حبايبي ردو علي.......

[ام قصـايد]

شحالكم خواتي

بغيت منكن تساعدني باجر يوم ميلاد ريلي بيكون تاريخ 31\12 قولولي شو اسوي ابا اسوي شي يديد ما اعرف قلت باخذ رياكن ردن علي فديييييييييييييييييييييييييت روحكم لا تطولين علي ترى ما بقى شي من الوقت لين الساعه 12...



اتريااااااااااااااااااااااكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غيورة]

you dont have enough time ...!!!!

- do you have a new dress??
- did you bough a gift??



Enough

[رهفة الاحساس]

اويييييييييييييييييييه المفروض كنت تسويله من قبل وتجهزين ..


اممم بما ان مافيه وقت اتصلي اقرب بقالة وخذيلج بالونات
واذا تقدرين اطرشين حد اييب لج باقة ورد وكيكة غاوية

وشغلي الشموع حوالين الكيكه واكتبيله شي حلو فبطاقة وانتثري ورد في الغرفة


ممكن بعد تفتحين له البوم عرسج وتحطين الزفه اللي دخلتي عليها ..


واكشخي له والبسي شي غاوي يديد ..

[ام بخيتة]

الغالية خذي له عشا بحري مكس فصحن مثلا نغر وروبيان وحطيله لوبستر فالنص بالجبن او المشوي
او اللي هو يحبه وسوي له عصير برتقال وقصي البرتقالة شرايح ولصقيها عالكوب وحطي العشا عالطاولة
مع شموع معطرة ونثري له ورود حمرا من المدخل ليييييييييييييين الغرفة ومب لازم تهدينه هاي بتكون احلى هدية حقة فيوم ميلاده ... واتعطري له بأحلى العطور والبسي له احلى لبس حتى لو قميص نوم عادي وبيستانس الريال ما بيفج عنج

[ام قصـايد]

تسلموووووووووووووووووون خواااااااااااااااااتي فديتكم.............

[بنت النوووور]

والله العظيم ما اجذب عليج انا عيد ميلادي تاريخ 31-12

حبيبيتي والله ربي يسهل عليج

[تسونامي]

قطعتي قلبي

المهم تقدرين تسوين مساج فكرتها حلوه عجبتني

http://forum.uaewomen.net/showthread.php?t=622861



افكا ر قصيتها من منتديات اخرى
تغير ديكور البيت

إن كان لكم أولاد لازم تشتركين معهم في حفله صغيرة تبين له مقدار حبكم واشتياقكم له.
أقصد ما تخلين الحفلة مقتصرة على غرفة النوم.
مثلا إذا دخل عليكم البيت يلقاة مزين بالبالونات والحركات اللي يحبونها الصغار.
حتى يشعر بالحب من جميع العائلة.

زينت الغرفه وضبطت كيكه وعصير
وشموع وبعض الحركات
وحاطتهم في الغرفه


رسالة موبايل فى صباح هذا اليوم تكتبى فية شوقك و احتياجك لو و انة اجمل يوم لانة ولد فية من جعل حياتك لها معنى اخر من يملك سر سعادتك بين شفاتية من يملك روحك بين دقات قلبة من يملك احلى ابتسامة انارت لك حياتك و حياة اولادك
عندما يعود تستقبلية انتى و اولادة و هما يدعون لة باحلى الامانى و تكونى مجهزة لة احلى و ليمة مخصوصة بهذة المناسبة فية احلى ما يحب
اختارى لة هدية على ذوقك و هو يحبة مثل برفان مفضل لة او كوفية او جاكت او قميص او ساعة 0000000
فى الليل لك انتى و هو احتفال خاص و كل عام و انتى و هو و فى اتم السعادة و الهناء و دوام الحب

[تسونامي]

(( تحطين كل سؤال في بالونة وبعدين زوجي يفرقع البالونة لما يجاوب على السؤال يحصل على هدية ،

