اعاني :(

**فـراشـة** · 2009-12-09, 13:59

السلام عليكم شحالكم خواتي عساكم بخير

انا الحين فالشهر السادس واعاني من حرقان فالمعده واااااااااااااااايد متلعوزه ماروم ارقد عطوني دوااا بس ي
يخف شوي ويرد مره ثانية الويع ....

عادي وله لا انا خايفه ...وبعد قالوا لي مشيمه شوي نازله

شو اسوي ؟!

والسموحه

المزيد من آخر المواضيع من نفس القسم:

**خيماويه 999** · 2009-12-09, 14:10

الله يعافيج حبوووه ويسر عليج

بخصوووص المشيمه ارتاحي وارفعي ريولج اشوي

وان شاء الله البنات يفيدونج اكثر

**miss_sweety** · 2009-12-09, 14:22

حبوبه هالحرقه عاديه .. لان فهالشهر يظهر شعر للياهل .. فهذا احساس عادي

**custard** · 2009-12-09, 14:28

الحرقه كل الحوامل فيهم,, شو الدوا اللي عطوج اياه؟ انا اللي استعمله وايد زين.. بخبرج اسمه جان تبين

المشيمه,,,, لا تمشين وايد,,, خلي ريولج دوم مرفوعه,,, ان شاء الله ترتفع

الله يسهل عليج

**custard** · 2009-12-09, 14:29

المشاركة الأصلية كتبت بواسطة miss_sweety

حبوبه هالحرقه عاديه .. لان فهالشهر يظهر شعر للياهل .. فهذا احساس عادي

لول,,, لا ختيه اسمحيلي شعر الياهل ما يخصه! الحرقه سببها انه الياهل يكبر و يضغط على المكانات مال الهضم و تبطء عملية الهضم وايد و يستوي الصاهر

**custard** · 2009-12-09, 14:32

--------------------------------------------------------------------------------

حرقة المعدة في فترة الحمل:

هي عبارة عن شعور بحرق في وسط الصدر، يصحبه رائحة كريهة في الفم، وتنتج الحرقة عن إرتداد حمض المعدة إلى المريء.فخلال المراحل الأخيرة من الحمل، يدفع الرحم المتوسّع المعدة عن مكانها الطبيعي مما يبطيء عملية خروج الطعام منها.

طرق العلاج:
1- تناولي وجبات أصغر ولكن أكثر عددآ وكليها ببطء.2
- تجنبي الأطعمة الدهنية.
3- لاتشربي القهوة، فالقهوة بنوعيها العادي والخالي من الكافيين تؤدي إلى تفاقم الحرقة.4- توقفي عن الأكل قبل ساعتين إلى 3 ساعات من الخلود إلى الفراش.
5- إرفعي رأسك اثناء النوم من 10 إلى 15 سم، إذ يزداد إرتداد الحمض في حالة النوم بشكل مسطح.

العون الطبي:

إذا لم تنفع الخطوات السابقة، فإستشيري الطبيب الذي قد يصف لك مضادآ حمضيآ آمنآ.

**3yoOon** · 2009-12-09, 14:38

والله كنت شراتج بعد ادويتهم الشراب ما تسوي لي شي

لين اختي اكتشفت حبوب رانتيداين 150 ملل يصرفونه للحوامل حبه وحدة الصبح بس وانتي طول اليوم بسلام

الحمدلله حملي الثاني وايد ارتحت اول كله احوط بخيار وروب ولا عايشة نفس الناس حتى لما رحت الكورنيش قلت لهم عندي حموضة وحرقه بغت تكتب لي دوا شراب قلت لها ابغي هالحبوب وعلى طول كتبتها لي ..
وكل موعد يعطوني منها .. ويوم تخلص وماعندي موعد اخذها من الصيدلية وعلى حسب الشركات شي منها غالي يوصل 70 وشي ب 15 ونفس الشي

جربي اسألي الدكتورة عنها

**M!ss Cute** · 2009-12-09, 18:37

جربي تشربي لبن اختي انا احس انه وايد ينفع وياي للحموضه وايد يريح وبنفس الوقت يرقدج خخخخـ

والمشيمه شرات ما قالو الخوات انسدحي وارفعي ريولج

**قلب زوجي1** · 2009-12-09, 19:21

بالنسبه للمشيمه ريحي عمرج ورفعي ريولج ونتي راقده وحرقه المعده بهالفتره يظهر شعر الجنين وكل الحوامل يعانون من هالشي.... يوم كنت حامل وايد عانيت من حرقة المعده وقلت يوم بربي اذا النونو مافيه شعر بعضه والحمدلله سلم فيه شعر...

**سمره كيوت** · 2009-12-09, 19:45

والله شراتي وتعبانه وايد من هالحرقان والله ودوا الدكتوره ابد ما نفعني

**بدر0البدور** · 2009-12-09, 20:51

للرفع

الموضوع: اعاني :(

أدوات الموضوع

عرض

اعاني :(

المزيد من آخر المواضيع من نفس القسم:

المواضيع المتشابهه

اعاني من الجفاف

اعاني من الدوخه :(

اعاني من حبوب

يا ربي اش كثر اعاني في رقادي