شعور غير ارادي

**اعياد راضيه** · 2009-12-23, 07:37

[بنات ابا اقول شي

بس خايفه تفهموني غلط

مب قادره احب زوجي

حاسه روحي ماتباه

هالشعور دوم وياي من يوم خطبني

مب حاسه بالسعاده وياه

احس اني فاقده اجمل شي بالدنيا

اوكي بينا اولاد احبهم اكيد

بس حرام اعيش ويا انسان وفي خاطري مابيه

عايشه وياه جسد بلا روح

هالشي غصب علي والله مب بايدي

مب عارفه افسر هالشعور

المزيد من آخر المواضيع من نفس القسم:

**سيده طموحه** · 2009-12-23, 07:50

الله يهديج ان شالله

**دلع بو راشد** · 2009-12-23, 07:55

عقب ما يبتي عيال منه ..تين وتقولين ما تحبيينه ... حرآآآم شو ذنب العيآآل ..

الله يهدييج ..!

**عالية الغالية** · 2009-12-23, 07:59

شوفي ايجابياته وسلبياته

واذا كانت الايجابيات اكثر فحبيه لهذي الايجابيات

وعمر بن الخطاب قال لرجل يشتكي من عدم حبه لزوجته --ان هذي البيوت كلها ليست قائمة ع الحب .
د

صح الحب مهم بس بعد اخلاق الطرف الاخر اهم

ودايما يقولون شوف اللي يحبك مب اللي انت تحبه ---- بما معناه يعني --

**شيخه بمعانيها** · 2009-12-23, 08:04

الغاليه حتى لو ماتحبينه ..
عشان خاطر عيالج حاولي تحبينه ..~

ودوم ادعي بهالدعآء عسى ربي يهديج ويحنن قلبج عليهـ ..
اللهم يامولف القلوب الف بين قلبي وقلب زوجي ... اللهم صب محبة زوجي في قلبي صبا واره ذلك ،، ...يارب العالمين ..

وربي يحببج فيهـ وتنسين هالشعور ~

**ميثاني99** · 2009-12-23, 08:05

أستغفري ربج وخلي عنج الوسواس هذا الشيطان يبغي يفرق بينكم والعيال ما فكرتي فيهم الله يهديج

**تسونامي** · 2009-12-23, 08:28

لا تخلين الشيطان يوسوسلج حرام تلاقينه يحبج موت وانتي ولااتي هنا

هذا زوجج عشرت العمر لا تنسينها يعني اذا ماحبيتيه تحبين منو ؟؟؟؟

**نقاط وحروف** · 2009-12-23, 09:14

بس الحين شو الي ينفع تسوينه

تراه خلاص هذا بو عيالج وهو اختارج من بد الحريم عشان تكونين ام عياله (هالشي مايكفي انج تحبينه؟)

حبيبتي اذا هو حاشمنج وكارمنج وعازج ليش بعد ماتحبينه( صدقيني لو في يوم عرس عليج لاقدر الله بتتعبين وبيطلع الحب كله هاييج الساعه وبتحسين بغيره وبتشوفين نفسج اصلا ماتستغنين عنه)

الغاليه احنا مانعرف اسباب عدم تقبلج لريلج بس انتي بعد شوفي ايجابياته وشوفي الشي الحلو والزين الي فيه عشان ماتظلمينه لانه حياتج وياه العمر كله ان شاء الله....ولاتخلين هالشي فبالج انج ماتتقبلينه والله لو درى بشعورج بتحطمينه من الخاطر وبعدين بيجلب عليج وانتي الي بتتعبين ...

اذكري الله وادعي ربج انه يحببج فيه لانه هذا حلالج انتي وابو عيالج واكيد هو يحبج ويشوفج انتي الكل بالكل ..

الله يهديج ياارب ويهدينا ....

**أم اليازيه 2** · 2009-12-23, 09:34

معقوله من دون سبب

يمكن حسد

**ديــايــه** · 2009-12-23, 09:57

الله يعيينج ..

قلبي وياااااااااج لاني مريت بنفس الي مريتي به

**LouisVuitton** · 2009-12-23, 16:28

ليش تزوجتو؟ وليش يبتي عيال؟ الزواج مب لعبه وبتحبينه بالعشره

**الأمل الساطع** · 2009-12-24, 02:56

الله يهديج ...

**حلوه وقموره** · 2009-12-24, 03:12

مالومج الحب مب ع كيفنا هالشيء لا ارداي

والله يعينج وحاولي تحبينه ولو ماقدرتي شو تسوين بعد اللحين عرفتي انج ماتحبينه\
عقب مايبتي العيال

جان من اول عرفتي شعورج وانتي بالبر اللحين هالكلام مايفيد وتمي معاه عشان عيالج

حبي عيالج وفرغي هالمشاعر عليهم

المهم زوج طيب ومحترم وخلوق

**خواطر الانثى** · 2009-12-24, 03:36

المشاركة الأصلية كتبت بواسطة حلوه وقموره

مالومج الحب مب ع كيفنا هالشيء لا ارداي

والله يعينج وحاولي تحبينه ولو ماقدرتي شو تسوين بعد اللحين عرفتي انج ماتحبينه\
عقب مايبتي العيال

جان من اول عرفتي شعورج وانتي بالبر اللحين هالكلام مايفيد وتمي معاه عشان عيالج

حبي عيالج وفرغي هالمشاعر عليهم

المهم زوج طيب ومحترم وخلوق

تعوذي من ابليس حبوبه

**بنت بحور** · 2009-12-24, 12:48

تعوذي من الشيطن ولاتفكرين جيه لانه هاذا مايرضي ربج واستغفري ربج عشان الله يوفقج بحياتج ..

الموضوع: شعور غير ارادي

أدوات الموضوع

عرض