كل عام وانت لقلبي مصدر النور
كل عام وانت لروحب مصدر الفرح
اقولك كل عام وامالك وامانيك تتحقق
كل عام وامت اغلى مافي الحياة ياكل الحياة

وشوفي هذي

اليوم ميلادك وانا فيه موعود
يااغلا دروبي ياغلاي وودادي
الكون ونجومه على حبك شهود
اليوم ميلادك وانا اليوم مولوده
مدام حبك نبض والنبض هادي



او هذي
ودعت بك عام مضى
واقبلت بك عام جديد
ياللي حياتي لك رضى
يالله عسى عامك سعيد




اوفرشت السرير بمفرش ساتان احمررررررررررررررررررررررر

[تسونامي]

اذا تبين زيادة افكار خوذي:
ممكن اول شي تجهزين البانيو لزوجك حطي رغوه وزيوت عطريه وشموع على الارفف<اهم شي ماتشغلين لمبات ذيك الليله> ويمديك حتى تتحممين معاه.
بعد كذا ممكن تملين ارضية الغرفه بالونات حمرا وعلى السرير حطي بتلات ورد احمر طبيعي اشتري الورد وفككي البتلات وانشريها راح تعطيك شكل وريحه وزي ماقلت لك حطي فواحات وولعي شموع وبدووووووووووووون لمبات..
اكتبي كرت عبري فيه عن مدى حبك لزوجك وحاولي يكون كلامك مؤثر وصادق وحطي الكرت برضو على السرير جمب الهديه
<ميداليه كشخه,كبك ماركه,ساعه,نظاره شمسيه,جوال,قلم ماركة>
ممكن تجهزين صحن فيه فواكه مقطعه فراوله وتفاح وكرز وكمثرى وفواكه حاليه زي كذا وحطيها في حمام ثلجي وممكن تاكلونها سوا على السرير..
غيري بشكلك وهذا اهم شي لازم يشوفك بشكل جديد انا ما اقول اصبغي وقصي لا, بس شوفي اذا دايم شعرك ناعم اعمليه كيرلي او ارفعيه بشكل حلو ونزلي خصل يمديك تحطين مسكرا شعر وعندك الوان كثير نقي اللي يعجبك و اذا غسلتيها تروح بس تعطيك شكل ذيك الليله ,اذا دايم تحطين روج فاتح حطي غامق واذا دايم غامق حطي فاتح واذا كل الاثنين حطي محدد وروج فاتح اهم شي حاولي يكون شكلك جديد كانك وحده ثانيه ترى الرجال يموتون بالتجديد خصوصا مناسبات زي كذا.
اخيرا وليس آخرا اللبس ثم اللبس ثم اللبس.. الله الله باللبس المغري وحاولي تجهزين لبسين مو لبس واحد واذا كنتوا بتحتفلون اليوم كله من الصباح الى الليل معناته جهزي اكثر من لبسين واذا بس بتحتفلون ذيك الليله جهزي لبسين..
ملاحظه:ممكن هذا كله تجهزينه وتطلعون تتعشون بشرط انه ما يشوف الغرفه الا اذا رجعتو عشان يتفاجئ واحرصو يكون العشاء خفيف شوي والله يوفقكم واتمنى تعجبك الافكار

ان شاء الله اكون افدتك

وهذه فكره ثانيه

بسم الله الرحمن الرحيم

ونبدا بالافكار

لمناسبة عيد ميلاد الزوج مثلا ( مع انها حرام الاعياد بس هاي افكار للزوجه)

اذا كان عندج عيال وحبيتي يشاركون في الاحتفال ..
شو رايج ترتبين للمناسبة قبلها بشهر
يعني تفصلين لبس موحد لهم ..

