سبب الإجهاض؟

[ام حور]

السلام عليكم


كل عام وانتم بخير

بنات انا من احمل 4 اسابيع وانزف لين ما اجهض وموبعارفة شو السبب
اللي عندها اسم دكتورة او تعرف تخبرني شو اسوي ما تقصر علي؟

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلع بو راشد]

وعليكم اسلآم ..

وانتي ان شااء الله بخير ..


والله يختي ما عندي فكره شو اسبب .. وفي ابوظبي ما عرف .. اذا تبين الشارجه انا حااضره ..



UP

[اسعد تعيسه]

روحي لدكتوره شاطره

وخليها تسويلج فحوصات عشان تعرفين سبب لاجهاضات

الله يعوضج خير

[حرم زوجي]

كنتي تاخذين مثبتات؟؟
الله يرزقج الذريه الصالحه ياارب..الزمي الراحه..وراجعي دكتووره شااطره تعطيج ابر تثبيت ولا حبووب..
وباذن الله يثبت وتفرحين فيه..
عندج دكتوره ناديه ودكتوره ماريان..فبوظبي..
وعندج جوان مراد وكاميليا العزاوي فالشارجه..
والله يوفقج ياارب..

[أم حتوس]

احتمال مشكلتج في الدم ولازم ابر او حبوب اسبررين راجعي دكتوره شاطره احسن عندج مستشفى المفرق

الاستشاريه ارونا كومار

[قشطة بالعسل]

الله يعوضج خير إن شاءالله يارب

أختي روحي حلل يمكن عندج تجلط في الدم .. مايوصل دم للمشسمه عشان البيبي ينمو ويصير اجهاض

حللي سبحان الله ماتدرين

وربي يرزق كل محروم إن شاءالله

[أحبك يا دنيتي]

الله يعوضج الغاليه

[جورى1977]

الله يعوضج

[جنة أبوي]

الله

يعوضج يا أختي أم حور..


أختي بعد ما كنت من تحمل عقب شهرين أو ثلاث أشهر اتسقط وما خلت مستشفى ولا شي اللي وسوته وما شاء الله عقب 12 سنة الله رزقها ببنوتة جميلة والمشكلة كان ان دمها كان ثقيل وما كان يوصل للجنين والحمدلله كل ما كانت تحمل كانو يعطونها ابر التثبيت والاسبرين .. وأختي تعالجت في المستشفى التوام عند دكتورة وايد شاطرة اسمها دكتورة طاهرة نعيييم.. والله يحفظج ويوفقج ان شاء الله

[bint_alzaabi]

حللي حبيبي ويمكن فيج كاشحه

[ش حلاتي]

حللي وافحصي عمرج

[دوده حمراء]

السلام عليكم ورحمة الله وبركاته ...

في وحده من أهلنا نفس حالتج وما عرفت شو السبب .. وآخر شي راحت عند دكتوره شاطره الصراحه ما اذكر أي دكتوره ... وقالتلها ما سوولج فحص عشان الغده الدرقيه قالت الحرمة لا وأنا أصلا ما فيني الغده وقالتلها خلينا نسوي نحن مب خسرانين شي ... ويوم سوت طلع عندها هبوط فالغده الدرقيه وهذا سبب من الأسباب ....


سوي فحص الغده وجميع الفحوصات وان شاء الله ينعرف السبب .... حاولي ما تحملين لين تعرفين السبب ...

الله يرزقني ويرزقج ويرزق كل اللي يتمنون الذريه الصالحه المعافاه ....

[no0o0or12]

الله يعوضج خير ان شاء الله

خواتي انا ما انصحكم بالدكتوره جـوان مراد..

[سمره كيوت]

حبيبتي انا اجهضت ثلاث مرات واخر شي طلع فيني السكري وهو السبب الرئيسي يسبب تشوه للجنين واسقطهم بس الحمدلله تعالجت عنه واخذ انسولين والحمدلله الحين حامل وللحين حملي سليم الله يسهل علي يا رب
ووداني خالي عند مطوع يقرأ علي الرقيه الشرعيه واشرب ماي زمزم والحمدلله توكلت على رب العالمين
انتي سيري سوي فحوصات كامله اهمها السكري وان شاء الله خير والله يعوضج يارب