عطوني حل الله يخليكم

**الالماسة** · 2009-12-07, 22:57

السلام عليكم بصراحه يا خواتي انا عندي ولد عمره 5سنوات وهو في الصف الاول بس عنيد جدأ وفوضوي بشكل فضيع وين ماروح اتفشل مرات امسك اعصابي بس مرات انهد عليه واكفخه ما يحترم احد ولا يحشم........فيدوني احس بنفجر....

المزيد من آخر المواضيع من نفس القسم:

**الالماسة** · 2009-12-07, 23:06

للللللللرفع

**..غايب حبيبي..** · 2009-12-07, 23:20

الله يعيينج الصراحه أنا ولديه سنه و8 شهور وفظيييييع مايخلي شي مايخربه حتى مراضيع أخوه يشربهن بس ولدج ماشاء الله كبير حاولي تفهمينه إنه إذا سمع كلامج بتيبين له هديه أو بتودينه الألعاب يعني هاتيه بالسياسه والله يهديه يارب

**الالماسة** · 2009-12-07, 23:46

لللللللللللرفع

**بدر0البدور** · 2009-12-08, 01:12

للرفع

**الالماسة** · 2009-12-09, 07:49

وينكككككككككن يا الامهات....

**om mohd** · 2009-12-09, 09:24

والله نفس ولدي بالضبط .. وبعد عمره 5 سنين .. ولدي يسب ويضرب ويعض ويل حد يشتكي منه..الكبار والصغار .. حتى فالباص مأذي الخلق.. جربت اتعامل وياه بالزين مافاد .. وضربته واشوفه يصير عنيد بزياده..
هلكت منه تعبت .. حتى ابوه كره اليهال ومايبا عيال بسبته هههههه
ياليت لو شي حل كنت بساعدج وبفيدج.. ماعندنا غير ندعي لهم الله يهديهم بس ويحفظهم

**حلم طفله** · 2009-12-09, 13:53

الطفل يبي يجذب الانتباه و معناه لازم تهتمين فيه اكثر و تشجعينه عالتصرفات الايجابية و تكافئينه عليها
اما التصرفات السلبية فعاقبي عليها بحرمانه من اشياء يحبه و خبريه السبب لما تحرمينه تراهم يفهمون ما شاء الله عليهم لان عندي ولد في سنه و بعد عنيد و لا اتذكرين صفاته السلبية جدمه او جدام الناس او اضحكين له لان جي بيحس انه مدح له و بيزيد فيها و بيبتكر لج اشياء يديدة بعد

شوفي اختي لا تعصبين من تصرفاته و كوني هادية لانه لما اتعصبين يفرح و تكونين له مثل اللعبة اللي يحركها بالريموت كنترول
حتى لو سوا شي جدام الناس او برا مثلا في السوق سكتي عنه و لاه صاح و يلس بالارض اهمليه و خطفي و لا تستجيبين له و هو بيرد يركض وراج لا تستحين من الناس هذا ولدج و صدقيني ما بيعوده

كوني هادية ثم هادية ثم هادية معاه و بعدين خذي القرار و دايما حاوريه و ناقشيه

وشغليه بالبيت باشياء مفيدة تنمي ذكائه و خذيها بناحية ايجابية وفرحي لان هذا معناه الطفل وايد وايد ذكي
واذكري هالكلام دايما

انا عيل شو اقول عندي 3 اولاد اكبرهم بصف ثاني ابتدائي

ويربي فتحي له هالموقع وايد حلو لليهال يتعلم انجليزي و يلعب و يلون بالشخصيات التلفزيونية اللي يحبها و لا بعد بدون تنزيل

http://pbskids.org/

اّسفففففففففففففففففففففففففففففففففففففففففففففة طولت عليج
بس ما ادري حسيت فيج لانه قبل كنت في نفس المشكلة

اذا استفدتي من كلامي لما اجربينها بشريني

**حبيبة الغالي** · 2009-12-10, 04:46

المشاركة الأصلية كتبت بواسطة حلم طفله

الطفل يبي يجذب الانتباه و معناه لازم تهتمين فيه اكثر و تشجعينه عالتصرفات الايجابية و تكافئينه عليها
اما التصرفات السلبية فعاقبي عليها بحرمانه من اشياء يحبه و خبريه السبب لما تحرمينه تراهم يفهمون ما شاء الله عليهم لان عندي ولد في سنه و بعد عنيد و لا اتذكرين صفاته السلبية جدمه او جدام الناس او اضحكين له لان جي بيحس انه مدح له و بيزيد فيها و بيبتكر لج اشياء يديدة بعد

