المانياا

**درر البحر** · 2009-12-28, 14:47

الســــلام عليكم والرحمه ..

لو سمحتوا بغيت أســـــالكم عن العــــلاج في المــــاانيا .. كيف خدمااتهم ؟؟

نحن مساافرين لعلاج تبديل المفــــــااصل .. في مركز متخصص للمفـــــاصل ؟؟

المانيا امــــان ؟؟

ممكن تفيدوني باي معلومه ..

والسمــــــوحه ..

المزيد من آخر المواضيع من نفس القسم:

**هكذا اذن2** · 2009-12-28, 14:51

سمعت والله اعلم علاجات المانيا زين

وحده ربيعتي سافرت المانيا سوت عمليه وردت بس هذا الكلام من زمان والجراحه الحمد الله زين

من ناحيه الامان الله اعلم بس اتوقع شي نسبه بسيطه لانها دوله اوروبيه

**ملكان** · 2009-12-28, 14:51

ماتشوفون شر ....

للرفع.......

**درر البحر** · 2009-12-28, 14:55

تسلموون على المـــرور ..

**يتيمة 555** · 2009-12-28, 15:36

علاج المانيا فالمفاصل والعظام معرووووووووف عنها اووووووووووك بس من ناحية الامان اذا سكنتوا بنفس المستشفى امان بس اذا برا ما اعرف بس بعد هاي اوروبا وفيها بلاوي ....... الله يشفي مريضكم وايردكم بالسلامة ..

**جريئة** · 2009-12-28, 15:55

فديتج انا سافرت المانيا علاج ... و علاجهم ما شا الله زين

و عن الامان فهي من أكثر الدول امانا ف اوروبا ها ع حسب كلام السواق اللي كن يودينا

و الله يشفي مريضكم يا رب و تروحون و تردون بالسلامه

**درر البحر** · 2009-12-28, 16:15

الله يســـلمكم ..

**فيروزه** · 2009-12-28, 17:04

انا يلست فيها شهر بس ما كنا نطلع من عقب المغرب والحمد لله امان وكنت مرات اسير المستشفى بروحي في التاكسي.

**ورد المنتدي** · 2009-12-28, 17:29

ليش ما تسونها ف الامريكي اللي ف دبي

**ام الوليد 200** · 2009-12-28, 17:50

الف سلامه ولا تخافي يا اختي انا اعيش في ايطاليا من 10 سنين والحمد لله في امان كثير وما راح تصدقيني لو حكيتلك اكثر من بعض الدول العربيه وانا متحجبه والبس الجلباب والعبايه الخليجيه واخرج واسوق سياره وادرس في مدارسهم واولادي كمان ومافي ولا شي علينا بفضل الله وبنروح للمساجد كمان ان شاء الله بتروحو وبترجعوا بالسلامه والامان والله يشافيكم ويعافيكم

**ميمي الفلاسي** · 2009-12-28, 17:59

للرفع

**بنت الإمارات~** · 2009-12-28, 18:35

العلاج في المانيا تووووووووووووووب

وانصحج تسيرين

ولا تخافين تراها بلاد امنه

**أم ريماان** · 2009-12-28, 23:51

يالغلا عمي مسوي عمليه بالامريكي بدبي

مغير الصابونه بركبته

الصرااحه وايد زينه العمليه

وعمي متعود سنويا يسافر المانيا يشيك على نفسه فحوصات وجي يعني

ويروح عند بروفيسور عظام اسمه موس واايد مشهور ومعروف في منطقة بون

وشاف عملية عمي وقاال ماشاء الله واايد زينه

وقال انا اسوي نفسها بس يوم حسبنا الحسبه

طلعت مصاريف الامريكي ارخص طبعا

والله يشفي مريضكم يااارب

بالنسبه للامان انا اكلمج عن منطقة بون

نحن سكنا في بيت نا سوريين اجرونا اياه

يلسنا 37 يوم

الصراااااااااحه اماااااااااااااااااان

بس مابجذب عليج مره سمعنا سكااارى يمكن بأول ايامنا هناك

ومره سمعنا صوت طلق رصاااص بس بعيد عنا

بس بشكل عام احس امااان وحلوووه المانيا وناسه

مشكلتهم من 7 ماشي محلاات كل شي مبند ويوم الاحد ماشي مفتوح

**NONE_LIKE_ME** · 2009-12-28, 23:57

الغالية شةفي خايج في حالج لا تغلطين ع حد ولا تطلعين بالليل نحن هاي قاعدتنا في كل اسفارنا

**شمووع** · 2009-12-29, 10:00

الله يشفيج ويشفي مرضي المسلمين
انا اجازه العيد قضيتها في المانيا
لان اخويه اهناك يتعالج

بس موب عن العظام والمفاصل
بس الصراحه اهتمام ورعايه ماعليها كلام
وبالنسبه للامان هيه امان مافيها شي
ولقينا ناس وايد اهناك ماحد اشتكا من قله الامان
بالعكس هدوء وكل واحد في حاله

الموضوع: المانياا

أدوات الموضوع

عرض

المانياا

المزيد من آخر المواضيع من نفس القسم:

المواضيع المتشابهه

كيف جو المانياا ؟؟

مسافره المانياا

بناااات اللي ساارت المانياا بلييييز تدخل؟؟؟