مهمومه من ........ !!

**بندوله حلوه** · 2009-12-11, 13:08

السلام عليكم ورحمة الله وبركاته ...

بنات أنا ابا وحده تريح قلبي ... أنا فيني السكري من أول ما عرست وعندي خمول فالغده الدرقيه ... ومن فتره حملت بعد ما كملت 3 سنوات من زواجي بس للأسف ما اكتمل حملي فالأسبوع السابع توقف نبض البيبي وطاح وااايد زعلت بس نفس الوقت قلت الحمدلله على كل حال اذا كان من نصيبي كان بيتم لكن هذا مب من نصيبي ... سألت الدكتوره عن السبب قالت ان السكري عندي هب منتظم .. اضاايجة زيااده رغم اني واايد حارمه عمري ومحافظه لأبعد الحدود ... المهم ألحين هالشي مأرقني ومخوفني من الحمل مره ثانيه ... أخاف أحمل ونفس الشي ما يتم البيبي ...

بنات اللي أبا أعرفه في وحده عندها سكري قبل الحمل وحملت عادي وتم البيبي ؟؟ والا اللي عندها سكر ما يتم البيبي ...؟

خاطري أحمل بس خااايفه وااايد ... ولين يومكم يوم أسأل الدكاتره ولا حد رد علي رد يقنعني ...

واللي تحمل وفيها السكر لااازم تربي بقيصريه ؟؟؟

.... اللي ترد علي الله يرزقها مناها يااارب ....

ربي يرزقني ويرزق كل وحده تتمنى الذريه الصالحه يااارب ...

المزيد من آخر المواضيع من نفس القسم:

**بندوله حلوه** · 2009-12-11, 13:13

الله يطمن قلبج عزيزتي ...

**Looooonely** · 2009-12-11, 13:58

مممم أول شي نظمي السكري وعقب حملي..
لانه لو تم مب منتظم وحملتي بتعقين..
الله يرزقج ويرزقني وياج بالحمل السليم الثابت يااا رب..

**ريوم0001** · 2009-12-11, 14:04

الله يطمن قلبج ويرزقج الذريه الصالحه

**x.maitha.x** · 2009-12-11, 14:18

لازم اتنظمينه وعقب تحملين لان اذا مانظمتيه بتعقين
ولازم دكتور يتابع حالتج

**pancake** · 2009-12-11, 14:53

الله يرزقك الذرية الصالحة

**يا الله** · 2009-12-11, 14:55

عادي اختي السكري ما يظر البيبي
انا عمتي كان فيها السكر وحملت وعندها عيال
ما شاء الله كبار. بس بعضهم فيهم السكر.
واحد منهم أول ما نولد كان فيه السكر والثاني
ياه السكر وهو عمره 15 سنة.
والله كريم
وكانت اتربي طبيعي.

**custard** · 2009-12-11, 14:59

ربيعتي فيها السكري ,,,, عقت مره أو مرتين بس عندها ما شاء الله أربعه ألحين,,
الله يرزقج ان شاء الله

**خواطر الانثى** · 2009-12-11, 15:33

انا امي كان فيها سكر وقلب وخوفها قالو مب زين تحملين خخخخخ واااايد اشياء والحمدلله ربت طبيعي ولا ياها شي وقت ولادة والحين اخوي بيكمل سنه هذا اخر عنقود من بعد 9 سنوات

**pinkyflowe** · 2009-12-11, 15:54

في وايد حريم عندهم سكر قبل الحمل ويتم حملها
والله يعوضج ان شاء الله

**موزه السويدي** · 2009-12-11, 16:36

اذا ما انتظم بالرجيم والمشي لازم تاخذين انسولين وان شاء الله بينتظم وبتحملين

**إمنوره بيتي** · 2009-12-11, 17:41

الغاليه ابصراحه ماعرف عن الحوامل اللي فيهن سكر بس بخصوص السكر اشربي حلبه واااااااااااااايد مفيده ... كنت استخدم هالشي للوالد الله يحفظه ويعافيه ونفعته وايد اللي هي الحلبه وحتى المره وايد ممتازه للسكر ..

وفي طريقه ثانيه واصلتني عن طريقه المسج وهي ,,

( ورق شجرة الزيتون ..,طريقة عمله بسيطه جدا هي ان تغلي كمية من ورق الزيتون مايملي كفيك منها من الورق كفيك الاثنين تغسله بالماء لتخليصه من الغبار ثم بعد ذلك تغليه بلتر ونصف ماء حتى يغلي ويقلب الماء عند غليه 3 دقائق ثم تتركه يبرد وتشخله بمشخال وتأخذ الماء فقط وتعبئه في زجاجه قزاز وليست بلاستيك وتضعه في الثلاجه وتشرب منه فنجال قهوه عربي كبير او فنجال شاي قبل الفطور وقبل الغداء وقبل العشاء يعني 3 مرات يومياً

مكتوب مع وقف الحبوب وانا مانصحج بهالشي .. اول شي جربيه مره في اليوم وتابعي السكر اذا استقر ولا لا ...

والله يعافيج ان شاء الله ..

**بنت الغول** · 2009-12-11, 19:01

الله يطمن قلبج ويرزقج الذريه الصالحه

**العيناويه3** · 2009-12-11, 22:10

انا اعرف اكثر من وحده ما شالله كبيرات في السن وعندهن سكري ومن النوع اللي دايما مرتفع عندهن بس ما شالله عندهن عيال بس لازم متابعه مستمره

**بدوية سبيشل** · 2009-12-11, 23:22

انا اعرف وحده عندها السكري ما شاء الله تبارك الرحمن عندها اثنين الله ان شاء يرزقج ويرزقنا الذرية الصالحة

الموضوع: مهمومه من ........ !!

أدوات الموضوع

عرض

مهمومه من ........ !!

المزيد من آخر المواضيع من نفس القسم:

المواضيع المتشابهه

مهمومه

الى كل مهمومه ..

الى كل مهمومه

مهمومه

مهمومه