وبعدها : هههه <<<<< تضحك ضحكة مصطنعة
ام حمد : بلاج سكتي لايكون عالية مخطووبة وماتبين تقولين لي
ام محمد : لاياأم حمد لوكان عالية مخطوبة جان قلتلج بس تفاجئت بالموضوع وحمد ولدج ماعليه كلام ونعم من احسن الرياييل وماظني بنتي علاوي بتلاقي احسن منه
انا بشووف راي ابوها واخوانها ورايها عقب بكلمج ومابيصير الا كل خير
أم حمد: ونعم فيج ونا اترياج
كل شي ونا اختج قسمة ونصيب وماحد بيزعل من الحق ونحن اهل يالغالية
أم محمد: صدقتي يا أم حمد لا تحاتين مابيصير الا كل خير
ام حمد : ان زين سلمي ع اهل بيتج والسموحه
ام محمد: مسموحه في امان الله

:::::::::::::::::::::::::::
في بيت حمد

ام حمد : حمد ونا امك تعال بخبرك شو صار اليوم
حمد: هلا يمة خير شو صار
ام حمد : لا خير ياويه الخير اليوم رمست ام محمد عن الموضوع
حمد: هاه وشو قالت
ام حمد : قالت كل خير وقالت بترمس ابوها وبتاخذ راي بنتها
حمد: اخاف يمة البنت مخطوبة ولا شي عسب مراح يوافقون
ام حمد: لا هب مخطوبة سالت امها وقالت لا ولوكان مخطوووبة جان شيخوة خبرتنا
ومن قالوا اسم شيخة الا تدش عليهم
شيخة : احم احم سمعت طاري اسمي شو تحشون فيني
حمد : شو تحشون فيني <<<<<<<< يقولها باستهزاء
من زينج الحين اصلا حتى الحش مايليق عليج
شيخوة ::: غيرة تقطع بعضها فديتني اللهم لاحسد
وتسير عدال امها وتصلح بيدها حركة يعني شرات الحرة تعرفونها
مايبالها تفسير
ام حمد: شيخوة سمعتي اخر خبر اخوج حمد خطبناله اليوم
شيخوة : خطبتوله ومنو تعيسة الحظ اللي بترضى فيه
حمد: تعيسة الحظ في عينج يالدبة قولي لي انتي منو اللي بياخذج هذا ون فيه احد يفكر
شيخوووة : احم احم كله ولا شيخوة المزيونه شخية المزايين بنت الحسن والزين
حمد : الحمد لله والشكر واثقة من عمرها سيري جابلي المرايا وإليج الدليل خخخخخخخ

وفي هاللحظة تقاطعهم ام حمد وتهدي الوضع
وترد لنفس السالفة
ام حمد : واضح ياحمد انه امها انبسطت ونها موافقة عليك
شيخة : الا منو هي
حمد: ربيعتج علاوي
شيخة : علاوي ماغيرها علاوي بشحمها ولحمها ماصدق معقولة وليش ماخبرتني الدبة اروايها ان زين
حمد: شو اللي تخبرج اليوم اميه مرمستهم
شيخة: ماظني توافق
حمد: شيخة اقولج فارجي عن ويهي لا ايييج بطراق يطيرج من مكانج
شيخة : يمة شوفي حمد امزح وياه ويقلبها جد
ام حمد : هذا ونتم الكبار تسووون شرات اليهال الله يهديكم بس

وبعدهذا الحوار نتقل الى بيت علاوي
؛؛؛؛؛؛؛؛؛؛؛؛؛؛؛؛؛؛؛


ام محمد : علاوي وينج تعالي
علاوي : انا هني يمة في صالة التلفزيون
(علاوي يالسة عدال التلفزيون وكالعادة وياها استكانة شاي وبسكويت ويالسة تغمس وتاكل واجب يومي لا مفر منه وهوالأكل )
علاوي : هلا يمة شو بغيتي
ام محمد: يلسي هني بخبرج بموضوع مهم
علاوي : خير يمة شو صاير
ام محمد : ماصاير شي بس اليوم ام حمد ام ربيع اخوج محمد اتصلت وخبرتني عن ولدها حمد
علاوي : حمد شو صاير لحمد شو بلاهم قوليلي
يمة لاتخبين علي شي
ام محمد: شو فيج ماشي الا كل خير هذا ام حمد خطبتج لولدها حمد شورايج
علاوي :................................................. .......................
(علاوي تمت ساكتة فترة وخاطرها يقول معقولة حمد حاس فيني وبمشاعري تجاهه معقول الشخص اللي يعيبني وارتحت له أي اليوم اللي يخطبني فيه شو اقول يمة اصرخ واقول موافقه )

