كيف تقسمون ثيابكم بالغسالة الأوتوماتيك؟؟

**LACNOR Lady** · 2007-04-24, 21:54

السلام عليكم

حبيت أسألكم بشتري غسالة أوتوماتيك بس

1- كيف أقسم الثياب فيها؟؟ يعني ثيابي أنا وزوجي وعيالي؟؟

الأبيض بروحه والملون بروحه والا؟؟

وخاصة انه صابون اليهال غير عنا,,

لأنها أظن تاخذلها ساعة بالغسيل؟؟ متى بنخلص اذا مقسمات؟؟

2- والا أخلي كنادير زوجي بروحهم يوم ,, وعيالي يوم ,, بس فيه ثياب المدرسة وفيه للبيت,,

ياريت اللي عندها تعلمني كيف ماشية عليها,,

3- واللي أخذها 8 كيلو والا 10 كيلو؟؟ وكيف أعرف هالكمية كم كيلو؟؟

والله يعطيكم العافية

المزيد من آخر المواضيع من نفس القسم:

**شجون القلب** · 2007-04-24, 23:02

ما ادري والله ، ان شاء الله تحلصين الرد

**عـذبـــــــه** · 2007-04-24, 23:11

يفضل انج تقسمين الثياب الابيض روحه والالوان بروحهم والاسود طبعا روحه
ثياب الاطفال اكيد تفصلينهم عن ثياب الكبار
بالنسبه كيف تعرفين كم كيلو هذا من اللى بتشترين عنه بيخبرج كم كيلوو
والحجم اللى المفروض تاخذينه يعتمد على عددكم وانتى كم مره تغسلين هل كل يوم والا مرتين بالاسبوع يعني هالامور
عن نفسي استخدم الغساله الاوتوماتيك اللى تتبطل من فوق لما بغيت اشتري قالو لا تاخذين اللى تتبطل من تحت لانها تخترب بسرعه، وفعلا طلعت ممتازه
طبعا لازم تنتبهين بعد يوم تشترين التايد او اريل لان فى منهم للغسالات اللى تتبطل من فوق وفى منهم للي تتبطل من تحت

هذا كل اللى اعرفه، واسمحيلي اذا قصرت

**omalkool** · 2007-04-25, 08:05

انا بغسل يوم بعد يوم واحيانا كل يوم ده بالنسبة لملابس الاولاد وبتكون لوحدها اما جلاليب زوجى بتكون كل ثلاث ايام لانها لوحدها اما ملابس البيت تقريبا يوم بعد يوم وفى حاجات تغسل باليد:22 (20): اتمنى انى اكون افادتك

**LACNOR Lady** · 2007-04-25, 16:44

مشكورة أختي عذبة على ردج ,,

الغالية احنا 2 كبار و3 يهال تقريبا أي حجم أخذ؟؟

عيبتني اللي 10 كيلو LG وتتبطل من فوق,,

أقصد بالكيلو يعني شعرفني هالثياب يطلعن كم كيلو؟؟

أتمنى تردين عليه وأكون لج شاكرة,,

تسلمين أختي أم الكل عالرد ومثل ماقلتي شكلي بقسم الثياب أحسن شي,,

مشكورة عالرد,,

**امطار شرقية** · 2007-04-25, 17:45

المشاركة الأصلية كتبت بواسطة LACNOR Lady

السلام عليكم
حبيت أسألكم بشتري غسالة أوتوماتيك بس
1- كيف أقسم الثياب فيها؟؟ يعني ثيابي أنا وزوجي وعيالي؟؟
الأبيض بروحه والملون بروحه والا؟؟وخاصة انه صابون اليهال غير عنا,,
لأنها أظن تاخذلها ساعة بالغسيل؟؟ متى بنخلص اذا مقسمات؟؟
2- والا أخلي كنادير زوجي بروحهم يوم ,, وعيالي يوم ,, بس فيه ثياب المدرسة وفيه للبيت,,
ياريت اللي عندها تعلمني كيف ماشية عليها,,
3- واللي أخذها 8 كيلو والا 10 كيلو؟؟ وكيف أعرف هالكمية كم كيلو؟؟
والله يعطيكم العافية

مرحبا اختي الغالية " LACNOR Lady " :-

اول شي اغسلي ثياب عيالج البيض والغسلة اللي عقبها ثيابهم الملونة ولانج تستخدمين لهم صابون نوع ثاني لثيابهم غيري الماي واغسلي ثيابج وثياب ريلج الملونة وردي غيري الماي واغسلي ثيابج وثياب ريلج البيض وبنفس الماي اغسلي الفوط الوسخة وطبعا اتكونون قبل منقعتنهم في ماي وديتول .

