هيلب مي ..أنا ضايعة :(

[عاشقة الغلا]

السلام عليكم ورحمة

بنااات انا ضايعة والله كل يوم ارد البيت متضاايجة ..ما في يوم فرحت فيه من اول ما داومت ..
كل يوم مشاكل ..كل يوم ضيج وقهر ...الشي اللي مضايجني صدق اني انا اول مرة اداوم ومب متعودة اني اتحمل المسؤولية ..أبغي حد يخبرني شو لازم اسوي وشو لازم ما اسوي...

انا حاليا متدربة لاني يديدة في الوظيفة والمفروض يعلموني الشغل .بس مسؤولي مول ما يعلمني ويعطيني أشغال صعبة .!! ويوم أسآله يقولي تحملي المسؤولية ويخليني ضايعة ..!! انزين خله يراعي اني انا بعدني يديدة ...والله ما عرف شو اسوي بالشغل اسأل واسأل واخر شي يطلع اني انا اللي مسوتنه غلط ..!! ويصرخ علي ..! انا ما احب حد يصرخ علي ويطلعني اني انا الغلطانة

كل حد من ربيعاتي يقولون ان مسؤولج يبا يعلمج بس بطريقة انج تغلطين وتتعلمين بس انا مب متحملة هالاسلوب ومب متعودة انه حد يعطيني شغلة ويخليني ضايعة ... والله قمت حتى ما اسآله في شي اخاف يهزبني انا بعد وايد حساسة بسرعة ييني صيااااااااااح ..!!! بس ايود عمري ..!!

محد حاس فيني ...والله اني وايد اشد حيلي ...بس اكره يوم مسؤولي يعطيني شغل فوق مستواي ...وحتى ما يعلمني الشغلة بعد وما يقولي انا سويت صح ولا غلط ..على الاقل لو قالي بعرف انا شو اللي اسوويه ..!!

تعبت والله من الدوام ..ابا افضفض والله من القهر اللي فيني بسس الله كريييم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غاليه الحمادي]

حبيبتي ..

سوي الشغل عادي
و اذا طلع غلط ناقشيه .. قوليله انتي ماقلتلي كيف اسويه !!
او قوليله انت قلتلي تعلمني .. و كآآآني اتعلم .. حبه حبه و بصير شاطره ..



ما عليج منه .. خليه يولي و ماله حق اصلا ً يرفع صوته عليج ..
يهبي الا هو .. وين قاعد !!
يتكلم بأحترأم و ادب .. اوكيك .. بس يقل أدبه و يصرخ و يرفع صوته و مآدري شو .. مب من حقه ..




حياتي
دايما ً اول الايام تكون صعبه !!
حتى بالدراسه .. يوم نروح الكليه بأول الايام نكون كارهين عمارنا .. بس عقب شوي شوي نتعود




الله يسهل عليج يالغلا و يوفقج

[عاشقة الغلا]

تسلمين غالية الحمادي على الرد..
يعطيج العافية

[نبضة أمل]

مب من حقه..دام انج متدربة..بس تعرفين شغلي مخج عدل شوفي شقايل الموظفات يسوون الشغل

وحاولي تتعلمين منهن..المسؤول ماعنده حد يحاسبه؟!

ماأدري شو المغزى من تصرفاته..بس انتي ذكية وخطوة بخطوة بترومين تتعرفين على شغلج بدون منيته

وربي يوفقج في شغلج اليديد

[ام سلطان 88]

حبيبتي خلي شخصيتج قويه شويه عسب لحد يقول هذه هبله وعفوا ع الوصف تراج بتتعبين


ومثل ماقالن الخوات ناقشيه وقولي له خل حد من البنيات في القسم يعلمني

ولاتخافين الا من ربج وبس

[دبي للابد]

لاتاخذين الموضوع بحساسيه بالعكس اعتبري هذا تحدي عشان ترفعين مستواج

[فراغ العاطفة]