علاوي : احمرت واصفرت واخضرت ومن الاستحياء ماعرفت شو تقول
ام حمد: علاوي شو فيج حمد ولد سنع وهو ربيع اخوج وناس طيبين ونعرفهم زين
علاوي : يمة اللي تشوفينه انتي وابوي انا موافقة عليه
وتسير لغرفتها وهي منزلة راسها ومستحية وخاطرها طايرة من الفرحة
ام محمد: هههههههههههه وحليلها بنتي وافقت
:::::::::::::::::::::::::::::::::::::
بيت ام حمد
:::::::::::::::::::::::::::::::

مر على ايام مكالمة ام حمد اربع أيام وماياء منهم خبر وحمد يالس ع اعصابة خاطره يعرف شو ردهم
كل يوم يسال امه

وعقب كل هذا التعب اتصلت ام محمد وخبرت ام حمد بموافقتهم
وحددت ام محمد وياها موعد للخطوبة الرسيمة وفيها حمد بيشوف علاوي

تفاصيل الخطوبة وروحتهم في الجزي اللي عقب اتريونا
^_^

[Rosewater]

والله اندمجت
يلا كملي....

[مرحباني]

@ عدناااا @








ياء اليوم اللي حمد بيشوف علاوي ويتم فيه خطبتهم على بعض
وفي هالاثناء تزهب عائلة علاوي وتحضر لاستقبال الضيوف وهب أي ضيوف اهل المعرس عاد
تعرفون يتحضرون لترتيب القهوة والشاي والفوالة عسب يظهرون باحسن صورة جدام اهل المعرس
هني تتحضر علاوي لانها بتدش على حمد ويالسة من الصبح وهي في شعرها تعدل جي وتعدل جي ماشاء الله عليها شعرها
طوويل ويباله شغل وايد
وتقطع وقت التعديل باتصالها في شيخة اخت حمد

علاوي : تن تن تن تن تن تن
طووووووووووووط
من اول طوووط تشيل شيخوة السماعة
شيخة : الوو
علاوي : مرحبا منو شيخة
شيخة : هلااااااااااااااااا هلا والله بعروستنا ,,,,العروس تتنازل وتتصل علي شو شو صاير بالدنيا اليوم متى نزل هالتواضع
علاوي : هههه ان زين بنشووفج انتي اتوقع ماترفعين عينج لنا من التكبر
شيخة : لا انا مابرفع رمشي ههههه
علاوي : الا اقولج شيخوة اليوم بتيين ويا اهلج
شيخة : نو نوو
علاوي :ليييييييييييييش
شيخة : امييه تقولي مايتسوي تسيريين اليوم سيري في الملجة
علاوي: ليش شيخوة ومنو بيوقف وياي في اليوم الصعيب
شيخة : طاعو سمعوا ياناس يوم صعيب اونه الا قولي يوم المنى
علاوي : ان زين يالدبة انا اللي داقه عليج يصير خير وياج بييلج يوم
شيخة : ايزي
علاوي : يلا اترخص منج بسير بكمل باجي شعري
شيخة : اوكية سيري ياعروسنا الحلوة
علاوي : باي

وبعد ماتبند السماعه يقابلها اخوها محمد اللي سمع تقريبا المكالمة كلها
محمد: منو ترمسين
علاوي : من متى انتي هني ؟؟
محمد: من اول ماقلتي الووو
علاوي : تضحك على نفسها ههههههه وتقول : هاي اخت حمد
محمد: منو عيدي ماسمعت
علاوي : وبعدين وياك ,,,حمد شو تباني اقول
محمد: حمد جي حاف ماشي خطيبي حمد حبيب قلبي حمد
علاوي :حمد وبعديييييييين لاتحرجني
محمد: ههههههههههههههههههههه ويلس حمد ساعة يضحك على علاوي
علاوي : اضحك لين تفطس وماحد يحصلك
كلكم عليه بس اييكم يوم اروايكم انا
محمد: علاوي تعالي وين سايرة تعالي بقولج حمد شو قالي اليوم
ومن تسمع حمد شو قالي تثبت خطوتها وتهون اتسير ويرد يضحك عليها مرة ثانية
علاوي : محمد دواك عندي يالدب تتمصخر علي
محمد : لا لا تعالي بقولج حمد حمد حمد حمد حمد حمد حمد
علاوي : محمد وبعدييين
محمد: حمد اليوم بيي يشوفج
علاوي : مالت عليك قديمة
محمد: ليش تبين شي يديد مثلا العرس اليوم خخخخ
علاوي : محمد شو فيك حرارتك مرتفعة بديت تخرف سير غرفتي هناك بتحصل مضاد حيوي يعالج التخريف
محمد: له له الله يسامحج اختيه اخوج خرف والا ناس مخرفين يوم بيشوفون ناس
علاوي : اصلا انا الخبلة اللي اضيع وقتي ويا ناس ماتستاهل
اسير داري ابركلي
محمد: علاوي اليوم حمد بيينا هههههههه
وتسير علاوي غرفتها ومحمد اخوها مستانس وهو يلعوز اخته
ماوقف من الضحك عليها

