افضل مستشفيات الولاده.. والاسعار...

[ميرة الامارات]

مرحبا اخواتي...

من خلال تجربتي بقولكم عن افضل المستشفيات اللي جربتهم سواء في الحمل او الولاده..والاسعار

خلال الفترة الاولى من الحمل كانت مراجعاتي في عيادة خاصة وبعدها انتقلت الى مستشفى الوصل في الشهور الاخيره..طبعا كانت المراجعات عندهم...وبما انه من افضل المستشفيات للولاده الا انني ترددت في النهايه وفضلت مستشفى خاص..:22 (15):

الولاده في الوصل وخاصة للمواطنات بدون دفع اي رسوم..وعنايتهم جيده بحكم تجارب صديقاتي..

اما انا فولدت في مستشفى ولكير وكانت عنايتهم اوكيه خاصة وقت الولاده تكون وياج نيرس خاصة فيج تضل وياج الين ما تولدين ..وطبعا بعد الولاده يهتمون فيج وفي البيبي وايد..:22 (7):

والاسعار طبعا تصل الى 7000 درهم للولاده في ويلكير

الحين اخواتي كل وحده تكتب لنا عن احسن مستشفى ولاده تعاملت وياه وكيف كانت اسعارهم..طبعا الكل بيستفيد من خبرات بعضنا البعض...:22 (13):

المزيد من آخر المواضيع من نفس القسم:

• فوائد تناول الافوكادو للمرأة
• فوائد حبة البركة السحرية للحامل
• افضل اكلات لزيادة الحليب في فترة الرضاعة
• نصائح للتغلب على اكتئاب مابعد الولادة
• طريقة التغلب على الخوف من الولادة
• افضل روتين صحي ومفيد للمرأة الحامل
• كل ما تحتاجين لمعرفته عن نقص الحديد اثناء...
• نصائح هامة ومفيده بعد الاجهاض
• اشهر علامات الحمل ببنت
• تقرير شامل عن الحمل الكيميائي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اماراتية طموحة]

موضوعج حلو

أنا سويت package و ربيت في مستشفى الزهراء.. الصراحة تجربتي كانت وايد زينة ووياهم... وايد ارتحت من الممرضات عنايتهم كانت والحمدالله كانت زينة فيني و في بنتي.
وعن السعر تقريبا 7000 وشي (الولادة الطبيعية) ... بس لاني اتفلسفت وخذت ابرة الظهر... انجلب البيبي عندي و سوولي شفط وملقط... فكان سعرهم أكثر ...

وههههههاي يا الغالية تجربتي:12 (20):

[ظبية بوظبي]

فكره حلوه ........
اتمنى انه يكون مرجع لكل العضوات .......

وانا يوم بعرس بخبركم فى وين بولد هههههههههاي

يله نتريا مشاركات باقي الخوات

[ميرة الامارات]

شكرا اخواتي اماراتيه طموحه وظبية بوظبي على المشاركه في الموضوع...

امااراتيه طموحه... ربيتي في الزهراء اللي في الشارجه ولا دبي؟؟

واي دكتوره ولدتج؟؟

[*أم اسمـــا*]

كل ولاداتي في الوصل
بس المراجعه في عيادات خاصه

مشكوورة يا ميرةالامارات على المجهود الطيب ..

[اماراتية طموحة]

شكرا اخواتي اماراتيه طموحه وظبية بوظبي على المشاركه في الموضوع...

امااراتيه طموحه... ربيتي في الزهراء اللي في الشارجه ولا دبي؟؟

واي دكتوره ولدتج؟؟

الغالية ربيت في الزهراء اللي في الشارجة... ولدتني دكتورة أميرة..:22 (25):

[واثقة الخطى]

انا كنت اراجع عند زينب لين اشهر الخامس ومن الخامس لين التاسع رحت عند زليخه اللي ف دبي دكتورة برميلااااااااااااااا وايد وايد وايد اوكيه واسعارهم بعد حلو خذو عني 4000 واهتمامهم اوكيه بس الدكتورة ناس وناس يعني شوي بتلوع جبدكم منها خياطتها اوكيه وبسرعه تبرا الخياطه
ف الحمل الثاني انشاء الله بربي عند زينب ( على فكرة امي يوم كانت حامل فيه ربت عند زينب )

[منى الحمادي]

جزاج الله خير اختي الغالية

[الجوهرة]

موضووووووووع حلو

[صدى حنيني]

موضوع حلو بس اللي اعرفه ان الولادات اتم في الشارجة بالنسبة للزهراء لان اللي في دبي بس حق المراجعات وانا كنت اراجع عند الدكتورة نفيسة ...

[دبي]

موضوع مفيد يعطيكم العافيه

أنا كنت أراجع بين العيادات الخاصه والعيادات الحكوميه
أكثر عياده حبيتها عيادة الدكتوره ميسون القيسي لأن عندهم التلفزيون أحسه واضح
والدكتوره زينب بس الزحمه عندها لا تطاق

وربيت في مستشفى زليخه في الشارجه ، وخذوا 3 آلاف وشوي ، والسعر يعتمد على الغرفه وعدد الأيام
أنا أخذت الغرفه المتوسطه ب300 درهم في اليوم
وعندهم ب 150
و ب 800 ، هاي سبشل

والصراحه ارتحت عندهم والنيرسات جابلوا النونو وريحوني ، لأنه ما كان عندي حد معايه

وبصراحه أتمنى أربي مره ثانيه عندهم لأن أسعارهم مناسبه ، ويجابلون البيبي عكس المستشفيات الحكوميه يعقون عليج البيبي وانت تعبانه ، الوحده بتجابل عمرها ولا تجابل النونو إللي يبطل حلجه 24 ساعه

[هنوودة الحلووة]

انا كنت اراجع عند دكتوره وكيلي في عيادة البرج في المزايا سنتر

بس ولدتني في مستشفى بوالهول الخاص

بصراااااحه

ارتحت واااايد وياهم والسسترااات ما قصروا واخلاقهم حلوه

بس السعر ما اذكر بالضيط الدكتوره خذت 1500

والمستشفس يمكن 4000 وشويه عشان خذيت الغرفه vip يعني اسبيشل والغرفه فخمه وكبيره

وسلامتكمممممممممم

[فطيم]

انا راجعة عند الدكتوره نيهال و ربيت في الوصل و الحمدلله الله المسهل

[أم شـــواخي]

موضوع حلو

انا ربيت في مستشفى الوصل ... اهتمامهم أوكيه لكن للأسف الوحده ما ترتاح عندهم 24 ساعه ويطلعونها من المستشفى
والخياطة تلوع بالجبد ابد الدكتوره كانت خياطتها مب شي


اختي اماراتية طموحه

شو رايح في الدكتورة اميرة ؟؟

وشو كانت الخياطة اوكية ولا لا ؟؟

[DesigneR StylisH]

معلومات مفيده ... بس انا ابى شي في بوظبي...