والله حاااسة فيييييييييج شيختي..
وإن شاااء الله تتغلبين عل هالصعوووباااات...
وأتمنى من الله يوفقج ياااارب...
ويسهل عليييييييييييييج..؟؟

[amirah_love]

يالغالية شي طبيعي في كل وظيفة وف بداية الامر لازم تحسين بضيجة بالبداية كونج يديده وما تعرفين شي ... انا مثلج في بدايه الامر كنت اتضايج يمكن يلست اكثر من شهر ومحد معطيني ويه ... بس عقب اشوي اشوي تعلمت والحين توني بكمل 6 شهور وبعدني اتعلم والي يسألج ما يتهج .... ونصيحتي اهم شي لا تبينين لاي أحد ضعفج وانج ما تقدرين .. بيني قوتج حتى لو ف داخلج ما تعرفين شي !! وترى المدير يمكن يختبرج تقدرين تتحملين من البدايه او لا!!!\

وفي النهايه توكلي ع ربج وموفقة ياربي ^^

[صفوويه]

اوو فراغ العااطفه منووره المووضووع >>> ادري طلعت عن النص خخخ


بالنسبه لصااحبة الموضووع .. فديتج لاتضاايجين ولااشي كلها بداايه امر صعب ويتعدل الوضع ان شااااااااء الله ... اهم شي انج تتعلمين من خطأج وماتكررينه .. وهو مجبوور انه يفهمج كل صغيره وكبيره فالشغل عبس تعرفين وتأدين الواجب صح ..

بس ماعليه اتحمليه لاانها فتره وبتعدي

والله يوووفقج غنااتي

[الجـــوريـــ]

الغاليه .. هذا دواااام ومسؤووليه .. انتي تستلمين راااتب والمفرووض تنجزين شغلج ..
حياااة الدلع والوناااسه وعدم تحمل المسؤوليه والتحسس الزاايد عن اللزوم مب للشغل ..

غيرج واايدات يتمنن الشغل ومب امحصلااات ..

عاادي كلنا غلطنا واتحاسبنا واظاايجنا ف البداايه .. بس خلااص الوااحد يتعلم من غلطه ويسأل انشالله عشرين مرة مافيها شي لانه محااسب داام انه موظف ويستلم معاااش .. اسئلي اربيعاتج الموظفااات او اي حد بس لا اتمين جذي ..

الغاليه ..اغلطي ما فيها شي .. بس العيب انج اتمين شرااات ما انتي والحجه انج مب متعوده ع تحمل المسؤوليه وحساسه

ربي يوفق الكل انشالله

[شوق الكتبي]

وربي يوفقج في شغلج اليديد

[mystery 4 U]

حبيبتي هوو اول الايام دوام عسب جي صعب عليج

بس عيبني اول رد في الموضوووع لـ "غاليه الحمادي"

واهم شي خلج واثقه من عمرج وقدراتج

وانتي المجال اللي تشتغلي فيه حاولي تاخذي خلفيه عنهاا من الموظفين

ولو موظفين مش بنفس الجهه اللي انتي تشتغلين فيه من شركه ثانيه

حاولي تعرفي شو مسؤولياتج فالدوام


وبالتوفيج الغاليه

عسى ربي يوفقج

[ريمـانـي]

حبيبتـي مافيهـا شي فديتج لآتخافين ولآ ترتبكين ولآ شي سيري عنده وقولي له أبا أفهم الشغل عشان أسويـه كيف تباني أسوي شي وأنا مب فاهمتنه بالعقل يعنـي!!!!

وقولي له لكـ الحق تهزبنيـه يوم أكون فاهمـه الشـي وأسويه غلط أو لكم فتره تعلمونـيه وأنا مابا أستوعب الشغل !!

[طفله خجوله]

للاسف والله انا شراتج ..
بس بعدني ماحصلت هزبه
والله انا حالي من حالج ماحب حد يهزبني ع طول بصيح
صدق ان الرياييل عفان الله دفاشه

[كيكه حلوهـ]

سبحان الله وبحمده