::::::::::::::::::::::::::::::::
وفي بيت حمد يتحضر حمد
وطول اليوم وهو مجابل المرايا كل شوي يعدل في غترتة مره هالصوب ومره هالصووب
وماخلى عطر الا وحطة 212 ومرة بوسس ومرة كورس ومرة هوقو
ولا بعد ماقصر دهن عود ماخلى شي والا يرب منه
وشوي تييه امه وبيدها المبخرة وهي متحضرة
وتدش على ولدها
ام حمد: يازين الزين قمر ياوليدي مايبالك شي تبخر الله يوفقك واشوف عيال عيالك
حمد: فديتج امييه شوهالكشخة لا لا ظلمتج يوم قلت ابوي يبا يعرس عليج لا مالي حق
ام حمد: ههههه مايروم ابوك وخلنا ننزل تحت ابوك يتريانا
وطولنا ع الجماعة

ونزل حمد هو وامة وشيخة يالسة هي وابوها وهي محترة ليش مابتسير وياهم
شيخة : شو هذا مسبح عطور حشا كل هذا عسب خطوبة الملجة شو بتسوي فيها
حمد : تنكتين ويا هالوية الملجة بيستوي محيط عندج مانع
شيخة : لا مانع ولادواس بس كل شي زاد عن حدة انقلب ضدة خخخخ
ام حمد: شيخوة لا تيلسين هني سيري غرفتج ورقدي يمكن نطول هناك
شيخة : لا بترياكم ابا اسمع المواقف المضحكة اللي بتستوي حق بعض النااااااااس
حمد: مالت عليج ويا هالوية مواقف مضحكة لج ان شاء الله
ابو حمد: شو شيخوة مابتبطلين مضاربتج ويا اخوج المفروض تفرحيله
شيخة : ههههههه لا ابوية امزح وياه فديته حمد فرحانه له وايد وعقبالي خخخ
ابو حمد ام حمد : ان شاء الله يابنيتي الله يسعدج ويوفقج يارب
حمد: قولي من زمان انج غيرانة وتبين تعرسين هب لازم حركاتج
ويصلح لها حركه بالسانه انننننننننه
ويسيرون لبيت علاوي

ويتسقبلهم محمد ويرحب فيهم ويدشون الميلس ويقومون بواجب الضيافة ويدشون في الموضوع اللي يو هم فيه
والحين يت حزة حمد يشوف علاوي
حمد واثق انها حلوة بس كان وده يشوفها
<<<<<<<<< نعنبو الفضول
وفي هالوقت علاوي يالسة ع اعصابها
امها تقولها دشي وهي مترددة ريل جدام وريل وراء
الين خذت نفس كبير ودشت وقالت ....






















علاوي : السلام عليكم
وكلهم ردوا وأولهم حمد
ورفع راسة وشافها وهي كانت من الحياء منزلة راسها
ويلست عدال ابوها
واخذ هالمشهد دقايق معدودة وينط اخوها محمد ويحرجها ويقول
في ناس ويوههم بتلزق في الارض من كثر المستحاء
ومن يقول اخوها هالكلمة تشيل نفسها وتطلع غرفتها مادرت شو تسوي من غير لاشعور
وتضحك ع عمرها كيف طلعت من الغرفة بهالسرعة

