شعر بنوتي

[ليه العتب]

هلا الغاليااااات بغيت شوركن وتجاربكن....بنات شعر بنتي :22 (30): واااايد خفيف خاصه يوم اسبحها ولا ادهن شعرها اتبان الصلعه شو اسوي عشان يغلظ.....علما اه بنتي عمرها سنه وعشر اشهور.....بنات في امل انه يغلظ ريحوا بالي عسى ربي يريحلكم بالكم :22 (30): :22 (30):

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملااك الكوون]

هلا اختي انا بنتي نفس عمر بنتج بالظبط وتعاني من النفس المشكله بس من جدام ماشي شعر بس خفيف

ان شاء الله البنات بيفدنااا

[شوااقي]

الغاليه استخدمي بريلكريم الاخضر ..

وان شاء الله بيفيدهاا ..

[أحلى أم]

انصحج حلقيها بالموس وانا بعد بحلق بنتي وشعرهل خفيف عمرها سنه و 4 شهور وكل هلي نصحوني احلقها لان ما ريد شعرها خفيف وقالولي حلقيه بموس وعقب تمي دهني الصلعه لين ما يطلع الشعر تمي دهني...

[T.O.T.A]

إنتي حسنتيها ؟؟!

إذا هيه .. خلاص لا تخافين بيغلظ شعرها إن شاء الله

[Bent_elsharjah]

الحنا تغلظ الشعر

[um khallof]

انتي لو شفتي بنت اختي شو بتقولين

والله كمن خصله يدام

ماشي شعر موليه ورا ,,

هاي يوم كان عمرها سنه ..

وتعالي شوفيها الحينه

ماشاء الله شعر غليض وما بتقولين هاي هي نفسها .. :1 (68):

ما عليج الغاليه لا تستخدمين شي

ان شاء الله مع الايام بيطلع لها شعر ..

وان شاء الله تفرحين بها

ربي يحفظج

[دبويه2007]

بنتي عمرها 6سنوات بعد شعرها خفيف وايد على كثر ما ادهنه بعد خفيف .

شو رايكن احلقها..

[@ دبي @]

تعرفين دهان 555 الي اسمه اكبر علي..

واااااااااااايد زين يربي الشعر وعودي شعرها عليه

لين تكبر بسلامه..جربييييييه وااايد زين

[همسات..]

أختي الغاليه ..انا اذكر يوم كنا صغار كانت امي مداومه علينا بدهان جوزالهند (الناريل)مع حلبه تطحنه وتحطه في العلبه ..وتدهن الفروه عدل ..وما شاء الله شعورنا سااااايحه وغليييييييييظه وطويييييييييييييله ..لانه الحلبه يقوي الشعر ويكثفه وجوز الهند ايطوله ..والكل يسأل الوالده عن سر شعورنا الغاويه واتخبرهم ويدعون لها وهالشي معرووووووووف عند البدو..وصدقيني بتدعيلي ..
على فكره هذا الدهن حتى الاطباء ينصحون به حتى الدكتور السعودي جابر القحطاني..
وبعد بغيت اقولج انه زيت الخروع رهييييييب يطوول الشعر بشكل ملحوظ ويطلع الشعر..انا مجربتنه واضمنلج ايها ..اشتريه من الصيدليه بخمس ريال..
دعواتج الغاليه..

[.. أرفلـــون ..]

تبين نصيحه وحده مجربه هالشي عيل لازم تسمعيني عدل

الحمدلله والشكرله ملااايين عندي بنتين وهالطريقه جربتها فيهن

من يوم هن صغار وانا احسنهن بموس حتى اختى تقول لي حرام عليج
شكل بناتج دومهن بدون شعر ,,, واختى تراخا ماكان عندها بنات يايبه اولاد مع انها اكبر عني
ودومها تلومني وويوم هن صغار عقب السنتين بديت ادهن بنات ب دهان بو نخله ( أصغر علي )
555 معروف اظن والحمدلله هالطريقه نفعت معاهن واخر مره حسنتهن بموس كانو فى سن وحده ثلاث سنوات وحده سنتين لانهن يتهن الحمجه (جدري الماء) وامي قالت لي حسنيهن عقبهاا
والحمدلله هالشي نفعهن ويوم كانت الكبيره 8 سنوات والصغيره 7 كان شعرهن طووول
قمت قصيته لكتوفهن واعلى شوي
واختى الحين عندها بنوته عمرها سنه وشهرين دومها تتخبرني شو اسوي لبني شوى اسوي لبنتي
وانا اخبرها
يارب تستفيدين من التجربه
^_^ لاتدهنينها وهي صغيره وتحملي من كثره الشامبو ووعقب السنتين دهنيها وعليج بالعقص تراه هو الي يطووول

[اهلاويه]

الغاليه استخدمي بريلكريم الاخضر ..

وان شاء الله بيفيدهاا ..

بريلكريم ييب القمل خخخخخخ

[ريحانة الجنه]

حبيبتي حلقيها مثل ما قالت احلى ام وعقب شوفي النتيجه انشاءالله حلوه

[ليه العتب]

تسلمن على الردود الحلوه ويزاكن ياربي كل خير.....والله يريح بالكن ياااااارب....
بنات انا ماابى احلقها الحين حرررررام عمرها سنه وعشر اشهور بعد شهرين بتكمل سنتين...وريلي بعد رافض..
انا احطلها زين الخروع بس مش منتظمه عليه...وحطلها مرااات قبل ما ترقد زيت رتاج..
بسير اخذ زيت 555 ما ادري شو اسمه بس اعرف شكله لانه امي كانت اتحطلنا منه والحمد الله شعري طول ونسبياااا غليظ...تسلمن على الردووود الحلوة