بخصوص الخطوبه؟؟

**شيخه المرزوقي** · 2009-12-28, 02:50

السلام عليكم حبيباتي

بنات المعرس في الخطوبه شرط يدخل الحفله ؟
ربيعاتي حيرني حد يقول لازم وحد يقول لا ؟؟
وأنا وااايد محتاره مب عارفه .. نحن هذي أول مناسبه عندنا وما نعرف واايد
وربيعاتي مب كلهن سون حفله .. وإلي سون حديقول لازم وحد يقول لا
وأرائهن متناقضه ياليت لو وحده منكن تفيدني بالضبط شو لازم يصير

وبكون شاكره لها

ربي يوفقكن ويسعدكن ياااارب

المزيد من آخر المواضيع من نفس القسم:

**فصل الشتاء** · 2009-12-28, 03:05

هلا غناتي..

اذا خطوبه اكييييد لا.. لان مافي اي شي يربطج بالريال.. يعني بس رمسه انه خاطبج..
اما اذا كانت ملجه.. ودام انج مسوية حفله وانتي بتكونين كاشخه لازم يدخل لانه بصفته ريلج وعادي يشوفج بكامل كشختج..
والسموووحه

**شيخه المرزوقي** · 2009-12-28, 03:13

المشاركة الأصلية كتبت بواسطة فصل الشتاء

هلا غناتي..

اذا خطوبه اكييييد لا.. لان مافي اي شي يربطج بالريال.. يعني بس رمسه انه خاطبج..
اما اذا كانت ملجه.. ودام انج مسوية حفله وانتي بتكونين كاشخه لازم يدخل لانه بصفته ريلج وعادي يشوفج بكامل كشختج..
والسموووحه

السلام عليج أختي فصل الشتاء
وترا أنا بعد جي أقول بس أسمع البعض يقولون شي ثاني ؟؟

**NONE_LIKE_ME** · 2009-12-28, 20:32

المشاركة الأصلية كتبت بواسطة فصل الشتاء

هلا غناتي..

اذا خطوبه اكييييد لا.. لان مافي اي شي يربطج بالريال.. يعني بس رمسه انه خاطبج..
اما اذا كانت ملجه.. ودام انج مسوية حفله وانتي بتكونين كاشخه لازم يدخل لانه بصفته ريلج وعادي يشوفج بكامل كشختج..
والسموووحه

**مياسه السويدي** · 2009-12-28, 04:01

موفقه الغلا

**شيخه المرزوقي** · 2009-12-28, 04:02

المشاركة الأصلية كتبت بواسطة مياسه السويدي

موفقه الغلا

الله يوفقج حبيبتي

عيبني توقيعج واااايد

**مهاوي الغوى** · 2009-12-28, 04:28

ممكن يدخل بس تتغطين عنه كامل شو الفايدة ليش ماتخلونها ملجة وخطوبه احلى

**لفلي جيرل** · 2009-12-28, 05:24

على فكرة بعض البنات يقولون كلمة خطبة معناهم ملجة
نفس الوافدين لو تقولين لهم انا انخطبت بيتحرونج ملجتي

بس نحن عندنا حرام ريلج يدخل في الخطوبة
اخته هي اللي تلبسج الخاتم

**كلى دلال** · 2009-12-28, 06:44

السلام عليكم ورحمة الله وبركاته

صدقت اختى مهاوى الغلا لو تخلونها خطبة وملجه فى نفس الوقت افضل بعدين حبوبه ما نحن عندنا صراحه ما يدخل المعرس الخوات بس يلبسون العروس وبعضهم يدخلونهم بس تكون العروس متغشيه كامل بس مدام النظرة انتهت فخلاص لشو يدخل الغاليه لانه لو شافج الحين بالمكياج وفى الملجه بعد بمكياج ما بتفرق وياه شكلج فالافضل انه ما يدخل وان شاء الله تكون فرحه بعدها فرحات يا الغاليه والله يوفقج ويسعدج .

**جتيلة غلاهم** · 2009-12-28, 08:07

اختي الريال مايدخل في حفلة خطوبه لانه بعده ما يقرب لج شي .. انا في حفلة خطوبتي ما دش خطيبي امه الي لبستني الخاتم ..

بس بعد ها يعتمد على عادات و تقاليد بعض القبايل اذا يدخل الريال ولا لا .. بس عامة لا مايدخل .. بس اذا ملجه هي يدخل ..

وشكرااا

**الامل القريب** · 2009-12-28, 08:22

كل واحد وعاداته
ما اقدر اقولج شي بعدين المعرس واهله يقولون شي 2
بس يفضل ما يدخل الا اذا انت متغطيه لانه ما يعتبر ريلج وما يجوز بشوفج وانتي كاشخه او متكشفه

**علوه** · 2009-12-28, 14:26

أحنا عندنا مرات يدش ومرات لا يعني بعد ما يطلعن الحريم ويقعدون اهل المعرس والعروس المقربين المخطوبه تلبس شيلتها وعباتها ويدش يقعدون يسولفون وبعدين يطلعون بس طبعا حوالهم احنا هع هع هع
وفيه ناس يقولوا لا ما عادي مدري يمكن احنا لانا ناخذ دايم قرايبنا فيكون عادي انه يدش على انه ولد خالتي والا عمتي وطبا هالشي راجع لكل عايله وعايله

**شيخه المرزوقي** · 2009-12-28, 20:25

مشكورات خواتي وإلي فهمته إنه هالموضوع حسب المعاريس نفسهم يعني أهم شي الوحده تتغطا إذا حب هو أو أهله إنه يدش
لأني أنا ما أباه يدش وخواته يقولن عادي وإنه أزواجهم دشوا في الخطوبه ويلسوا دقايق واظهروا !!

**متابعه** · 2009-12-28, 20:31

هو الحين مايحل لج في بنات وايد انخطبوا لفترة عقب فصخوا خطوبتهم وطبعا ها شي عادي لأنه ماكان ريلها اصلا
وانتي الله يتمم لج على خير ان شالله فالملجه يعتبر ريلج تقدرين تلبسين جدامه اللي تبينه وتسوين اي شي

**شيخه المرزوقي** · 2009-12-28, 20:46

المشاركة الأصلية كتبت بواسطة متابعه

هو الحين مايحل لج في بنات وايد انخطبوا لفترة عقب فصخوا خطوبتهم وطبعا ها شي عادي لأنه ماكان ريلها اصلا
وانتي الله يتمم لج على خير ان شالله فالملجه يعتبر ريلج تقدرين تلبسين جدامه اللي تبينه وتسوين اي شي

فديتج أختي أنا بعد أصلآ رايي جي بس خواته يقولون هو بيدش وأنه عدهم عادي يدخل المعرس وأنا محتاره كل شي مشا تمام يت عهالسالفه ووقفنا عندها استغفر الله

الموضوع: بخصوص الخطوبه؟؟

أدوات الموضوع

عرض

العرض المتطور