اما عن حجم الغسالة كلما كانت اكبر احسن لانها بتنفع حق الفوط الكبيرة وروب الحمام مثلا وشراشف الصغاريه ^_^ ... والسموحة

**شمووخ** · 2007-04-25, 20:00

انا اول شي اقسم الثياب مثلا ثياب زوجي ثيابي وثياب البيبي

اغسل ثياب زوجي اول

وقبل اخلي ثياب البيبي في طش فيه ماي وكلوركس للآلوان عشان ثياب البيي تكون متسخة من الاكل وغيره

وبعدين اغسل ثيابي

واخر شي اغسل ثياب البيبي لانها تكون اتودنت ويكون عندي فرصة اني انظفها من الوسخ والكلوركس وايد يساعد

انا غسالتي اتوماتيكية تغسل وتشطف وبعدين يكون الدوران السريع بس احط الثياب ومسحوق الغسيل

وفي مرحلة الشطف احط الكومفرت وبس

ان شا الله تكونين استفدتي

**LACNOR Lady** · 2007-04-26, 00:22

المشاركة الأصلية كتبت بواسطة امطار شرقية

مرحبا اختي الغالية " LACNOR Lady " :-

اول شي اغسلي ثياب عيالج البيض والغسلة اللي عقبها ثيابهم الملونة ولانج تستخدمين لهم صابون نوع ثاني لثيابهم غيري الماي واغسلي ثيابج وثياب ريلج الملونة وردي غيري الماي واغسلي ثيابج وثياب ريلج البيض وبنفس الماي اغسلي الفوط الوسخة وطبعا اتكونون قبل منقعتنهم في ماي وديتول .

اما عن حجم الغسالة كلما كانت اكبر احسن لانها بتنفع حق الفوط الكبيرة وروب الحمام مثلا وشراشف الصغاريه ^_^ ... والسموحة

الغالية يعني نغسل أربع مرات صح؟؟

ماتخترب جذيه وكم من الوقت تاخذ بكل غسلة؟؟

مشكورة الغالية

**LACNOR Lady** · 2007-04-26, 00:24

المشاركة الأصلية كتبت بواسطة شمووخ

انا اول شي اقسم الثياب مثلا ثياب زوجي ثيابي وثياب البيبي

اغسل ثياب زوجي اول

وقبل اخلي ثياب البيبي في طش فيه ماي وكلوركس للآلوان عشان ثياب البيي تكون متسخة من الاكل وغيره

وبعدين اغسل ثيابي

واخر شي اغسل ثياب البيبي لانها تكون اتودنت ويكون عندي فرصة اني انظفها من الوسخ والكلوركس وايد يساعد

انا غسالتي اتوماتيكية تغسل وتشطف وبعدين يكون الدوران السريع بس احط الثياب ومسحوق الغسيل

وفي مرحلة الشطف احط الكومفرت وبس

ان شا الله تكونين استفدتي

نفس أسئلتي الفوقية,,

يوميا تغسلين جذيه والا؟؟

يعني كم تاخذين من الوقت بها كله؟؟

مادري ليش متسوية من سالفة الأوتوماتيك؟؟ مع انها أريح!!

ماتقصرين يالغالية

**ليالي_العين** · 2007-04-26, 00:27

انا ما اعرف شي بالغسيل

دخلت عشان استفيد مثلكم

السموووووحة

**طيبة الكويتية** · 2007-04-26, 02:05

اخذي يا اختي 10كيلو LG
ماشاءالله ممتازه. امي عندها 12 كيلوا و ماشاءالله يوميا غسيل و سهله ماشاءالله. حتى الكفرات تحطهم فيها.
و بالنسبة للتقسيم. ملابس زوجج الداخليه يعني الفنيله و الشورت مع بعض و تحطين الدرجه على 80 و طالع.
ملابسج انتي الداخليه اذا بيضه ممكن تحطينها مع ملابس زوجج اما الألوان خليها ويا بعض و ما تكون وايد حرارة الماي مرتفعه علشان ملابسنا احنا الحريم يكون فيها نايلون اشويه من جذي ما تتحمل الماي الحار بزود.
كنادير زوجج لوحدها و تنغسل بماي بارد. مو تنسين باااااااااااااااارد, و معاهم ممكن تحطين الغتر ملوته بعد.
ملابسكم الملونه, انتي عارفه ايهو اللي يطلع لون و ايهو لأ. يعني حطي الفواتح ويا بعض و الألوان الغامجه ويا بعض.
ملابس العيال نفس الشي الملون بروح و الأبيض بروح.
و اذا على الوصاخه الزايده في ملابس اعيالج ممكن تحطين لهم فانيش وايد ممتاز للبقع والله يا اختي.
عن تجربه احسن صابون الأريال الأخضر و اهو مخصص للأوتوماتيك مو الغسالات العاديه.

