شوفو مرت اخوي

**ام ماسه** · 2009-12-31, 07:51

خواتي ممكن تساعدوني مرت خوي مسويه حفله وعازمه ناس واهلنه بس ما ادري نست تعزمني او ما ادري بس علقتي معاها اوكيه اختي تقولي سيري ولا تكبرين الموضوع وانا نفسي عازه عليه ما ادري البسها ما اروحلها ولا اروح معنها عازمه خواتي

المزيد من آخر المواضيع من نفس القسم:

**الام عائشة** · 2009-12-31, 08:01

عادي حبيبتي يمكن نست لا اتكبرين السالفه
انتم اهل وما شي فرق بينكم

**ملح و سكر** · 2009-12-31, 08:03

حبيبتي انتي

ماعليه كبري عقلج اكيد انج معزومة ، بعد انتي من اهل البيت يعني مايبالج عزيمة خلي الأمور كووول زيادة وبترتاح نفسيتج و بعدين احتمال كبير تكون حاطه ف بالها انها عزمتج او كلفت حد يخبرج بس من الربشة مب مقبظة عزمت منو وودرت منو فالتمسي لها العذر أو خلي الموضوع ايزي أكثر واتصليبها اونج تهزبينها بس على مصخرة و قولي لها انتي شحقة مب عازمتني ادري مايبالي عزيمة بس عاده سويلي سالفة احب احس نفسي مهمة هههه

..

المهم اتوكلي على الله و سيري ولا تخربين على عمرج و تضيعين عليج وناسة اليلسة و اليمعة و ولا تتحسسسين وايد حبيبتي و السموحة دعواتج لي بالتوفيق

**uae one** · 2009-12-31, 08:06

هلا فديتج

انتي تترين عزيمه من مرت اخوج ؟؟؟؟؟؟؟؟؟؟؟؟؟؟ هذا بيت اخوج يعني بيتج

تعوذي من الشيطان و روحي هي بتلحق منوه ولا منوه

**دلع بو راشد** · 2009-12-31, 08:17

هااه بيت اخووج مآآ تبين علييه عزيمه ..

اتكل ع الله وسيري ..

**أم دانووه** · 2009-12-31, 08:18

لا فديتج سيري طبعا

**Ana Ahwak** · 2009-12-31, 08:29

توكلي على الله وسيري

مايبالج عزيمة

**موزاني 22** · 2009-12-31, 08:44

المشاركة الأصلية كتبت بواسطة ملح و سكر

حبيبتي انتي

ماعليه كبري عقلج اكيد انج معزومة ، بعد انتي من اهل البيت يعني مايبالج عزيمة خلي الأمور كووول زيادة وبترتاح نفسيتج و بعدين احتمال كبير تكون حاطه ف بالها انها عزمتج او كلفت حد يخبرج بس من الربشة مب مقبظة عزمت منو وودرت منو فالتمسي لها العذر أو خلي الموضوع ايزي أكثر واتصليبها اونج تهزبينها بس على مصخرة و قولي لها انتي شحقة مب عازمتني ادري مايبالي عزيمة بس عاده سويلي سالفة احب احس نفسي مهمة هههه

..

المهم اتوكلي على الله و سيري ولا تخربين على عمرج و تضيعين عليج وناسة اليلسة و اليمعة و ولا تتحسسسين وايد حبيبتي و السموحة دعواتج لي بالتوفيق

الصراااحه رأيها عين العقل..

**ام ماسه** · 2009-12-31, 08:44

مشكورات خواتي انا تعوذت من الشيطان وبسيلها ان شاء الله
الله يجزيكن الف خير

**رحباويه** · 2009-12-31, 09:35

اكيد اخوج عازم ريلج

انا يوم اسوي عزيمه ريلي بس يتصل في العرب وخلاص

**Hno0odah** · 2009-12-31, 10:04

الغاليه يمكن عذرها معاها روحي ولا اتكبرين الموضوع
وثاني شيء والاهم بيت اخوج بيتج وما اظن فيها اشكال اذا رحت من غير عزيمه

**wafa2007** · 2009-12-31, 10:17

الغالية ...... احيانا الشيطان يدخل بين الانسان وقلبه ويصور له اشياء كثيرة هو بغنى عنها ..... استعيذي بالله من الشيطان الرجيم ولا تحاولين اتفكرين في اشباء غريبة ممكن اتبعد بينج وبين مرة اخوج ..... بكل بساطة سيري الحفل وكوني طبيعية ... ترى مثل ما قالوا الخوات قبلي هذا بيت اخوج يعني البيت بيتج وانت مكانتج عندها وعند الجميع كبيرة ... لا تترددين ولا ثانية ومثل ما قلت لج لا تعطين فرصة للشيطان يسيطر عليج وعلى افكارج ..... واتمنى لج سهرة وجمعة وعزيمة سعيدة ......لا تنسينا بالدعاء

**ام ماسه** · 2009-12-31, 12:35

مشكورات خواتي وانا بتعوذ من الشيطان
واشكركن على النصيحه

**WFOY** · 2009-12-31, 12:37

بيت اخووج مآآ تبين علييه عزيمه

**ميميه88** · 2009-12-31, 12:42

شو سبب العزيمه؟ ومبينكن حساسيه؟
ولاعادي؟
اذ عادي قوليلها وعلى شكله سوالف طرشيلها مسج قوليله مب جنه شي مستوي عندكم وانا الحلوه البريئه محد معبرنيه

وشوفي ردها

الموضوع: شوفو مرت اخوي

أدوات الموضوع

عرض

شوفو مرت اخوي

المزيد من آخر المواضيع من نفس القسم:

المواضيع المتشابهه

شوفو تجربتي وتجربة اخوي

شوفو ليش اخوي رفضها بالشوفه الشرعيه؟ لا تكررون خطاها

اهل الشارجة تحذروا شوفو اخوي شو استوى به في الترااويح

شوفو موت اخوي شو سوى بالوالده

شوفو شو صار ويا اخوي في الشارقه