تعبت من النظااافه

[ام الورس]

السلام عليكم ورحمة الله وبركاته
كرهت شي اسمه تنظيف والله حالتي حاله من تنظيف مع انه عندي ولد عمره5 سنين وعندي بس غرفه وحمام بس تعبت وسواس تخيلو امسح الغرفه وتسريحه 3 مرات باليوم وانظف الحمام2 مرتين مع انه نظيف وابني يحليله هادي ومرتب الله يحرسه بس انا وسواس ما احب يلعب فيها الله يوم اشوف خواتي او حريم اخواني مرتاحات اتعذب اقول ليش انا مش مرتاحه بغرفتي ابغا ايلس وايد مع ابني
وعصبيه اذا ابني دخل فيها وانا مش موجوده انصحووني وعطوني جدول تنظيف انا شكيت لانكن خواتي وحبيباتي وانتظر الردود حتى لو كانت قاسيه المهم اتغير وتتغير نفسيتي

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[ام الورس]

وووينكن يابناااااات

[طي السنيين]

لازم بتتوسخ وتنظفين وعلى هالحال يعني مب مره ولا مرتين بتتوسخ عسب تنفعلين على ولدج

ولو وسخها مب نهاية العالم كل شي يتنظف بالسهاله قوليله لو وسخت نظف مشاء الله يفهم

خبي عندج حلاوى وقوليله لو حافظة على الغرفه بعطيك مصاص مثلا هذا لو وسخ وإنتي تقولين منظم الحمدلله

[طي السنيين]

ما كملت المهم عن التنظيف أعتقد شكلج إنتي طبيعتج من النوع العصبي أو الحمقي بسرعه تتنفرزين وهذا غلط
فلو تبين الصح غيري أول شي من الطبع هدي أعصابج وهونيها وبتهون
وكثري من الإستغفار لما تفكرين إنج تعيدين التنظيف أو إشغلي نفسج بقراءة أية الكرسي عند الوساوس

والله يوفقج أختي

[ام الورس]

مشكوووووره اختي بس ابغا استفيد اكثر منكن

[الطرفالذبوحي]

الله يعينج اختي على هالحاله

انا انصحج انج تشغلين عمرج باي شي عشان ما يكون عندج وقت للتنظيف

سويلج جدول حطي فيه وايد اشياء اتحبينها والتزمي فيها وخلي وقت واحد بس حق التنظيف

وان شاء الله تتوفقين

[ام الورس]

الله يعينج اختي على هالحاله

انا انصحج انج تشغلين عمرج باي شي عشان ما يكون عندج وقت للتنظيف

سويلج جدول حطي فيه وايد اشياء اتحبينها والتزمي فيها وخلي وقت واحد بس حق التنظيف

وان شاء الله تتوفقين

مشكووووره غناتي بحاول اسوي جدول

[السدره]

الوسواس له حلو واحد ، لكنه يحتاج صبر منج عشان تتعودين

الحل هو ===>سوي العكس

يعني نظفي الحجره والحمام مره باليوم وباقي اليوم "ردديها" يعني رتبيها

وزي ما قالوا البنات ، اشغلي وقتج بأمور يعني قسمي شويه نت، وشويه عباده وتسبيح، شويه لعبي مع ولدج وارسمي معاه وايد بيستانس وبيتعلم منج ان ياخذ لون ويرده مكانه، وشويه يلسي مع اهل ريلج او زوري اهلج او ربعج او استضيفي حد ، ادخلي المطبخ

او تعلمي شغله ، مثل الاشغال اليدويه ،سوي شباصات ، دخون ، تعلمي على البوربويت وغيره من الكمبيوتر واستفيدي من وقتج


أتمنى اكون فدتج بشي



السدره

[ام الورس]

الوسواس له حلو واحد ، لكنه يحتاج صبر منج عشان تتعودين

الحل هو ===>سوي العكس

يعني نظفي الحجره والحمام مره باليوم وباقي اليوم "ردديها" يعني رتبيها

وزي ما قالوا البنات ، اشغلي وقتج بأمور يعني قسمي شويه نت، وشويه عباده وتسبيح، شويه لعبي مع ولدج وارسمي معاه وايد بيستانس وبيتعلم منج ان ياخذ لون ويرده مكانه، وشويه يلسي مع اهل ريلج او زوري اهلج او ربعج او استضيفي حد ، ادخلي المطبخ

او تعلمي شغله ، مثل الاشغال اليدويه ،سوي شباصات ، دخون ، تعلمي على البوربويت وغيره من الكمبيوتر واستفيدي من وقتج


أتمنى اكون فدتج بشي



السدره

مشكووووره الصبر مفتاح الفرج وان شاء الله اسوي عكس لان عندي فرااغ وبحاول اقسم وقتي