مذيعه؟؟؟

**al7ooor8** · 2009-12-28, 23:41

مرحبا خواتي...أتمنى تساعدني أخويه معجب في مذيعه وهي متحجبه في قناه من قنواتنا..فإذا اي وحده تعرف مذيعه تخبرني لأني ماريد احط اسمها فالعام مش حلوه وبتواصل معاها..عشان اقدر اعرف عنها معلومات مثل هل هي متزوجه ولا لا وأعرف وين بيتها عشان نروح نخطبها...بلييز ساعدني

المزيد من آخر المواضيع من نفس القسم:

**العنود20** · 2009-12-28, 23:48

وايد مذيعات متحجبات ؟!

بنيلس نعدد لج .!؟

خذي رقمها من اعداد البرنامج وهم بيعطونج إياها

والله يوفقكم إن شاء الله ^_^

**بـنـوتـه** · 2009-12-28, 23:58

حبوبه اتصلي عالقناة اللي تشتغل فيها المذيعه وقوليلهم انج تبين تكلمين المذيعه فشي ضروري ..

**هنهون** · 2009-12-28, 23:59

طلب غريب

**حلم المسافر** · 2009-12-29, 00:11

المشاركة الأصلية كتبت بواسطة هنهون

طلب غريب

**( ام غيث )** · 2009-12-29, 00:07

....؟ خلصوو بنات اهلج ..؟ ما يبغي غير مذيعه .. مب شرط انها متحجبه يعني اوكي وماا خوفيه اعضم ..

**وردة الجاردينيا** · 2009-12-30, 08:42

المشاركة الأصلية كتبت بواسطة ( ام غيث )

....؟ خلصوو بنات اهلج ..؟ ما يبغي غير مذيعه .. مب شرط انها متحجبه يعني اوكي وماا خوفيه اعضم ..

حرام عليج شو هالرمسه

يمكن نصيبها جي

و يمكن هاي اللي ترمسين عنها تكون احسن عن وحده مغطايه من فوق لتحت و اداوم فمكان فيه حرم بس

لا تسيئين الظن بحد هب زين ختيه

**ام مايا** · 2009-12-29, 00:15

ربي يوفقكم

**^حلـى قلبـي^** · 2009-12-29, 00:40

عاادي شو فيها يعني لو خطب مذيعه ؟؟؟؟ شي ماشاءالله متحجبات واخلاق .. وبيسالون عنها اكثر قبل لا يخطبونها

حبوبه اتصلي ع القناه واطلبيها ..

**al7ooor8** · 2009-12-30, 00:20

طبعا قبل لا نخطبها أكيد بنسأل عنها...أنا لييييييييييييش حطيت الموضوع؟؟؟عشان اذا اي وحده تعرف مذيعه أكيد بتعرف أخلاقها وبتعرف أهلها وبتعرف وين ساكنه ويمكن تتطلع المذيعه اللي نباها...وأنا اتصلت على القناه ولا عطوني اياها يحولوني على رقم محد يرد عليه...
وبعدين فيه بنات مذيعات أخلاق وإلتزام هذا شغلها وهوايتها اذا طلعت مذيعه,,,

**ساسي ذهب** · 2009-12-29, 00:46

عادي ما فيها شئ فديتج اتصلي القنااة واطلبيها ورمسيها دايركت ..احسن الغاليه ها الشئ قسمه ونصيب ..

يا بنات رب العالمين يوم يكتب النصيب يكون سبب فمكان تلفزون والا غيره ..

اانا اختي ياها نصيبها تعرفون كيف من المكتبه كانت حاطه اوراقها سيره ذاتيه والهندي كان يطبع ودخل ريل اختي يطبع شوفوا رب العالمين يوم يبا الشئ يقول له كن فيكون سبحااااانك ربي سبحانك ....

**عرووب 77** · 2009-12-29, 00:48

ماعندي فكره ولانعرف مذيعات
بس ياريت لو تتصلين على القناه وخذي رقمها
والتساهيل من الله

**قاهرة2000** · 2009-12-29, 00:49

بالتوفيق يالغالية

**خلود الحمادي** · 2009-12-29, 03:42

اب اب اب اب

**هدوية** · 2009-12-30, 00:37

ليش شو بلاها المذيعة ..يمكن اخلاقها احسن من اللي تداوم في مكان حريم ومصكر .. اذا البنت زينة توكلو على الله واخطبوها .. انا ما اعرف مذيعات .. انا اعرف مذيع اخو نسيبي

الموضوع: مذيعه؟؟؟

أدوات الموضوع

عرض

العرض المتطور

مذيعه؟؟؟

المزيد من آخر المواضيع من نفس القسم:

المواضيع المتشابهه

احسن مذيع / مذيعه من المواطنين

مذيعه اخبار الامارات ميره..