وتتشاركون بالافكار على نوع الهديه وكل واحد يختار على حسب ميزانيته
ويفضل الابناء ان الهدية تكون من مصروفهم الخاص وها الشي بيشجعهم على الادخار وبيعلمهم اهمية الادخار لاي طاريء

وطبعا الزوجه تفصلها فستان سهره غير شكل يكون فريد من نوعه وسبيشل مثل مايقولون او تكتفي بعربي او مغربي او حتى يشمك يعني لاتقولون ان ها الافكار بس للناس الاغنياء لا حتى محدودي الدخل يقدرون بابسط الاشياء ومب شرط توحيد زي هاي فقط فكره

عشان يكون اليوم ها مميز وماينسى

المهم خلاص خلصتي لبس انتي وعيالج وتمكيجتي جنج عروس

نيي للاكل والديكور

اختاري الالوان اللي يحبها الزوج يعني لونه المفضل وحاولي تغيرين في غرفة الطعام او الصاله وتجلبين لونها للونه المفضل

ادري صعب بس اللي يبا الشي بيسويه

وريلج اطرديه من البيت ها اليوم ولا تخلينه يرد الا يوم تخلصين شريره انا

وبعد خلي عيالج يساعدونج عشان يحسون بالفرحه

ادري ان صعب عليج تسوين كل شي بروحج ممكن تطلبين من اختج او اخت الزوج تساعدج وبخصوص الحلويات والاكل

اذا تقدرين تسوين اكل في ها اليوم سوي كل شي يحبه ريلج مالذ وطاب بس بالمعقول يعني ماتسوين عزيمه وف الاخر كل الاكل يروح في خبر كان لا حرام عليج

في حل اخر وهو المطعم
عندج مطاعم مشهوره باكلاتها البحريه خليها الاكلات تكون متنوعه يعني بحريه على مشواي بس ابعدي عن العيش واللحم والدياي لانه كاره حياته منهم طول الاسبوع

عندج مطعمين انا افضلهم واكلهم حلو يعني عندج مطعم الديوان لاكلاته البحريه والمشاوي بصراحه لذيذ ( ها للي ساكنين في العين)

وعندج بعد تشيلي خطير ,... ومايبا مني تعليق على اكلاته

المهم اطلبي وجبات على قدكم انتي وريلج وعيالج

والحلويات اطلبيها من فيفل اطلب الكيك اللي بحجم صغير بصراحه روعه وطعمه الذ او اي نوع من المطاعم ومحلات الحلويات اللي تفضلينها انتي انا مجرد حطيلتج اقتراحات

المهم نيي للهديه وعلى حسب ذوقج يعني اما انها تكون ساعه او عطر او مجموعه كريمات وعدة حلاقة او كتاب مفضل عند ريلج وتعب وماحصله في اي مكان يعني انتي تعرفين ريلج والشي اللي يحبه فحاولي قدر الامكان ان الهديه تكون مناسبة

وتغلفينها طبعا تغليف رهيب مايحتاي محلات التغليف منتشرة وما اكثرها

في حل ثاني للهديه
اشتري صندوق حجمه معقول يعني لا كبير ولا صغير او على حسب الكميه
يعني تحطين فيه مب هديه وحده لا اكثر هذا اذا كنتي مقتدره يعني عندج ميزانه ولله الحمد

تشترين عطرين وتغلفينهن بدون الكرتون مالهم تحطينهن في قطعه قماش من الشيفون لونه حلو وتلفينها وتربطينها بشريط احمر

وتشترين مجموعه كريمات للحمام من لايف ستايل وطبعا هي مسكره يعني عليها بلاستيك لاتغلفينها اذا ماتبين بس اربطيها بشريط احمر

وبعد اشتري شمع او مجات او اي شي ثاني تقدرين تترسين به الصندوق

داخل الصندوق رشي ورد مجفف اللي فيه ريحه

وييبي الورق اللي مقطع شرايح وانثريه في الصندوق ها الورق اللي مقطع ماعرف والله من وين بس فس الوان حلوه منه

