يايمه الله يرحمج

[أم ريمااني]

يايمه وينـج عذبتنـي الليالـي ؟؟
ليتج تشوفي
الحال وشلون منصاب
ليتج تشوفي
الهم وأوضـاع حالـي
ليتج تشوفي
الدمع وشلو ن سكّـاب
ليتج تشوفي
اللـي بعدكـم جرالي
حتى الفرح يايمه وياج قـد غـاب
أمشي و أنايا يمه همـي ظلالي
وأخفيت جرحٍ يايمه مابعـد طـاب
لامن طرالي جرح مع الايام
سالت دموع العين من بين الاهداب
ساعة رحيلج يابعـد كـل غالي
انهار حلمي وانكسر قلب معطـاب
خاوتني الحسره وحزنـي غدالـي
اوفا صديقن لي من دون الاصحاب
يايمه شفت الويـل وانـا لحالـي
تركتيني للوقـت ولضيـم الايام
العيش دونـج والزمـن ماهنالـي
موحش بدونج يابعد كـل الاحبـاب
واجهت انا الدنيـا بكـل أحتمالي
أسد بـاب وتنفتـح بعـده أبـواب
أعيش في حزنـي وهـمّ ارتاحلي
أشيل حمل جبال يايمه وهضـاب
مالي عضيدٍ فـي حياتـي موالي
أنخاه لاضاقت معي كـل الأسبـاب
آخـذ برايـه لا تسكـر مجـالـي
وفيه أعتزي كان الزمن كشر الناب
مالي سند غيرج ولا لـي ولا لـي
غيره سواء المعبود هو رب الارباب
أرجيه سبحانـه عظيـم الجلالـي
يرحمج ياعرب السلاله واالأنسـاب
وينزل على قبرج حقـوق الخيالـي
ويجعل عليه الخير والوبل ينسـاب
ويجعل مقامج في جنـانٍ معالـي
وينجيج من شر الهوايل والاصعاب



خواتي ترى الوالدة متوفيه من عشرين سنه وأكثر ..اعذروني ..ولكن حاجتي لها هي سبب رثائي لها


يالله الي رحمته عدت حدود المستحيل
صبر القلب الحزين الي فقد نبع الحنان
رغم طول الوقت مابين القصيده والرحيل
اشهد ان القلب يفقدها ولو طال الزمان
لاتلوموني ترى الي فاقداه ماله مثيل
كيف ماافقدها وهي عندي لها قدر ومكان
شفتها مرات قليله لكن المده قليل
شفت صورة وجهها فيه الموده والأمان
منوتي شوفه عليله تشفي القلب العليل
ودي أسعد في لقاها واطلق لحزني العنان
واتمنى شوفها دايم صباح وكل ليل
كل يوم ودي اشوفها حتى لو بعض الثواني
اعذروني والله الي فاقداه ماله بديل
احمد المولى على حكمه عظيم وله شان
هذي امي شفتها رؤيه قبل وقت طويل
لانها ماتت وانا طفله مدري وش كان
يالله اجعل قبرها روضه من الجنه ظليل
وفي جنان الخلد نتقابل واشاهدها عيان

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

[@أم عمر@]

الله يصبرج ويعينج على فراق الغالية

[ثوم]

الله يصبرج ويعينج على فراق الغالية

[((خفايا روحي))]

الله يرحمها ويغفر لها ويرحم امواتنا واموات المسلمين اجمعين
والله يصبرج ويربط على قلبج ويعينج
والله يصبر كل من فقدت امها وأبوها
ويحفظ لنا أمهاتنا وآبائنا ويعطيهم الصحه والعافيه
اللهم آمين


كلمات ومرثيه جميله

[@ام شما@]

الله يرحمها ويغفر لها
والله يصبرج ويربط على قلبج ويعينج
والله يصبر كل من فقدت امها وأبوها

كلمات ومرثيه جميله

[بنت الشوامس 2]

الله يرحمها ويغمد روحها الجنه
ويرحم ابويه ويغمد روحه الجنه يا ربي

[ام سعيد 2001]

الله يرحمها ويغمد روحها الجنه
ويرحم ابويه ويغمد روحه الجنه يا ربي

[ليتني قبر زاي]

الله يرحمها ياربي..

دعواتج ألها غناتي..

وربي يصبرج..

[An!mE]

الله يرحمها

والحين همتكم أنتي وخواتج .. في زيادة أجرها

فلم يبقى لها سوى صدقتها الجارية وعلم نفعت به غيرها وأعماكم من أجلها

[أم ريمااني]

مشكورات خواتي ..تراها الوالدة متوفيه من عشرين سنه او أكثر ..بس حاجتي لها أكثرررررررررررررررررر وأكبررررررررررررررررررررررررررررررررر من الدنيا والي فيها ..الله يرحمها ويغفر لها ويطول بعمر ابوي ويحسن خاتمتنا ويجمعنا بالفردوس الاعلى يارب..

[bissanza]

الله يرحمها ويغمد روحها الجنه

[أم ريمااني]

لا اله الا انت سبحانك اني كنت من الظالمين..

[أم ريمااني]

استغفر الله الذي لا اله الاهو الحي القيوم واتوب اليه..

[أم ريمااني]

اللهم انت ربي لا اله الاانت خلقتني وانا امتك وانا على عهدك ووعدك ماستطعت ابوء لك بنعمتك علي وابوء بذنبي فغفر لي فإنه لا يغفر الذنوب الا انت..

[ريم العاصمة]

أنتي نفس حالتي يا أختي والله يصبرنا ... الله يرحم امج وامي وجميع امواتنا المسلمين .... ومشكوره على الابيات صدج كلمات مؤثره وحلوه ...