أنا غلطانة لكن

**حبي و غناتي** · 2009-12-17, 08:38

خواتي أنا من كثر ما لاحظت فهالمنتدئ تعاملكن الراقي ومساعدتكن لبعض حبيت اتساعدوني فمشكلتي
أنا يا خواتي ريلي عصبي لكنه حنون ويحبني بس مشكلتي اني من غيرتي الزايدة بين فترة وفترة افتش تيلفونه وأنا أعرف انه هذا غلط بس ما أعرف الشيطان يقص علي واسويها
والسبب اللي يخليني اشك اني أكثر من مرة لاحظت مسجات من حريم وياه فالدوام وصلت ابهم الحقارة لأنهم ايعرضون أنفسهم لدرجة كاتبة أنا الكل يتحرش فيني بس ما أبا غيرك انته ليش تتجاهلني خلاص أنا ثقلت عليك هاي اخر مرة اطرش .
ومن عقبها وأنا الوسوأس ما يخليني كم مرة نتزاعل بسبة هالسالفة ويحلفلي انه ما يحب غيري واخر مرة وعدته اين ما نبش في فونه لكن ما قدرت.
هذا من ثلاثة أيام واتزاعلنا وسبني وسب أهلي وجرحني وأاإائد بالكلام أنا بعد رديت ما رضيت على هلي ولين البارحة ما يكلمني سرت له واعتذرت له عن غلطتي قلت ما عليه ما أبا
ربي يغضب عليه أتخيلوا عقب ما خذ اللي يباه قالي بكل ببرود سيريي رقدي مكانج ووعيني للدوأم أنا. هنيه احتقرت نفسي وحسيت اني جماد وتميت طول الليل اصيح لين ورمت عيوني وهو في سابع نومة .
وأنا الحين ميتة قهر وهو في الدوام فديتكم طولت عليكم بس ما أ عرف شسوي؟ ساعدوني مخي ضايع من التفكير والصياح وحسيت جد بالاهانة

المزيد من آخر المواضيع من نفس القسم:

**lamiae ammari** · 2009-12-17, 08:46

up up

**دلع بو راشد** · 2009-12-17, 09:02

لو انآآ محلج .. وشفت مسج هاي الحرمه انهآآ كاتبه اني تجاهلني .. ببعد اشك عني عقب هالكلام .. يعني لو هوه يباهآآ جان تم يعطي وياها وما اجاهلها ..

عيل لو شفتي مسجاات حريم وهوه راد عليهن شو بسويين ..!

الله ييسر اموركم ..

**bellegirl** · 2009-12-17, 09:06

لا حول ولا قوة إلا بالله

كبري عقلج الغالية والي تسوينه تمين تستغفرين طول اليوم لا تتوقفين ,, وماعليه صح انه خذ الي يبغاه بطريقة مول مب حلوة بس أحسن عن يدوره برى اختي ,, ربي يهديكم لبعض ,, انسي السالفة وخليج عادية ,, لا تردين تتكلمين في المشكل ويوم يرد حاولي تكلمينه عادي جنه ما استوى شي ,, واحسن تطرشين له مسج طيب منج , يحنن قلبه

وربي يسخركم لبعض

**حزينة زايد** · 2009-12-17, 09:59

ماعليه اختي اللي صار صار بس لا تحسسينه انج مب واثقه فيه وقتها هو بيتم يفكر فالمسجات وتشغل باله ويمكن لا سمح الله يقول حرمتي ادور المشاكل بكلم غيرها يمكن ارتاح وياها .. حاولي اطرشين له مسج مثل ما قالوا البنات وفرصه الحين ويك اند طلعوا وغيروا جو وخلج وااايد كوول وما جنه استوا شي واستقبليه بابتسامه حلوه وربي يوفقج

**اخت بوحميد** · 2009-12-17, 11:53

الله يهديه لج

**بيبي قيرل** · 2009-12-17, 12:00

غناتي ... هو يحبج وحلف لج .. ودام انتي قريتي المسج ومكتوب فيه ليش تجاهلني يعني ريلج مايحط عينه الا عليج من زود حبه لج .... وهو مايرخص بج ابد ... بس انتي الوسواس ضارب عقلج ... ابعدي عن هالشي وذكري ربج ... دامج تحبينه لاتحاولين تزعلينه ... وبعدبن مافي حد يغلط حتى أدم غلط بحياته ...

تعوذي من الشيطان ...

**أحلى الفراشات** · 2009-12-17, 12:22

حبيبتي مبين من المسج أنه ريلج مب عاطنها ويه فلا تخلين الشيطان يلعب بعقلج وانت مره ثانيه لا تفتحين معاه الموضوع لأنه جيه انت تلفتين نظره لها البنت كل ما فتحتي معاه الموضوع والله يبعد عنكم هاللوث من البنات ويربط بين قلبج وقلب ريلج ياارب..

**حبي و غناتي** · 2009-12-17, 13:46

فديت كل فراشة مرت و عطرتني بتفاعلها الطيب والله نعم الخوات ريحتوني و ساعدتوني الله
يباركلكن فازواجكن وعيالكن

**ام ريحة** · 2009-12-17, 13:57

حرام عليج الريال محشم عمرة وانتي تغثينة بالشك والريال ماغلط عليج الا لنة طفش صدق
المفروض توقفين معاة واتحبينة زيادة على وفائة لج وتسمعين كلامة واذكرينة انة حبيبج اللي ودر العالم كلة عشانج وانتي رهن اشارتة
عشان يزيد الحب بينكم والوفاء وصدقيني الريال يبة عطف وحنية ودلع وقد ماتعطينة بيعطيج زووود

**ملاك ...** · 2009-12-17, 14:01

لا تحسسينه انه كل شي في حياتج اهتمي في نفسج وعيالج وبيتج وأهلج اياج تخبرينهم بالموضوع اعتذرتي خلا ص لا تكررين اعتذارج خليه فتره مو يعني لا اتكلمينه بس وجهي اهتمامج لنفسج واتعوذي من ابليس لو يبي يسوي شي بيسويه رضيتي ولا ما رضيتي بعد فتره اشتريله هديه بسيطه

**قصر المحبه** · 2009-12-17, 16:28

الله يسخره لج

**ساسي ذهب** · 2009-12-17, 17:37

انا ملقووفه بس الله يهنيييييكم والبنات ما قصرواا انا من رايي تطلعووون ولا تفتحين هالسالفه مره ثانيه جدامه وعيشوا بسعاده والله لا تفتحين عليج باب انتي في غنى عنه ..

**غبووش** · 2009-12-17, 17:40

الله يفرج همج الغالية

**ذبول الورد** · 2009-12-17, 17:43

عورتي قلبي يالغلا ...... الله يسخره لج

الموضوع: أنا غلطانة لكن

أدوات الموضوع

عرض

أنا غلطانة لكن

المزيد من آخر المواضيع من نفس القسم:

المواضيع المتشابهه

غلطانة.. بس السالفة ما ترزى

أنا غلطانة و لا ذوقي مب حلو ؟؟؟

شو رايكم بموقفي صح والا أنا غلطانة ؟