انا مصربعه؟

**الام عائشة** · 2009-12-07, 12:20

ابغي اعرف رايكم فيني هل انا مصربعه
ريالي يقول لي دوم انتي مستعجله ومصربعه مع اني ما احسن بهذا الشي وفي نفس الوقت يقول انتي مريحتني بعد شو هذا التناقض
بدش في السالفه علي طول انا احب اطلع واروح بس ما احب الزحمه وايد يصير عندي ادوار الحمدلله علي كل حال
بس منظمه واحب اخلص شغلي بسرعه مثل في عطله الربيع احب اروح البر واختار المكان المناسب لي وللعيال وفي نفس الوقت ما دام في اجازه احب اروح السوق لانه ما في زحمه واشتري قطع لي وللبنات اتقولون زهبه وافصل مره وحده لعيد الفطر والاضحي وافك عمري وبعدين اسير وافصل العبي ونفس الشي للعديين مره وحده وعشان جذي يقول عني مصربعه
وبعدين اخر السنه ويوم اعيالي يستلمون الشهادات اروح المكتبه واشتري كل شي من لوازم المدرسه بس الشنط ما اشتريهم لان يوم اسافر اشتري من برع يكون شكلهم وايد حلو
شو رايكم انتم انا مصربعه وحتي يسوي مثلي
والله يوم اشوف زحمه العيد اقول الحمدلله اني مخلصه وهني ريالي ايقول انتي مريحتني

المزيد من آخر المواضيع من نفس القسم:

**أم فطامي 2009** · 2009-12-07, 12:28

لا بالعكس لا مصربعه ولا غيره فديتج عيشي حيااآآتج ^^

**88nono** · 2009-12-07, 12:29

اممممم عادي ما فيها شي
كثير ناس اعرفهم يخلصون شغلهم مره وحده
لان عيد الفطر و عيد الاضحى موعدهم قريييب من بعض
يعني يخلص عيد الفطر بعد كم اسبوووع يطل علينا العيد الثاني
.
.
.

من رايي انا اشوف ان الموضوع عادي جدا
و ما يستاهل انج تفكرين فيه حتى
بس لو زوجج يتضايق من هالسالفه حاولي تخلصين شغلج من غير ما يدري ههههههههه

**sose_m** · 2009-12-07, 12:32

لا حبيبتي بصرآحه جي انتي مريحه عمرج.........
انا اقوولج تمي جي أحسن لج ...^^
وإن شاء الله اصير شراتج..

**الام عائشة** · 2009-12-07, 12:55

مشكورات خواتي علي الردود

**ღнmσ๑sάღ** · 2009-12-07, 13:00

أحسن تخلصين كل شي قبل الزحمه شوفيها كلنا في الهواا سواااااااااا

**صفوويه** · 2009-12-07, 13:00

المشاركة الأصلية كتبت بواسطة sose_m

لا حبيبتي بصرآحه جي انتي مريحه عمرج.........
انا اقوولج تمي جي أحسن لج ...^^
وإن شاء الله اصير شراتج..

مع انه سااالفتج دووختلي رااسي ههههههههههه

بس حلوو الي تسوينه خخخ

**اخت بوحميد** · 2009-12-07, 13:09

احسن لج والله تفتكين من زحمه ومن الامراض ولاحشرت الناس وانا هالعيد سويت نفسج

**فيفي1985** · 2009-12-07, 13:15

نفسج احب اخلص شغلي وارتب اموري من قبل انا نفسج مصربعه ههههههههههه

**قلب مايد** · 2009-12-07, 14:19

المشاركة الأصلية كتبت بواسطة 88nono

اممممم عادي ما فيها شي
كثير ناس اعرفهم يخلصون شغلهم مره وحده
لان عيد الفطر و عيد الاضحى موعدهم قريييب من بعض
يعني يخلص عيد الفطر بعد كم اسبوووع يطل علينا العيد الثاني
.
.
.

من رايي انا اشوف ان الموضوع عادي جدا
و ما يستاهل انج تفكرين فيه حتى
بس لو زوجج يتضايق من هالسالفه حاولي تخلصين شغلج من غير ما يدري ههههههههه

**حنين البدر** · 2009-12-07, 14:50

بالعكس جيه أريح ووايد ناس جيه يسوون .. ما اعتقد فيها شي ... ليش تكظين نفسج فالزحمة ....

**الشهد كله** · 2009-12-07, 15:03

واذا كنت مصربعة وين المشكلة حلاته اصلا ما ضيعين وقت ولا تنسين شي ...

عيبني العنوان هههههه ربي يوفقج

**بنت المذكور** · 2009-12-07, 15:42

شويعني مصربعه == مطيره هع
لاااا ماجووف فيهااا شييي
بس كيف تفصليين لمده طوييله لان المووضه تتغير وفي كولكشناات يديده وتتغير الاسعاار
شكلج ماتهتمين بهالسوااالف هع
عااادي هذي حيااتج وانتي حره فيهااا كل انسااان له روتينه له حياااته له منطقيته فالعيييش

**بنت المذكور** · 2009-12-07, 15:43

المشاركة الأصلية كتبت بواسطة قمر الكتبي

يالمصربعه

واايد عايبتنج الجلمه طاااخ وجان تستحي هه

**الام عائشة** · 2009-12-07, 16:15

بنت المذكور بعكس احب الموضه واعرف شو بسوي
بس انا قصدي التفصيل عند الخياط انا اكون مسويه الموديل الي اباه حتي المخوير ادور واغير علي الشي المناسب لي
ام بخصوص الاسعار قبل العيد يكون كل شي غالي وانا اسوي قبل ويكون ارخص مثل حمياتي سوت عباه قبل العيد 600 درهم وانا يوم اسوي محد يشوف الي اسويه حتى ريالي طبعا انا كنت مفصله نفس العباه بس هي اليد عاديه وانا فيه حركه 380 درهم ممكن الوحده اتبدع ما دام هي اتعرف شو تبغي وانا احط جدول قبل ما اخذ الشي واختار المكان المناسب لي

الموضوع: انا مصربعه؟

أدوات الموضوع

عرض

انا مصربعه؟

المزيد من آخر المواضيع من نفس القسم: