ولدي مريض

**ام حــور** · 2009-12-10, 21:34

السلام عليكم
خواتي انا ولدي باجر ان شالله بيكمل شهر الله يطول بعمره
عنده زكام وبلغم وايد فصدره وتنفسه وايد تعبان

قريت موضوع عن الاخت اللي داهنه بينتها بزيت زيتون ومسمار او شي جي الطريقة زينة او لا ؟؟

في حد عنده طريقة تخلي الزكام والبلغم يروحون لان وايد معورلي قلبي

ومشكورين

المزيد من آخر المواضيع من نفس القسم:

**ام حــور** · 2009-12-10, 21:50

ونسيت اقولكم انه فيه كحة والكحة وايد متعبتنه

**ام.سيف.** · 2009-12-10, 23:01

انا عن نفسي ادهن ولدي بزيت زيتون دافي يوم يمرض ..(:

الله يشفي بنتج...

**:: الخقآقهـ :** · 2009-12-10, 23:34

انصحج تسيرين للدكتور وربي احسن بدل لا تيلسين تجربين هالاشياء

**lollicious** · 2009-12-10, 23:42

دفي الولد بقد ما تقدرين
وقطري في خشمه اشتري قطور
وعطيه كركم شويه في ماء
وحد يقول يحط لبان انا ما جرب لين هالحين
بس دفيه بيروح عنه صدقيني

**غنوجة** · 2009-12-10, 23:45

حبيبتي ولدي من قبل العيد يته هالحاله ورحت لدكتوره اطفال وصورت صدره ولقته ملتهب وقالت لازم يترقد في المستشفى حولتني على المستشفى وكتبت له مضاد
ماقدرت انومه لان كان فتره العيد واستخدمت المضاد 7 ايام وحال كما هو ماتغير بلغم ثقيل في صدره وبصعوبه يكح ويشرق وايد
رحت لدكتور اختصاصي صدر ورئه وجان يهزبنا قال كيف مخلينه على هالحال حرام عليكم هذا طفل مايستحمل نفس الكبار
وعطاني مضاد غير وقاشع للبلغم وقطره للخشم ولله الحمد كمل اربع ايام اليوم ونظف صدره من البلغم وقالي استمر على المضاد بعد اربع ايام وأراجعه
اسم الدكتور
ناصر
في مركز ناصر الطبي
في مركز حمر عين
في دبي
وربي يشفيلج ولدج وعلى طول طبطبي على صدر وظهره والاطراف ومسحي على تحت هذي الطريقه تنزل البلغم وايدج تكون ملمومه شوي مش مفتوحه
استعملي طريقه الطبطبه 6 مرات او اكثر اذا قدرتي لانها مفيده
وربي يشفي جميع اطفالنا

**غنوجة** · 2009-12-10, 23:49

نسيت اقولج
لا تسبحينه هالفتره
ونوميه في غرفه بدون مكيف
ولا تخلين الهوا يضرب عليه مباشره
ولا اطلعينه برا البيت
ولا تخلين حد مريض يقرب عليه او يبوسه

**@ام حمد @** · 2009-12-10, 23:55

اختي وديه المستشفى احسن نفس حالة ولدي الله يحفظه ما خف عنه
الا لما عطوه اكسجين لمدة 3 ايام وعطوه مضاد حيوي مدة 7 ايام
الله ايعافيه وديه الغاليه صغير ما يتحمل

**فراق الحبايب** · 2009-12-11, 00:08

الله يشفيه

**خيماويه 999** · 2009-12-11, 00:38

والله حالتج نفس حالتي
ولدي بعمر ولدج يومين ويكمل شهر
وديته الدكتوور وعطاه قطووور بس وقالي نظفي خشمه باشفاطه
ووصفى البابونج من العطار قالي اعطيه لان زين حق الكحه
وللحين ولدي فديته الله يعافيه ويعافي ولدج طمنيني وتواصلي وياي الغلا

**ميرة المزروعي** · 2009-12-11, 02:59

مايشوف شر

ادهنيه بزيت زيتون دافي ويا فكس مال اطفال واذا ماعندج حتى الفكس العادي بس حطي شويه بس قد مايلمس اصبعج ودهني صدره وظهره وباطه كل يوم قبل الرقاد

وعشان الزجام عليج بالمحلول الملحي كل 3 ساعات

هذا عن تجربه

**ام حــور** · 2009-12-11, 10:17

انا وديتيه مستشفى خاص وعطوني دوا بس الكل قالي ها ياهل ومايتحمل الدوا
بعدين وديته مستشفى حكومي وقالي الدكتور لاتعطينه اي نوع دوا لانه مب زين ماعرف كيف الدكاتره واصفيلكم مضادات حيوية احس ان هالشي الياهل مايتحمله والدكتور بس عطاني قطور ماي وملح

ومشكورين ع كل اللي ردوا علي

الموضوع: ولدي مريض

أدوات الموضوع

عرض