وعقب رتبي الهدايا داخل الصندوق واخر شي اذا حبيتي عطري الصندوق او تكفي ريحه الورد

وردي حطي ورد مجفف فوق الهدايا

وسكري الصندوق وغلفيه او بس ربطيه بشريط احمر

وعقب دسيه فاي مكان ولاتظهرين الهديه الاعقب ماتخلصون من الحفله ويفضل انكم تكونون بروحكم بعيد عن الاطفال

ترتيب السفره او طاوله الطعام على ذوقج بس اهم شي تجانس الالوان وحطي بعد شموع من نفس الالوان اللي بترتبين بها الطاوله

وفكره رهيبه انا قريتها فموقع

انثري ورد احمر ابيض وردي من عند باب الغرفه اللي مسويه فيها الحفله او حتى من باب الصاله لين الغرفه

وحطي بين الورد شمعه على بعد كمن متر يعني درب يمشي عليه

( والله وطلعت الافكار يا قليب )

المهم ها اللي عندي الحين وان شاء الله من احصل افكار يديده برد واخبركن بها

اتمنى تعيبكن الافكار

[تسونامي]

حبيت اقول فكره خفيفة حق ليلة عبدميلاده
يعني ليلة عيدميلاده اذا رقد اخذي تلفوونه وغيري اسمج في تلفونه مثلا كتبي
كل عام انت الحب - فديت عيدميلاده - احبك اكثر اليوم - العمر كله - روح زوجته
واتصلي فيه اول مايطلع من البيت اليوم الثاني
طبعا بيستغرب لما يرن تيلفونه وبيقول مين هالاسم؟؟؟؟؟؟؟؟
واول مايرد دلعية وقوليله كل عام وانت بخير

[تسونامي]

اشلون اتقدمين الهدية

أنا اقولج

أول ما يدش ريلج الغرفة عطيه رسالة "بعد ما تتكشخين طبعا"
مكتوب فيها ( إذا تبي الهدية لازم تتبع خريطة الكنز و ماراح أعطبك ياها إلا إذا قبلتني على خدي )

و لما يقدم الطلب تعطينه الرسالة الثانية ( ابحث تحت المخدة )

يروح حق المخدة و يلقه تحتها رسالة مكتوب فيها ( هاهاهاها قصيت عليك مو اهني الهدية ... ابحث داخل درج الكومودينه )

يروح يدور يلقى رسالة ( صادوووووووووووووووووووه ... ابحث تحت الكرسي )

يروح يدور يلقى رسالة ( لوووووووووووووووووووووول ... حريتك صح .... أنا أقولك ارجع لحبيبتك و اسألها وين الهدية )

يردلج تعطينه رساله ثاني " ذليتيه ذل " مكتوب فيها ( ماراح تاخذ الهدية الا اذا عشت معاي ليلة حمرا ....... كلها ----- )

و بعد الليلة الحمرا عطيه الهدية

و انشاء الله افدتج


اشتري زوج كناري حلوين عاد تنقيهم يا ستي و اخذي النشيط منهم و اللي يغرد ..او هالايام محلات الطيور تصبغ الطيور الصغيرة بالوان جميلة و يجي منها احمر اذا لقيتي منهم اخذي زوجين بدل الكناري ....


و هالله هالله بتزيين القفص على ذوقك ..استخدمي الشرايط الستان و الورود الصغيرة و القش او الخيش ممكن يقوم مقامه لو ما توفر ..و غلفي الهدية و علقيها داخل القفص مع الطيور في النص او سويلهم عش و حطيها بداخله لو كانت صغيرة ...........ز

[تسونامي]

لكن عندي ملاحظة

انتم تتعبون علشان ترضون ازواجكم وتكسبونهم

صدقوني التوفيق يكون برضى الله سبحانه وتعالى

لاتخسرون ربي حتى ماتخسرون ازواجكم

[ماما امولة]

للرفع

[خطيرة الملامح]

الله يخليكم حق بعض