الله يخليكم ردوا علي

**أحب زاايد** · 2009-12-18, 02:08

السلام عليكم..
خواتي انا عندي بنت وولد الله يحفظهم ويخليهم ان شالله, يوم حملت اول مرة وربيت بولدي لما كنت أرضعه من صدري اليمين كان فيه شي يضايقني كنت أحس بشي مثل العرق يتحرك وينبض بقوه ووايد كان يضايقني هالشي, المهم تقريبا رضعت ولدي طبيعي بس شهرين ويوم حملت ببنتي قلت لازم أرضعها طبيعي وماأسوي مثل ماسويت بولدي وكنت ناويه لما أولد اني ارضع بنتي واني أشفط لولدي حليب من صدري وأعطيه, لكن يوم ربيت ببنتي ورضعتها صار لي نفس المرة الاولى وبعد تقريبا رضعت بنتي طبيعي بس شهرين وانا من النوع الي مايطلع لي حليب وايد وفيه دكتوره قالت لي عندي التهاب فصدري اليمين بس الشي اللي يتحرك ويضايقني بيتم لي على طول مابيخوز ولا يتعالج.. والحين ولدي عمره سنتين والبنت عمرها تسع شهور, بس خواتي انا مضااااايقه واايد واايد من هالشي يعلم الله شكثر قلبي يتقطع كل ما ياهالشي فبالي أحس اني حرمتهم من شي المفروض اني أعطيهم اياه لأن هالشي من حقهم.. ووايد قريت عن فوائد الرضاعه الطبيعيه ان لازم تكون تقريبا لين 6 شهور لان تقوي مناعة الطفل وتقيه من بعض الامراض في المستقبل..والله اني أصيح صياح من هالسالفه دخيلكم ساعدوني..أقدر الحين أخذ شي من الصيدليه يرجع ويزيد الحليب فصدري واني أشفط لهم الحليب وأعطيهم اياه فالمراضع؟؟ مع العلم ان يوم أعصر صدري اليسار تطلع نقطه لكن اليمين مافيه شي أبد الله يخليكم ردوا علي وساعدوني لاني متعذبه قسم بالله وتعبااانه نفسيا من هالشي وعيالي وايد كاسرين خاطري

المزيد من آخر المواضيع من نفس القسم:

**أم الغناه** · 2009-12-18, 02:21

اختي اول شي هدي اعصابج ولا تخلين هالموضوع هم على قلبج.. لأنج حاولتي ترضعينهم.. ثانيا لا تحطين في بالج انه البيبي اللي يرضع طبيعي يكون بخير واللي يرضع صناعي يكون مب بخير.. مول ما يخصه .. يعني هي الرضاعه الطبيعية لها فوايدها بس للي يقدر.. وايد حريم ما يرضعون .. والله الحافظ

انتي عندج مشكله وهي اللي ما خلتج ترضعين عدل.. وانا اقول زيادة فالحرص ردي راجعي عند اختصاصيه تجيك لج على وضعج بعيد عن موضوع الرضاعه الطبيعيه .. وان شالله رب العالمين حافظ عيالج وانتي معذورة ومالج ذنب...

**shouq999** · 2009-12-18, 02:28

حبيبتي انا نفسج انا رضعت بنتي شهر بس بسا انا يت بنتي عين وقامت كل ما اطلع صدي ابي ارضعها جنها شايفه جني والعياذ بالله وحاولت بس قالولي هذي عين قويه لانه انا ماشاءلله عندي الحليب واااااااااااااااااااااااايد بس شو اسوي زعلت وبعدين قلت هذا مب بايدي الله كاتب والحمد لله بنتي بصحه وسلامه وربي حافظنها

**هدوية** · 2009-12-18, 02:36

والله حاسة بيج .. انا صار لي تسمم غذائي وولدي عمره 4 شهور .. وخذيت ادوية قوية وصفها لي الدكتور .. نشفت الحليب اللي بصدري .. والله اني كنت اتم اليوم بكبره تحسس صدري اذا فيه حليب من دون فايدة .. والحين ولدي عايش عالمرضعة والحليب الصناعي .. وحتى لما احطيه مرات عصدري يمصه ويقعد يصيح لانه مافيه حليب .. بس شو نسوي هالشي مب بايدج .. وعفكرة انا بعد صدري اليسار فيه حليب اما اليمين نادر مايكون فيه حليب .. قولي الحمدلله .. ترا الحليب الصناعي بعد فديتج فيه وايد معادن وفيتامينات .. وانتي حاولي ماتضايقين بعمرج .. وعوضي عن حليب صدرج .. بالخضروات والفواكه والاكل الصحي هاي تزيد مناعة الياهل بعد .. وهذا نصيب ولدج .. وخلاص لازم تتقبلي الموضوع .. انا قبل كنت شراتج وايد اصيح .. بس الحين لا .. لاني اركز الحجين على اكله واحاول كثر ما اقدر يكون صحي وفريش

**أحب زاايد** · 2009-12-18, 03:02

فديتكم والله خواتي الله يخليكم ويحفظكم يااارب ويسعدكم والله شوي ارتحت من كتبت لكم وردودكم طمنتني. بس والله ضيقتي مب بيدي دايما ايي فبالي اني قصرت وااايد من هالناحيه ويكسرون خاطري فديتهم. يعني فيه يهال ماشالله رضعوا سنتين كاملات وهم بس شهرين تقريبا أحس حرااام

**أحب زاايد** · 2009-12-18, 11:29

سبحان الله وبحمده سبحان الله العظيم

**احتاجك..** · 2009-12-18, 11:49

اب اب اب اب

الموضوع: الله يخليكم ردوا علي

أدوات الموضوع

عرض