مرحبا

**لك القرار** · 2009-12-14, 09:20

مرحبا الغاليات

انا متحوله لبيتي اليديد من فتره وهو جاهز تقريبا من كل شئ وبغيت اعزم اهل ريلي للبيت وهم تقريبا فوق الخمسين شخص يمكن بس بغيت افكار يديده اذا حد مسوي ولاني ابغي شئ مميز وللصغاريه عن الحشره وتدمير البيت خخخخخخ بغيت شئ يشغلهم وما ينخشون في الفيلا

بليز الغاليات اللي سوت شئ مميز او شافت لا تبخل علي

ومني لج دعوه حلوه

تسلمون

المزيد من آخر المواضيع من نفس القسم:

**ماحد شراتي** · 2009-12-14, 09:25

إن شاءالله البنات بفيدنج حبوبه
بس ليش ما تسوين بوفيه مفتوح؟؟؟

**بنت النوووور** · 2009-12-14, 09:27

اول شي الغالية مبروك على البيت الجديد وعساه بيت سعادة وحب ان شاء الله والله يديم عليج الفرحه

الغالية سووي بوفييه في الحيوي اذا حويج عود وعن اليهالو

نصيحة اخذيلهم دفاتر رسم والوان خلهم يلونون شو ما بستانسون وعطيهم كذا دفتر عشان يطولون واذا عندج مرحانه شي احسن

**دمعة غـلا** · 2009-12-14, 09:45

نحن دايما يسوون بوفيه مفتوح ف الحوي مع الطاولات والكراسي...

واذا عن الصغاريه وعندج مكان ف الحوي اجري العاب حق اليهال مثل النطاط العووود وحده من اهلنا جي سوت عسب ما يخيسون بيتها واظن كان ع 400 يعني مب وااايد في سبيل انج تحافظين ع بيتج من الخرااااب

وسوي ركن ثاااني حق اليهال اشيا يحبون يسوونها سالي امهاتهم شو يحبون او خليه حق الرسم بس ماظن لان
عادي يشخبطون ع اليدار وهني بتظهر لج مشكله ثاانيه

اوممكن تحطين لهم العاب مرحانه وهالسوالف اذا تقدرين واذا لا بس خلج ع المطاط اكييد بيستانسون فيه

ممكن تشتريلهم اشيا حق حفلات الميلاد واتوزعينها عليهم عسب ينشغلون القناع وهالسوالف

واذا عندج حد مؤهل للصغاريه سويلهم فقرة المسابقات ومع الهدايا منها الوقت بيمضي ومنها بيستانسون ومنها

بينسون شي اسمه فيلا عسب يدخلونها

بصراحه هاي الافكار الي تخطر ع بالي لان نحن جي انسوي تقريبا واتمنى اكون اني افدتج ولو شي بسيط

**بنوته18** · 2009-12-14, 10:08

مبرووووووووووووووووووووووك
وبيت الهناااااااااااا يارب

**لك القرار** · 2009-12-14, 11:51

مشكورين يالغاليات عالردود واختي دمعه غلا فكرتج عيبتني اني اييب حد ويسولهم فقرات بشوف من هالفلبينيات اللي يسوون عروض العيدميلاد وصدقج والله اخاف الا يشخطون عاليدار خخخخخ مشكله بعد
وتسلمون الغاليات

**دوده حمراء** · 2009-12-14, 11:57

السلام عليكم ورحمة الله وبركاته...

مبروووك .. الله يعطيج خيره يارب...

الغاليه ... اجري لهم هااي النطاطيه العوووده وااايد حلوه بيلعبون وبينشغلون عنج وعن البيت ...

**ورده*جـوريه** · 2009-12-14, 11:59

**دمعة غـلا** · 2009-12-14, 14:59

المشاركة الأصلية كتبت بواسطة لك القرار

مشكورين يالغاليات عالردود واختي دمعه غلا فكرتج عيبتني اني اييب حد ويسولهم فقرات بشوف من هالفلبينيات اللي يسوون عروض العيدميلاد وصدقج والله اخاف الا يشخطون عاليدار خخخخخ مشكله بعد
وتسلمون الغاليات

العفو فديتج تدرين بتحصلين دعايات ف الوسيط كذا مره شفت الدعايات وان شاء الله اكون افدتج

**bnooota** · 2009-12-14, 16:29

المشاركة الأصلية كتبت بواسطة دمعة غـلا

نحن دايما يسوون بوفيه مفتوح ف الحوي مع الطاولات والكراسي...

واذا عن الصغاريه وعندج مكان ف الحوي اجري العاب حق اليهال مثل النطاط العووود وحده من اهلنا جي سوت عسب ما يخيسون بيتها واظن كان ع 400 يعني مب وااايد في سبيل انج تحافظين ع بيتج من الخرااااب

وسوي ركن ثاااني حق اليهال اشيا يحبون يسوونها سالي امهاتهم شو يحبون او خليه حق الرسم بس ماظن لان
عادي يشخبطون ع اليدار وهني بتظهر لج مشكله ثاانيه

اوممكن تحطين لهم العاب مرحانه وهالسوالف اذا تقدرين واذا لا بس خلج ع المطاط اكييد بيستانسون فيه

ممكن تشتريلهم اشيا حق حفلات الميلاد واتوزعينها عليهم عسب ينشغلون القناع وهالسوالف

واذا عندج حد مؤهل للصغاريه سويلهم فقرة المسابقات ومع الهدايا منها الوقت بيمضي ومنها بيستانسون ومنها

بينسون شي اسمه فيلا عسب يدخلونها

بصراحه هاي الافكار الي تخطر ع بالي لان نحن جي انسوي تقريبا واتمنى اكون اني افدتج ولو شي بسيط

كلامها سليم

الموضوع: مرحبا

أدوات الموضوع

عرض

مرحبا

المزيد من آخر المواضيع من نفس القسم:

المواضيع المتشابهه

مرحبا ... مرحبا والله ... تفضلوا ...

!@#$%^ .......مرحبا مليار ولا يسدن قربن ... يا مرحبا الساع تبنى شيل تعالن..... !@#$%^

مرحبا مرحبا مرحبااااااااااااااااااااااااااااااااااااااااااا

مرحبا... مرحبا الساع.. في ميلس الظبيانيه... مرحبا الســـاع