**el7elwa** · 2007-04-26, 09:59

الغاليه انا اغسل كل يوم وترك لأنه ما عندي عيال بس انا وريلي

ومرات كل يوووم

اكثر شي ثياب ريلي بيضه يعني اغسل ثياب ريلي بروحها

وبعدين اغسل ثيابي الملونه الوان فاتحه واللي ما اتطلع الوان

وبعدين اغسل الثياب الالوانها غامجه

وكل اسبوع اغسل الفوط مره من روب السباحه + فوط الراس

اما فوط مساح البيت اودنهن بالماي والديتول وواغسلهم اشوي بيدي وبعدين احطهم بالغساله وعلى الغسيل السريع وبحراره عاليه

وبعدها اسوي شطف للغساله عشان ما ايتم شي من الوصخ فيها

طبعا كل غسله بروحها

وانا غسالتي اوتوماتيك و7 كيلو

بس ما اعرف احسب الوزن احط فيها الثياب بس اراعي ااني اخلي مكان عشان تتجلب عدل الثياب بالغساله

**امطار شرقية** · 2007-04-26, 10:13

المشاركة الأصلية كتبت بواسطة LACNOR Lady

الغالية يعني نغسل أربع مرات صح؟؟ ماتخترب جذيه وكم من الوقت تاخذ بكل غسلة؟؟
مشكورة الغالية

لافديت ماتخترب في بيوت فيهم فوق 20 شخص ماشاء الله والغسالة تكد لخمس سنوات او اكثر وطبعا اهم شي الاستخدام الامثل والمحافظة على الغسالة ، وبما ان عندج درجات للوقت وعلى حسب نوع الثياب والوقت اللي تحتاجه عسب تنظف ومب شرط كل يوم ترومين تغسلسن يوم وترك او حسب حاتج للثياب واتمنى اكون فدتج ^_^

**وحدانيه** · 2007-04-26, 10:14

بصراحه انا كل مره اسأل أمي كيف يغسلون الثياب ويقسمونها ،،،، الشي الوحيد اللي لليوم ما فهمته ،، بس أمي ماسكه الشغالة ومعلمتنه عدل على الغسيل،،، الله يخليه لنا يا رب ،، شكرا على الموضوع المفيد،،،،

**LACNOR Lady** · 2007-04-27, 23:17

المشاركة الأصلية كتبت بواسطة طيبة الكويتية

اخذي يا اختي 10كيلو LG
ماشاءالله ممتازه. امي عندها 12 كيلوا و ماشاءالله يوميا غسيل و سهله ماشاءالله. حتى الكفرات تحطهم فيها.
و بالنسبة للتقسيم. ملابس زوجج الداخليه يعني الفنيله و الشورت مع بعض و تحطين الدرجه على 80 و طالع.
ملابسج انتي الداخليه اذا بيضه ممكن تحطينها مع ملابس زوجج اما الألوان خليها ويا بعض و ما تكون وايد حرارة الماي مرتفعه علشان ملابسنا احنا الحريم يكون فيها نايلون اشويه من جذي ما تتحمل الماي الحار بزود.
كنادير زوجج لوحدها و تنغسل بماي بارد. مو تنسين باااااااااااااااارد, و معاهم ممكن تحطين الغتر ملوته بعد.
ملابسكم الملونه, انتي عارفه ايهو اللي يطلع لون و ايهو لأ. يعني حطي الفواتح ويا بعض و الألوان الغامجه ويا بعض.
ملابس العيال نفس الشي الملون بروح و الأبيض بروح.
و اذا على الوصاخه الزايده في ملابس اعيالج ممكن تحطين لهم فانيش وايد ممتاز للبقع والله يا اختي.
عن تجربه احسن صابون الأريال الأخضر و اهو مخصص للأوتوماتيك مو الغسالات العاديه.

مشكورة الغالية ماقصرتي بالرد

بس حبيبتي هذول كلهم يوميا؟؟ يعني كم ساعة تاخذ بكل غشلة أبقي أعرف والله

والا أخلي كنادير زوجي مرتين بالاسبوع ؟؟

وشرايج لو كلابسي الداخلية وملابس زوجي الداخلية ويا بعض وأدري ملابسي ماتطلع اللون؟؟

يصير يعني؟؟

وأشكرج حبيبتي

الموضوع: كيف تقسمون ثيابكم بالغسالة الأوتوماتيك؟؟

أدوات الموضوع

عرض

كيف تقسمون ثيابكم بالغسالة الأوتوماتيك؟؟

المزيد من آخر المواضيع من نفس القسم:

المواضيع المتشابهه

كيف تقسمون ملف الانجاز انجليزي

كيف تقسمون مصرووفج....؟؟

وع لا تودون ثيابكم الغسيل اغسلوها أرواحكم