شوفي اختي لا تعصبين من تصرفاته و كوني هادية لانه لما اتعصبين يفرح و تكونين له مثل اللعبة اللي يحركها بالريموت كنترول
حتى لو سوا شي جدام الناس او برا مثلا في السوق سكتي عنه و لاه صاح و يلس بالارض اهمليه و خطفي و لا تستجيبين له و هو بيرد يركض وراج لا تستحين من الناس هذا ولدج و صدقيني ما بيعوده

كوني هادية ثم هادية ثم هادية معاه و بعدين خذي القرار و دايما حاوريه و ناقشيه

وشغليه بالبيت باشياء مفيدة تنمي ذكائه و خذيها بناحية ايجابية وفرحي لان هذا معناه الطفل وايد وايد ذكي
واذكري هالكلام دايما

انا عيل شو اقول عندي 3 اولاد اكبرهم بصف ثاني ابتدائي

ويربي فتحي له هالموقع وايد حلو لليهال يتعلم انجليزي و يلعب و يلون بالشخصيات التلفزيونية اللي يحبها و لا بعد بدون تنزيل

http://pbskids.org/

اّسفففففففففففففففففففففففففففففففففففففففففففففة طولت عليج
بس ما ادري حسيت فيج لانه قبل كنت في نفس المشكلة

اذا استفدتي من كلامي لما اجربينها بشريني

انا مع كلام الاخت واحب اضيف انه في حال ما نفع معاه اسلوب الحرمان جربي استخدام كرسي العقاب بحيث انه يجلس على الكرسي كل ما اخطاء وتكون المده 5 دقائق اذا كان عمر 5 سنوات ويمنع من الكلام اثناء فترة العيقاب واذا حاول ينزل من الكرسي رجعيه مره ثانية وثالثة ورابعه ويمكن ياخذ ايام لين ما يتعود بس يبالج صبر وكل ما ترجعينه شليه بدون ماتكلمينمه ولا تشوفين عيونه واهم شي انج قبل ما تعاقبينه تنزلين لمستواه على الارض وتمسكين يده وتفهمينه انه لازم يتعاقب على خطئه واخيرا بعد ما ينتهي من العقاب خالية يذكر السبب اللي خالج تعاقبينه اي الخطأ اللي ارتكبة عشان يرسخ في مخة ولا يكررة مره ثانية وبعد لازم يعتذرلج عن تصرفة ....واذا استمريتي على هذي الطريقة بيصير كل ما اخطأ بس قوليلة كرسي العقاب بتشوفينه بسرعه يترك الخطأ ويعتذر ......... اتمنى انج فهمتي علي والله يخليلج عيالج

**حلم طفله** · 2009-12-10, 18:22

المشاركة الأصلية كتبت بواسطة حبيبة الغالي

انا مع كلام الاخت واحب اضيف انه في حال ما نفع معاه اسلوب الحرمان جربي استخدام كرسي العقاب بحيث انه يجلس على الكرسي كل ما اخطاء وتكون المده 5 دقائق اذا كان عمر 5 سنوات ويمنع من الكلام اثناء فترة العيقاب واذا حاول ينزل من الكرسي رجعيه مره ثانية وثالثة ورابعه ويمكن ياخذ ايام لين ما يتعود بس يبالج صبر وكل ما ترجعينه شليه بدون ماتكلمينمه ولا تشوفين عيونه واهم شي انج قبل ما تعاقبينه تنزلين لمستواه على الارض وتمسكين يده وتفهمينه انه لازم يتعاقب على خطئه واخيرا بعد ما ينتهي من العقاب خالية يذكر السبب اللي خالج تعاقبينه اي الخطأ اللي ارتكبة عشان يرسخ في مخة ولا يكررة مره ثانية وبعد لازم يعتذرلج عن تصرفة ....واذا استمريتي على هذي الطريقة بيصير كل ما اخطأ بس قوليلة كرسي العقاب بتشوفينه بسرعه يترك الخطأ ويعتذر ......... اتمنى انج فهمتي علي والله يخليلج عيالج

مشكورة اختي حلوة هالطريقة بعد بجربها

**بنت الزيودي** · 2009-12-09, 15:06

حرام لاتستخدمي معاه اسلوب الضرب مب زين يزيده عناد

**الالماسة** · 2009-12-10, 07:32

شكرا حبيباتي بنت الزيودي وحبيبة غالي كفيتن وفيتن الله يصلح عيالنا يارب....

**فطمطم** · 2009-12-10, 20:18

سبحان الله وووبحمده سبحاااان الله العظيم

الموضوع: عطوني حل الله يخليكم

أدوات الموضوع

عرض

العرض المتطور