عقب بعض الناس اللي هم حمد مستانسين طبعا شافو اشخاص من زمان ودهم يشوفونهم
ولانه اللي شافه احلى مما كان يتوقع فكان مبسووط لدرجة كبير ة
وكان يبين هالشي لاخوها محمد
محمد: هاه حمد اشوفك مبسوط
حمد:هيه بس في ناس خربو علي ويبالهم شي ماشافوه اذا غيرانين يسيرون بنات الديرة وايد يخطب اللي يباها مع اني اشك وحدة توافق بس يفكونا ويخلون الواحد ع راحته
محمد: هههههههه ويا هالراس زين اروايك هذا ونا عمك احمدربك زين غيرت جو الارتباك والثقل المصطنع
حمد: بس حرام عليك احرجتها
محمد: سمعوا ياناس حرام علي بعد ههههه ياخي اختي والا اختك
حمد: الله يصلح حالك ويرزقك بوحده تملي النقص العاطفي اللي عندك خخخخخ
وتم حمد ومحمد يمزحون ويسولفون

عقب ردوا البيت عقب ماحددوا موعد الملجة بعد اسبوعين
عسب يتزهبون علاوي واهلها

يدشون البيت ويلاقون شيخة راقدة وصوت (التي في)ع العالي والبنت في سابع نومه
يسير حمد يجرب منها ويخوفها
وتنش من رقادها وهي مخترعة منوووووووو حرامي يماااااااااااااااا
ويضحكون ابوها وامها عليها
وبعد ماستوعبت الوضع بدت تحن ابويه يمه ليش ولدكم يسوي فيني جي
وليش وليش وليش
بعدما انتهت موجة الحنين مالتها
ترجع لموضوع شاغل بالها
شيخة : هاه خبروني شو استوى اليوم علاوي طيحت العصير والا حمود طاح من طولة يوم شافها
حمد: الحين انتي متى بتخلين حركات التشاؤم مالتج أي طاح فال الله ولافالج
شيخة : معقولة ماصار شي عدت ع خير
لالا ماصدق بسير اتصل في علاوي تخبرني
حمد : تعالي هني وين تتصلين شوبيقولون عنج الناس

وعقب ما تموا حمد واخته شيخة يتضاربون ويرمسون عن اللي صار يوم دشت علاوي
يخليها حمد ويسير غرفته عسب يرقد بس الريال ماياه رقاد تم يتذكر ويه علاوي ويقول في خاطره
(ماكذبت شيخة يوم قالت حلوة متى يمر هالاسبوعين واشوفها كل ماودي )
ورقد الريال وهو هيمان وهناك حاصل نفس الشي عند علاوي مياها الرقاد ويالسة تفكر في اللحظات الجميلة الي عاشتها هاليوم



وهكذا مرت ايام الخطوبة ع خير وصار حمد لعلاوي
يعني حط في بطنة بطيخة صيفي

باجي الملجة والعرس

[مرحباني]

اتريونا في الحلقات القادمة
^_^

[بنت الإمارات~]

كشخه كملي

[مياسه السويدي]

نتريا الحلقه القادمه ^^

بسرعه

[بنت العبيدلي]

ابـــي اشـــوف الباجي
قصدي أبي اقــــرا البـــأجي
بـــســـرعة فــــديتــج

[dala dubai]

خخخخخخخخخخ كشخه

نبا نعرف باجي القصه

[مرحباني]

تسلموووووون ع المرووور




والحيينه اتريووني ف الحلقه الياايه

[مرحباني]

@ عدناااااااا @




احم رديت لكم يينا لايام الملجة بس حسافة كنت مسافرة وقتها
ماعرف التفاصيل خخخخخخخخ

المهم اللي سمعته انه الملجة صارت من احلى مايكون
وياب حمد شبكة حق علاوي شو شبكة شو اقولكم

لا وصلحوا بوفية وذيج الكيكة يم يم خسارة فاتني خخخخ
والبست علاوي نفنوف وردي وكان مكياجها اللي في عيونها
روعة ياني خبر انه شرات الموضه يعني غامج الظل
والروج وردي فاتح وااااااااااااااااو روعه
وزفوهم على اغنية اجمل احساس في الكون وحليلهم اغنية رومنسية <<<<<<<<<<<<هذا كلة وماحضرتي عيل لو حضرتي شو بتخبرينا

المهم علاوي وحمد كانوا يتصلون ع بعض كل يوم في ايام الملجة ون ماتصلوا ع بعض يطرشون لبعضهم مسجات


وشيخووة مسوية حشرتها المعهودة وماخلت حد في حالة
وقرروا العرس بعد ثلاثة شهور
في اثناء التحضير للعرس كان حمد يتصل في علاوي وياخذ رايها في كل شي يختاره للجناج اللي بيسكنون فيه
لانهم بيسكنون عند اهله عقب بيبني الأرض اللي صارت له
ومرة وهو راد من السوق اتصل على علاوي
طبعا الموبايل مافيه تن تن تن
جاري الاتصال وبس للي يخزنون الارقام
طووووووووط
طوووووووووط
طووووووووووووووط
طووووووووووووووووووط
حمد: بلاها علاوي ليش ماترد وينها عن موبايلها
علاوي: احم الووه شو ناس يرمسون اعمارهم والاشو
حمد: هلا والله هلا بهالصوت اللي يرد الروووح
وينج عن تليفونج من ساعة وهو يرن مارديتي
علاوي : هيه نزلت الصالة ونسيته بغرفتي
حمد: هيه بس ثاني مرة لاتنسينه كل ماتسيرين مكان يسير وياج
مافيني مرة ثانية قلبي يوقف
علاوي :فديت قلبك الغالي
حمد: هيه عليّ هالرمسة لو تحبين قلبي جان موبايلج وياج
علاوي: جلّ من لايسهى <<<<<<< مدري صح هالمثل بس جني سمعته جي
حمد: ههههههههه صايرة تقولين حكم وامثال هههه
علاوي : طالعه على منو بعدعليك
حمد: فديت اللي طالعين عليّ
علاوي: حمودي نسيت اتخبرك شحالك شومسوي وينك الحينة ترمسني من وين
حمد:هيه بعد انا نسيت بخير غناتي دامنج بخير ونا الحين اكلمج من السيارة كنت ساير محل ديكورات للغرفة مالتنا
بغيت اسئلج شوو نختار لون حق الستاير ويا الليموني
علاوي: خلاص اخترت الليموني خلاص اخر كلام
حمد: شو لايكون غيرتي رايج ماتبينه بعد انتي اللي اخترتيه
علاوي : لا امزح وياك روعة الليموني
ويناسبه ستاير عودي بيطلع اروع
حمد: مو جنها غامجة شوي
علاوي : بس لانه لون اليدار فاتح الستاير غامجه احلى بيستوي
اسمع من حريم ولا تسمع من رييايل هههههههههه
حمد: هههههههههههه فديتج تنكيتن ماتختلفين عن شيخوة
علاوي : لا شيخوة انا وياها مانتفق ههههه
من ساعة متصلة عليّ تقولي لاتسيرين باجر الخياطة الا ونا وياج
حمد: هيه فرصة انا اللي بوصلكم
علاوي : لا لا
حمد: ليش عقب بنتمشى
علاوي : اميه مابتوافق اسير و ياك
حمد: ماعندها سالفة امج الحينه انا ريلج هب حد غريب
علاوي : حمد اميه شو فيك تخبلت
حمد: هههههههههه امزح وياج بس احكامها مستبدة خخخخخ
علاوي :من صالحنا عسب تشتاق لي اكثر خخخخ
حمد: هذا انتوا يالحريم مامنكم فايدة تتغلون ع شو مادري
علاوي : الله يسامحك
حمد: باستثناء علاوي قلب حمودي
علاوي : هههههههه سحبتها هاه بس كل شي منك حلو
حمد: طالع عليج بعد يلا غناتي تامرين بشي
علاوي : سلامتك مع السلامه
حمد: مع السلامه

وانتهت مكالمتهم وكان كل احد مبسوط من الثاني ^_^
وهكذا مرت ايام الملجة تحضيرات واتصالات بينهم
وتعبوا من كثر ماهم يحوطون في الاسواق
حمد من صوب وعلاوي من صوب
وشيخوة اللي مايعيبها العجب ولا الصيام في رجب
تبا تكون احلى وحده في عرس اخوها عسب يخطبونها ناس من العرس
<<<<<<<حركات بنات ماتمشي علينا خخخ



وياء يوم العرس اليوم اللي بيجمع فيه بين احلى اثينين علاوي وحمود
اللي كانت بينهم ايام حلوة وذكريات اروع في ايام الملجة <<<<<<<بس ايام الملجة حلوة و عقب بتتغير حياتهم وقولو ماقلت



اممممممممممممممم تتوقعوون يعرسون حمد وعلاوي


التفاصيل بتكون ف الجزء الاخيير



اتريووني